Hotel (TV-reeks)
(Aangestuur vanaf Hotel (Tv Reeks))
| Hotel | |
| Genre | Mokumentêre komedie |
|---|---|
| Geskryf deur | Bennie Fourie Stiaan Smith |
| Taal | Afrikaans |
| Aantal seisoene | 5 |
| Aantal episodes | 65 |
| Produksie | |
| Looptydperk | 23 minute (omtrent) |
| Uitsending | |
| Oorspronklike kanaal | kyknet |
| Beeldformaat | HD |
| Oorspronklike lopie | 11 Julie 2016 |
Hotel is 'n Afrikaanse mokumentêre reeks wat op KykNET, DStv kanaal 144 uitgesaai word.
Fiktief in die hartjie van Mpumalanga, in die klein dorpie van Fransenburg, staan die Fransen Hotel. Eens die dorp se trots. Eens 'n baken. Eens. Nou skaars 'n een uit vyf op Trip Advisor. Ferdie Kruger, die middeljarige hotelbestuurder en sy kleindorpie personeel, spartel om die substandaardhotel se deure oop te hou.
Hotel word maandae om 19:30 uitgesaai.
In Augustus 2021 kondig KykNET aan dat Hotel vir 'n 5de en laaste seisoen gehernu is.
Die reeks is ook beskikbaar op DStv Now en Showmax.
Reekse[wysig | wysig bron]
| Reeks | Episodes | Oorspronklik uitgesaai | ||
|---|---|---|---|---|
| Eerste uitgesaai | Laaste uitgesaai | |||
| 1 | 13 | 11 Julie 2016 | 3 Oktober 2016 | |
| 2 | 13 | 9 Oktober 2017 | 1 Januarie 2018 | |
| 3 | 13 | 7 Januarie 2019 | 1 April 2019 | |
| 4 | 13 | 6 Januarie 2020 | 30 Maart 2020 | |
| 5 | 13 | 3 Januarie 2022 | 28 Maart 2022 | |
Rolverdeling[wysig | wysig bron]
- James Borthwick as Ferdie Kruger
- Beer Adriaanse as Thomas van As
- Simoné Nortmann as Jony Scholtz
- Schalk Bezuidenhout as Danny Beyers
- Sandi Schultz as Maggie Conradie
- Mila Guy as Melanie Schmidt
- Martelize Kolver as Brenda Gunter
- Graham Weir as Oom Dirk Dijkstra
- De Klerk Oelofse as Jaap
Episodes[wysig | wysig bron]
Reeks 1 (2016)[wysig | wysig bron]
| No. algeheel |
No. in reeks |
Episode | Oorspronklike uitsaaidatum |
|---|---|---|---|
| 1 | 1 | WELKOM TUIS - Ferdie Kruger is die bestuurder van die Fransen, 'n boetiekhotel aan die buitewyke van Franseburg, Mpumalanga. Wanneer die Lourier-hotelgroep hierdie rowwe diamant as hul jongste verkryging koop, stuur hulle Thomas van hulle hoofkantoor af om die oorgang te monitor. Thomas se idees bots met Ferdie en sy personeel se outydse manier om dinge te doen. | 11 Julie 2016 |
| 2 | 2 | SWOT ANALISE - Thomas het die personeel nodig om vorms in te vul rakende die huidige toestand van die hotel, terwyl Ferdie vrees dat hul terugvoer sy reputasie kan verwoes. Intussen soek Danny iemand om hom te help voorberei vir 'n oudisie, en Jony bemoeilik dinge vir Thomas ná hul onbeplande romanse van die vorige dag. | 18 Julie 2016 |
| 3 | 3 | DIE SWEMBAD - Na 'n naweek weg is Ferdie terug en oortuig daarvan dat 'n swembad sukses in sy hotel sal verseker - dit is as hy die idee verby Thomas kan kry. Oom Dirk en Brenda sluit hul perongeluk in die skuur toe, terwyl Danny 'n hawelose man op sy nagskof vermaak. | 25 Julie 2016 |
| 4 | 4 | GASVRYHEIDSOPLEIDING - Ferdie soek liefde. Thomas reël 'n opleidingsdag vir die personeel om hul gasvryheidsvaardighede op te skerp. Monica, die fasiliteerder, word tot die uiterste beproef. Benewens die personeel wat haar werk moeilik maak, teiken Ferdie haar as 'n lewensmaat. | 1 Augustus 2016 |
| 5 | 5 | DIE ROT - Thomas en Ferdie probeer die konstante konflik tussen Brenda en Maggie oplos. Terwyl Maggie besig is, moet Danny vir Malanie help om 'n berg skottelgoed te was. Dit word ontwrig as hulle 'n groot rot sien. Jony is op Oom Dirk se spoor, oortuig daarvan dat hy by die werk drink. | 8 Augustus 2016 |
| 6 | 6 | SEKURITEIT - Na 'n inbraak by die hotel, besluit Ferdie om sekuriteitskameras in en om die hotel te installeer. Die krag van alles-sien gaan na sy kop toe en die personeel raak woedend vir hom wat voortdurend oor hul skouers kyk. Intussen probeer hulle ook uitvind wat hulle vir Ferdie vir sy verjaardag kan kry. | 15 Augustus 2016 |
| 7 | 7 | DIE MERGER FUNKSIE - Jony organiseer 'n samesmeltingsfunksie vir Lourier en Die Fransen Hotel. Hierdie belangrike aand word ontwrig wanneer Ferdie 'n boelie uit sy verlede op die gastelys sien. Maggie leer die personeel 'n les as hulle by haar voorgeregte gaan inloer, terwyl Brenda sukkel om 'n joernalis te kry om die geleentheid te dek. | 22 Augustus 2016 |
| 8 | 8 | RESERWE POSISIES - Ferdie vermom hom as 'n moeilike gas nadat hy sy personeel in verskillende posisies geskommel het. As hulle agterkom dat een van die regte gaste 'n beoordelaar is, probeer hulle hul bes om hom professioneel te behandel. Te midde van die chaos kom oom Dirk agter dat Maggie die Crusaders ondersteun en probeer haar swaai. | 29 Augustus 2016 |
| 9 | 9 | DIE DATE - Ferdie besef die personeel vertrou hom nie. In die hoop om vertroue terug te wen, bied hy aan om te help met 'n krisis situasie in die kombuis. Thomas sukkel met sy onvermoë om handige werk rondom die hotel te doen, en Danny bevind hom in 'n uitdagende romantiese situasie. | 5 September 2016 |
| 10 | 10 | DIE GESKENK - Ingrid du Buisson, 'n filantroop, skenk 'n selfportret aan die Hotel nadat Ferdie en Thomas haar lewe gered het. Ferdie skraap die moed bymekaar om haar te vra om 'n swembad te skenk. Maggie probeer Oom Dirk oortuig om hospitaal toe te gaan nadat hy sy hand gesny het, terwyl Danny sukkel met die ongemak tussen hom en Malanie. | 12 September 2016 |
| 11 | 11 | DIE STAKING - Die braai-dag van die spanbou word ontwrig toe Maggie agterkom dat hulle die enigste hotel in die Lourier-groep is wat geen verhoging kry nie. Die personeel besluit om te staak en hulle beset die restaurant en laat Jony en Thomas toe om die hotel op hul eie te bestuur. | 19 September 2016 |
| 12 | 12 | HOTEL VERJAAR DEEL 1 - Die hotel vier sy vyftigste verjaardag. Almal is besig met voorbereidings. Jony moet 'n musikale gas reel, Ferdie sukkel om 'n afspraak te vind, en Thomas moet die begroting in toom hou. Danny en Malanie bevind hulle aan die begin van hul verhouding op vreemde gebied. | 26 September 2016 |
| 13 | 13 | HOTEL VERJAAR DEEL 2 - Dis die groot aand van Hotel se vyftigste. Die toekoms van die hotel hang in die weegskaal en Ferdie smeek Thomas om sy invloed te gebruik en die Hotel te red. Danny en Malanie se trots dreig om hulle verhouding te kos, terwyl Bouwer Bosch steeds weier om op te tree, met 'n gebroke hart. | 3 Oktober 2016 |
Reeks 2 (2017)[wysig | wysig bron]
| No. algeheel |
No. in reeks |
Episode | Oorspronklike uitsaaidatum |
|---|---|---|---|
| 14 | 1 | van As daag op om die hotel te bestuur en is ontmoontlik met die personeel. Hul probeer van hom ontslae raak met 'n plan wat hulle hul werk kan kos. | 9 Oktober 2017 |
| 15 | 2 | Danny en Melanie begin 'n Fransen hotel podcast. Ferdie wil ontslae raak van die nuwe swembad. | 16 Oktober 2017 |
| 16 | 3 | Die hotel kry hul dranklisensie terug en verloor hom weer dieselfde aand. Danny wil weet waarom Melanie kwaad is. Thomas oorspeel sy hand met Jony. | 23 Oktober 2017 |
| 17 | 4 | Ferdie en oom Dirk loods 'n reddingspoging om Brenda en Manie uit Mosambiek te kry. | 30 Oktober 2017 |
| 18 | 5 | Die Fransen hotel kry 'n groepsbespreking. Ferdie se ou vyand probeer hulle saboteer. Thomas poog om Danny en Melanie se vryery te stop. Jony help oom Dirk met 'n persoonlike probleem. | 6 November 2017 |
| 19 | 6 | Thomas maak 'n groot skuif op Jony na hy hoor sy en Jaap wou saam intrek. Ferdie en Brenda toets idees om die hotel meer kompeterend te maak. | 13 November 2017 |
| 20 | 7 | Ferdie en Thomas huur vir Amalia Uys as aanbieder vir hul bemarkingsvideo. | 20 November 2017 |
| 21 | 8 | Die maandelikse bingo aand breek aan. Thomas en Jaap word bevriend met drastiese nagevolge. 'n Hofsaak word tydens bingo aand geopen en Danny en Melanie moet prokureur-prokereur speel. | 27 November 2017 |
| 22 | 9 | Die personeel is besig om gereed te maak vir die finale inspeksie van die Rondrits-tender. Danny word deur Stephano afgepers om die hele inspeksie se sabboteer. | 4 Desember 2017 |
| 23 | 10 | Ferdie word aandele in die hotel aangebied, maar moet die bank oor sy finansies gaan sien. Danny en Melanie probeer uitvind wat hulle liefdestaal is. | 11 Desember 2017 |
| 24 | 11 | Thomas besluit om die personeel te bederf met 'n welverdiende wegbreek - in 'n verlate veld. Na 'n misverstand is almal sonder kos gestand, tot Danny intree as onwaarskynlike held. | 18 November 2017 |
| 25 | 12 | Dis amper Kersfees en dit beteken net een ding by die Fransen - tyd vir Kersies, Versies en Kombersies. Als gaan goed tot Bouwer Bosch aanmeld. Boonop lê Ferdie se aandag by Thomas se ma. | 25 Desember 2017 |
| 26 | 13 | Kersverrigtinge is weer op dreef. Danny en Melanie moet hul vinnige verlowing verwerk. Ferdie en Koba kry opposisie van Thomas. Bouwer Bosch is opgewonde oor sy optrede. | 1 Januarie 2017 |
Reeks 3 (2019)[wysig | wysig bron]
| No. algeheel |
No. in reeks |
Episode | Oorspronklike uitsaaidatum |
|---|---|---|---|
| 27 | 1 | STIEF PARTNER - Thomas is verbaas hoe normaal dinge by die Fransen is na Ferdie met sy ma getrou het... dan kom hy agter dat Ferdie hom nog al die tyd soos sy seun behandel, wat hom teen die mure uit dryf. | 7 Januarie 2019 |
| 28 | 2 | DIE KANDIDAAT - Wanneer Ferdie uitvind dat Stephano ook vir Burgermeester staan, ontlont dit 'n debat waarin die ou vyande weer kragte meet. 'n Veeleisende gas met eksentriese smaak daag by die hotel op. | 14 Januarie 2019 |
| 29 | 3 | DIE VELDTOG - Ferdie en Brenda probeer die OUWROSS-party aan die gang te kry deur wykskandidate aan te stel en 'n veldtog tema te kies wat sy nalatenskap in Fransenburg sal vir ewig. | 21 Januarie 2019 |
| 30 | 4 | GUNSIES DEEL 1 - Die Fransen skeur in twee wanneer Jony en Melanie besef daar word teen vroue gediskrimineer. Ferdie en Thomas moet bont staan om protesaksie te probeer keer voor dit handuitruk. | 28 Januarie 2019 |
| 31 | 5 | GUNSIES DEEL 2 - Danny moet leer bestuur sodat hy vir Thomas kan oortuig om hom te huur as sy Uber bestuurder. Thomas se aandag word intussen afgelei deur 'n Tinder match. Jony konfronteer vir Melanie. | 4 Februarie 2019 |
| 32 | 6 | DIE VIERBAL - Almal se kompeterende kant kom uit wanneer die Fransen 'n vierbal borg sodat Ferdie 'n finansier vir sy politieke party kan haak. Jaap en Jony moet sekermaak Ferdie skrik nie die borge af nie. | 11 Februarie 2019 |
| 33 | 7 | BATCOIN - Danny word in 'n scam genaamd Batcoin ingetrek. Thomas en Jony sluit hulself teen hul wil in die trapkas toe, waar Thomas perongeluk laat val dat Jony nie lekker soen nie. | 18 Februarie 2019 |
| 34 | 8 | MATRIEKAFSKEID - Nadat Ferdie homself in 'n hoek in lieg, moet almal vir Danny help om uiteindelik sy matriek te voltooi. Jaap het sy hande vol met orige Tasha, wat onlangs uitgevind het dat hy ryk is. | 25 Februarie 2019 |
| 35 | 9 | DIE SITKOM EPISODE - Thomas en Jony herbesoek hulle romantiese verlede wanneer 'n misverstand die nuutgevonde vriendskap bedreig, en Brenda span die Dok in om haar verstandtand uit te haal. | 4 Maart 2019 |
| 36 | 10 | SKAAPSKOPPER - Ferdie se veldtog vorder fantasties tot 'n gebeurtenis uit Ferdie se verlede die appelkar omgooi. Thomas se broer kom kuier en vat 'n kans met Jony, terwyl Jaap oorweeg of hy moet aanbeweeg. | 11 Maart 2019 |
| 37 | 11 | JAN & HETTIE - Die personeel se gunsteling gaste, Hettie en Jan daag op. Nadat Jan afsterf oortuig Hettie vir Danny om haar nog rondom die hotel te vergesel, met Jan se lyk. Ami daag op by die hotel. | 18 Maart 2019 |
| 38 | 12 | SCHMIDT SINDROOM - Met Danny se toneelstuk om die draai is die Fransen in rep en roer met kleedrepetisies. Hy word dan met die grootste leun van sy lewe gekonfronteer wanneer twee baie spesiale gaste opdaag. | 25 Maart 2019 |
| 39 | 13 | DIE PRINSES, DIE TOWENAAR, DIE KAS EN DIE TYDVAARDER - Die dag het aangebreek vir Danny se toneelstuk... en Ferdie se burgermeester debat. Die personeel probeer vir Ferdie oortuig om tog in die toneelstuk te wees na Nadia haarself beseer. | 1 April 2019 |
Reeks 4 (2020)[wysig | wysig bron]
| No. algeheel |
No. in reeks |
Episode | Oorspronklike uitsaaidatum |
|---|---|---|---|
| 40 | 1 | Terwyl Jaap drastiese stappe neem om oor Jony te kom, besef Thomas hy is nog verlief op haar en kry vir Malanie om hom te help voor Jony terugkeer. Brenda kry arc-eyes. | 6 Januarie 2020 |
| 41 | 2 | Thomas poog 'n nuwe metode om die personeel se werk te verbeter nadat Ferdie hom inlig oor Stephano se planne - maar Gawie se invloed dreig om dit te pootjie. | 13 Januarie 2020 |
| 42 | 3 | Gawie vra vir Jony om saam met hom oorsee te trek. Sy stem in en sit nou met die moeilike taak om die nuus aan Thomas te breek. Thomas vind uit voor sy hom kan sê... | 20 Januarie 2020 |
| 43 | 4 | Jony en Gawie oortuig die personeel om op 'n dieët te gaan uit solidariteit met Ferdie. Dit ontaard in 'n gewigsverlieswedren met 'n Gawie-geborgde Sun City-naweek as die prys. | 27 Januarie 2020 |
| 44 | 5 | Die Hotel hou 'n begrafnis vir 'n gemeenskapslid wat Ferdie noop om sy eie begrafnis te beplan terwyl hy nog lewe. Thomas probeer om vir oulaas kwaliteittyd met Jony te spandeer. | 3 Februarie 2020 |
| 45 | 6 | Jony is terug, maar Danny weier om sy nuwe posisie as ontvangsdame sommer net op te gee. Die magstryd in die voorportaal lei tot nuwe inisiatiewe en besondere goeie diens. | 10 Februarie 2020 |
| 46 | 7 | Dodgy Mike leer vir Danny dat wat 'n vrou sê en wat sy bedoel twee verskillende goed is en dat Danny tussen die lyne moet lees watse troue Malanie eintlik wil hê. Thomas het nog Vlinder. | 17 Februarie 2020 |
| 47 | 8 | Ferdie reël 'n baba-week by die werk met sakke mieliepapmeel vir al die personeel. Dit word 'n kompetisie om te sien wie die beste ouers is. Jony sukkel om met 'n onbetrokke Thomas te werk. | 24 Februarie 2020 |
| 48 | 9 | In 'n poging om die personeel te kry om op te hou sy-werkies doen terwyl hulle by die Fransen is, eet Thomas en Ferdie per ongeluk muffins met dagga. | 2 Maart 2020 |
| 49 | 10 | Wanneer Jeff se selfoon gesteel word, neem Ferdie 'beheer' van die situasie en plaas die personeel onder kwarantyn totdat dit gevind is. Brenda probeer uitvind wie haar toebroodjies steel. | 9 Maart 2020 |
| 50 | 11 | Jo Black arriveer by Die Fransen, nadat hy by al die ander venues in die omgewing geboikot is. Thomas stem in dat hy sy praatjie by die hotel kan hou vir sy groep: The Knights of Truth. | 16 Maart 2020 |
| 51 | 12 | Na die hotel uiteindelik sy derde ster verwerf, maak Stephano 'n aanbod op die Hotel wat Ferdie en Thomas nie van die hand kan wys nie. Hulle besluit om te verkoop. | 23 Maart 2020 |
| 52 | 13 | Ferdie en Thomas besluit om die hotel terug te kry nadat hulle verveeld raak met al hulle geld en tyd. Dis moeiliker as wat hulle dink, want die personeel het almal ander werk gekry. | 30 Maart 2020 |
Reeks 5 (2022)[wysig | wysig bron]
| No. algeheel |
No. in reeks |
Episode | Oorspronklike uitsaaidatum |
|---|---|---|---|
| 53 | 1 | Jony en Thomas hou dinge aan die gang, totdat 'n ou gas 'n oorlas van homself maak. Brenda sukkel om na Jony te luister en Melanie help Jaap om liefde te vind. | 3 Januarie 2022 |
| 54 | 2 | Jony probeer die personeel inspireer deur groot te drrom, maar dit het 'n negatiewe effek. Thomas probeer Ferdi te kry om uit te trek en Danny besef hy gaan eendag ander vrouens moet soen. | 10 Januarie 2022 |
| 55 | 3 | Brenda en Manie vier hulle herdenking wat vir Jony jaloers maak en laat jok dat dit hulle datum ook is. Thomas moet spartel. Ferdi word in beheer gelos van die Hotel, nie 'n goeie idee nie. | 17 Januarie 2022 |
| 56 | 4 | Jony reël 'n kuns veiling om meer voete met geld na die Fransen te lok. Danny en Melanie soek 'n nes-eier terwyl Ferdie wegkruip vir SARS. Brenda en Manie probeer hul swangerskap geheim hou. | 24 Januarie 2022 |
| 57 | 5 | Soos die res van die land moes die Fransen ook 'lockdown'... maar plaas van huistoe gaan, 'lockdown' die personeel almal saam in die Hotel. Hulle kan saam werk, maar kan hulle saam bly? | 31 Januarie 2022 |
| 58 | 6 | Jony se pa kom parkeer sy karavaan op die grasperk en sy is net te bly. Ferdie probeer sy swembad droom vir oulaas verwesenlik en die res probeer uitvind of Brenda 'n seun of 'n dogter kry. | 7 Februarie 2022 |
| 59 | 7 | Thomas en Jony maak planne as hulle nie genooi word na die res van die personeel se hoogs kompeterende 'date' aand nie, terwyl Ferdie sukkel met sein om met Koba in Australië te gesels. | 14 Februarie 2022 |
| 60 | 8 | Danny probeer vir Malanie soveel moontlik suigstokkies kry deur gereeld bloed te skenk, Ferdie leer als van 'flirting' en Thomas en Jony probeer sin maak van die vorige aand se soen. | 21 Februarie 2022 |
| 61 | 9 | Die personeel gaan saam met Danny Getroud Met Rugby toe na hy 'n klein rol gekry het. Thomas en Jaap probeer vir Jony mis drink en sy probeer haar bes om haar toe te gooi in haar werk. | 28 Februarie 2022 |
| 62 | 10 | Na die personeel vir Brenda briesend maak deur 'n baba-tee te reël, draai die mooi dag uit in 'n riller van 'n oorlewings-lantern-bekruip-sessie. Niemand is veilig nie. | 7 Maart 2022 |
| 63 | 11 | Die personeeel koop vir Ferdie 'n jacuzzi, net om agter te kom hy het reeds een vir homself gekoop. Danny en Malanie oorweeg om te trek, terwyl Jaap vir Thomas help om Jony te verwerk. | 14 Maart 2022 |
| 64 | 12 | Die Fransen moet die Hotel Gilde prysuitdeling aanbied. Ferdie word genomineer vir 'n groot prys. Thomas gaan op reis om homself te vind. | 21 Maart 2022 |
| 65 | 13 | Thomas keer terug uit die bos met groot planne, terwyl Ferdie regmaak vir sy groot verering. Brenda stel uit op haar kraamtyd terwyl Danny en Malnie spartel om vir Ferdie 'n geskenk te kry. | 28 Maart 2022 |