Hoover-gebou

in Wikipedia, die vrye ensiklopedie



Hoover-gebou

Western Avenue, Perivale
Londen
Vlag van Verenigde Koninkryk Verenigde Koninkryk


Styl

Art Deco


Argitekte

Wallis, Gilbert and Partners


Opgerig

1932–1933


Die Hoover-gebou in Perivale, 'n voorstad in die Londense stadsdistrik Ealing (London Borough of Ealing), word as een van die uitstekendste voorbeelde van Art Deco-boukuns in die Britse hoofstad en die Verenigde Koninkryk beskou. Dit is oorspronklik in 1932 deur die argitekte-vennootskap Wallis, Gilbert and Partners as Londense fabriek- en kantoorkompleks vir die Amerikaanse stofsuiervervaardiger Hoover ontwerp.

Hoofingang

Die fasade van die laagliggende wit hoofgebou met twee verdiepings word deur massiewe suile in die Egiptiese styl in vyftien nisse verdeel; opvallend is die suile se versierings aan die bo- en onderkant. Ook die hoofingang is versier met Art Deco-stylelemente soos gestileerde sonstrale.

Nadat die fabriek in die vroeë 1980's gesluit is, het die Britse supermarkketting Tesco dit in 1989 gekoop om hier – volgens sy konsep van 'n "lewende museum" – 'n moderne supermark in die argitektoniese konteks van Art Deco-boukuns uit die 1930's te bedryf.

Eksterne skakels[wysig | wysig bron]

Argitektuur en toerisme
Fotogalery

Koördinate: 51°32′1″N 0°19′8″W / 51.53361°N 0.31889°W / 51.53361; -0.31889