Hulp:Speltoetser

in Wikipedia, die vrye ensiklopedie

'n Speltoetser is 'n wonderlike hulpmiddel in omtrent alle skryfwerk. Gelukkig is daar al verskeie speltoetsers beskikbaar vir Afrikaans. Almal het beperkings of tekortkominge, maar meeste behoort ook darem te help met enkele spelfoute, tikfoute, ens.

Tekortkominge[wysig | wysig bron]

Dit is baie belangrik om die tekortkominge van speltoetsers te verstaan. Meeste Afrikaanse speltoetsers sal minder algemene samestellings as spelfoute aandui, bloot omdat dit nie 'n manier het om samestellings outomaties te herken nie. Ander speltoetsers laat dalk nie alle wisselvorme toe nie. Ander is dalk oud en nie gebaseer op die nuutste spelreëls nie. 'n Speltoetser is nie 'n plaasvervanger vir goeie kennis van Afrikaanse skryfreëls nie, maar kan definitief 'n skryfhulp wees.

Maklikste vir wikiwerk[wysig | wysig bron]

Die maklikste oplossing vir werk aan die wiki (of enige ander webgebaseerde skryfwerk), is Firefox met die Afrikaanse speltoetserbyvoeging.

  1. Installeer Firefox: http://www.mozilla.com/firefox/all.html (enige weergawe sal werk, maar die Afrikaanse een is natúúrlik die beste :-)
  2. Installeer die Afrikaanse speltoetser: https://addons.mozilla.org/firefox/addon/5127 (dit sal dalk nodig wees om Firefox oor te begin)
  3. In enige teksarea in 'n webblad, klik regs, en merk "Speltoets hierdie veld".
  4. Maak seker dat Afrikaans gekies is in die sublysie by "Tale".

Dit is tot almal se voordeel om die woorde wat mens by die persoonlike woordelys voeg, mettertyd by te dra aan die verpakkers van die woordeboek. Êrens hier sal mens seker die regte mense kry: http://translate.org.za/?lang=af https://lists.sourceforge.net/lists/listinfo/translate-discuss-af

Daar is verskeie ander speltoetsers, maar meeste werk net in woordverwerkers.