Hulp:Sleutelbord

in Wikipedia, die vrye ensiklopedie

In Suid-Afrika is Amerikaanse (en soms Britse) sleutelborde algemeen in gebruik, en maak geen spesifieke voorsiening vir die tik van diakritiese tekens van Afrikaans (of ander Suid-Afrikaanse tale nie). Alhoewel mens met 'n karakterkieser of "Alt-kodes" die karakters uiteindelik kan verkry, stel 'n goeie sleutelborduitleg mens in staat om volspoed te tik sonder om die hande te verskuif, of van 'n ander program gebruik te maak. 'n Sleutelborduitleg werk ook in alle programme (in teenstelling met program-spesifieke kortpaaie).

Internasionale VSA-uitleg[wysig | wysig bron]

Meeste bedryfstelsels het 'n sleutelborduitleg genaamd "USA International" of iets soortgelyks. Dit stel 'n mens in staat om 'n VSA-sleutelbord te gebruik met "dooie karakters". Dus sal sekere knoppies nie dadelik reageer nie (dood wees) totdat die daaropvolgende knoppie dit duidelik maak wat gedoen moet word. Dus vir 'ê' tik 'n mens '^e', vir 'ë' tik 'n mens '"e', ens.

Suid-Afrikaanse sleutelborduitleg[wysig | wysig bron]

Lees die bladsy by Translate.org.za. Hierdie uitleg is daar beskikbaar om te installeer op Windows, en kom standaard op enige Linux-tipe stelsel van die afgelope paar jaar. Daar is ook mooi dokumentasie oor hoe om die opstelling te verander, wat selfs gedeeltelik van toepassing is vir die opstelling van die Internasionale VSA-uitleg.