Hordes van die Oeloes van Jotsji

in Wikipedia, die vrye ensiklopedie
Jump to navigation Jump to search
Batoe Khan stig die Goue Horde.

Djengis Khan se oudste seun, Jotsji, het 14 seuns gehad. Ná sy dood het hulle hul pa se deel van die Mongoolse Ryk, bekend as die Goue Horde of Oeloes van Jotsji, geërf met Batoe as opperste khan. Hoewel sy broer Orda die oudste was, het hy hom aan Batoe se gesag onderwerp.

Orda het saam met van sy jonger broers oor die oostelike vleuel van die Goue Horde regeer en Batoe en van sy ander broers oor die westelike deel. Hierdie hordes is in Slawiese en Persiese geskiedenisgeskrifte bekend as die Wit Horde en Blou Horde.

Daar heers verwarring oor die kleurbeskrywing van die hordes. Sommige bronne verwys na die Wit Horde as die Blou Horde en omgekeerd. In Timoeridiese bronne word die linkervleuel (oostelike deel) van die Goue Horde die Wit Horde genoem en in Russiese bronne die Blou Horde. Hoewel Westerse historici meestal die Timoeridiese gebruik volg, het Ötemish Hajji, ’n historikus wat vertroud was met die mondelinge tradisie van die Mongoolse Ryk, die linkervleuel ook die Blou Horde genoem. Dit lyk dus of die Russiese bronne reg is.[1]

Die terme Goue, Blou en Wit Orde word nie aangetref in bronne uit die Mongoolse tydperk nie.[2]

Verwysings[wysig | wysig bron]

  1. Atwood, Christopher P. (2004). Encyclopedia of Mongolia and the Mongol . New York, USA: Facts on File, Inc.. ISBN 0 8160-4671-9, p.41
  2. Allsen, Th. T. (1987): The Princes of the Left Hand: An Introduction to the History of the ulus of Ordu in the Thirteenth and Early Fourteenth Centuries. Archivum Eurasiae Medii Aevi 5, pp. 5–40.