Hulp:Wikipedia: Die Verlore Handleiding/Die skepping, wysiging en instandhouding van artikels/Jou eerste wysigings

Hulp:Wikipedia: Die Verlore Handleiding (Bespreek)

Titelblad en lisensiëringsinligting Inligting oor die outeur en uitgewer GNU Vrye Dokumentlisensie Meer oor hierdie boek Inleiding Deel I: Die skepping, wysiging en instandhouding van artikels Hoofstuk 1: Jou eerste wysigings Hoofstuk 2: Dokumenteer jou bronne Hoofstuk 3: Instelling van jou rekening en persoonlike werkarea Hoofstuk 4: Die skep van 'n nuwe artikel Wie het wat gedoen: Bladsygeskiedenis en terugrolling Hoofstuk 6: Monitor veranderings Hoofstuk 7: Wat om met vandalisme en ander rommel te doen Deel II: Samewerking met ander gebruikers Hoofstuk 8: Kommunikeer met jou medebydraers Hoofstuk 9: Wiki-projekte en ander groeppogings Hoofstuk 10: Bylê van inhoudsgeskille Hoofstuk 11:Hoe om onbeleefdheid en persoonlike aanvalle te hanteer Hoofstuk 12: Gee ander bydraers 'n hand Deel III: Formatering en illustrering van artikels Hoofstuk 13: Artikelafdelings en inhoudsopgawes Hoofstuk 14: Die skepping van lyste en tabelle Hoofstuk 15: Gebruik van beelde Deel IV: Bou aan 'n sterker ensiklopedie Hoofstuk 16: Lei lesers na die regte artikel: Benaming, aansture en ondubbelsinnigheid Hoofstuk 17: Kategorisering van artikels Hoofstuk 18: Beter artikels: 'n Stelselmatige benadering Hoofstuk 19: Verwydering van bestaande artikels Deel V: Pas Wikipedia aan Hoofstuk 20: Wysig jou voorkeure Hoofstuk 21: Makliker redigering met JavaScript Deel VI: Bylae Bylaag A: 'n Toer van die Wikipedia-bladsy Bylaag B: 'n Lesersgids tot Wikipedia Bylaag C: Leer meer

Enige iemand kan Wikipedia wysig - selfs jy. Dis reg: daar is geen fooi nie en jy hoef nie te registreer nie. Jy hoef nie eers 'n e-posadres te hê nie. Soos die Inleiding verduidelik: alle Wikipedia-artikels is gemeenskaplike pogings. Jy kan inspring en jou eie kennis byvoeg met 'n paar klieks en 'n bietjie tikwerk.

Hierdie hoofstuk verduidelik wat jy sien wanneer jy na 'n artikel in Wikipedia se wysigingsvenster kyk en hoe om jou wysigings te oefen, voor te skou en te stoor. Jy gaan ook 'n paar basiese redigeringsvaardighede leer: hoe om 'n skakel van een artikel na 'n ander te skep en hoe om 'n afdeling van 'n artikel te wysig, eerder as die hele artikel. Wanneer jy jou hierin bekwaam het, is jy gereed vir regte-egte Wikipedia-wysiging: identifisering van artikel wat redering nodig het.

Jy kan inspring en wysigings aanbring sonder om 'n rekening te skep (jou eie gebruikersnaam te kry). Daar is egter voordele verbonde aan 'n gebruikersnaam: verhoogde privaatheid en 'n persoonlike gebruikersblad, om twee te noem. Jy het dus 'n keuse: óf jy volg die artikels in die volgorde soos hulle hier verskyn, óf jy spring na Hoofstuk 3: Instelling van jou rekening en persoonlike werkarea en kry eers 'n gebruikersnaam en lees dan hierdie hoofstuk en Hoofstuk 2: Dokumenteer jou bronne.

Redigeer die Wikipedia-manier

As daar een ding is wat Wikipedia-bydraers goed verstaan, is dit dat Wikipedia van samewerking afhanklik is. Daar is geen rede om geïntimideer te voel nie: jy het die ondersteuning van 'n hele gemeenskap navorsers, feiteondersoekers en proeflesers. As jy die volgende punte in gedagte hou, sal jy die regte instelling vir effektiewe redigering hê.

• Jy hoef nie alles oor Wikipedia te weet om 'n artikel te wysig nie . Wikipedia het talle bladsye beleid, riglyne en ander hulpbladsye oor kwessies soos hooflettergebruik, kategorisering, aanhaling van bronne, kopiereg, neutrale standpunt, sjablone en beelde, om maar 'n paar op te noem. Indien jy iets nie presies reg kry nie, moenie bekommer nie: niemand kry alles die heeltyd reg nie.
• Jy hoef nie alles van die betrokke onderwerp te weet om 'n artikel te wysig nie Indien jy iets konstruktief byvoeg wat 90% korrek is, is dit baie beter as om heeltemal niks by te voeg nie. Net soos in rugby, hoef jy nie in elke wedstryd 'n drie te druk om 'n kosbare bydraer te wees nie. Indien jy iets nie presies reg kry nie, sal iemand anders waarskynlik langs kom en help deur jou bydrae te korrigeer of te voltooi.
• Jy kan bydra sonder om 'n artikel hoegenaamd te wysig. Indien jy 'n probleem in 'n artikel sien maar (nog) nie weet hoe om dit reg te maak nie, of jy weet hoe om dit reg te maak maar kan nie die artikel wysig nie (sommige artikels word vir kort periodes teen wysigings beskerm), kan jy steeds help deur konstruktiewe kommentaar op die artikel se besprekingsbladsy te laat. (Hoofstuk 8 behandel besprekingsbladsye volledig.) Selfs al wil of kan jy 'n artikel nie direk wysig nie, kan jy steeds help om dit te verbeter.