Hugoprys
 Hugoprys vir Letterkunde
| ||
 | ||
| Toegeken vir | Uitnemendheid in wetenskapsfiksie | |
| Borg | World Science Fiction Society | |
| Eerste toekenning | 1953 | |
| Webtuiste | thehugoawards | |
Die Hugoprys vir Letterkunde is 'n jaarlikse letterkundeprys vir die beste werk en prestasies in wetenskapsfiksie en fantasie in die vorige jaar. Dit word by die World Science Fiction Convention ("Worldcon") toegeken en deur sy lede gekies. Die prys is genoem na Hugo Gernsback, stigter van die baanbrekerstydskrif vir wetenskapsfiksie Amazing Stories. Hugo's is in 1953 die eerste keer toegeken, en sedert 1955 elke jaar. In 2010 het die tydskrif Wired die Hugo "die belangrikste prys in die genre wetenskapsfiksie" genoem,[1] terwyl The Guardian dit "saam met die Nebulaprys die belangrikste prys in wetenskapsfiksie" genoem het.[2]
Die prys is aanvanklik in sewe kategorieë toegeken, maar is deur die jare uitgebrei tot 18 kategorieë van geskrewe en dramatiese werk. Die wenners ontvang 'n trofee met 'n gestileerde vuurpyl op 'n basis. Die ontwerp van die trofee veskil elke jaar, maar die vorm van die vuurpyl is sedert 1984 dieselfde.
Die pryse vir 2025 is op die 83ste Worldcon op 16 Augustus 2025 in Seattle toegeken. 2026 se pryse sal op 30 Augustus 2026 op die 84ste Worldcon, "LAcon V", in Anaheim, Kalifornië, uitgedeel word.
Verwysings
[wysig | wysig bron]- ↑ Donahoo, Daniel (5 September 2010). "Hugo Award Winners Announced at AussieCon 4". Wired. Condé Nast Publications. Geargiveer vanaf die oorspronklike op 9 Julie 2011. Besoek op 13 Junie 2011.
- ↑ Flood, Allison (28 April 2009). "Ursula K Le Guin wins sixth Nebula award". The Guardian. Geargiveer vanaf die oorspronklike op 1 Augustus 2009. Besoek op 12 Desember 2011.
Skakels
[wysig | wysig bron]
Wikimedia Commons het meer media in die kategorie Hugoprys.
Hierdie artikel is in sy geheel of gedeeltelik uit die Engelse Wikipedia vertaal.
