Ian Player

in Wikipedia, die vrye ensiklopedie
Jump to navigation Jump to search
Ian Player
’n Beeld van die betrokke persoonlikheid.
Ian Player en prins Bernhard van Lippe-Biesterfeld (1981)

Geboortenaam Ian Cedric Audley Player
Gebore 15 Maart 1927
Johannesburg
Oorlede 30 November 2014
Karkloof-vallei, KwaZulu-Natal
Nasionaliteit Suid-Afrika
Beroep Natuurbewaarder
Bekend vir Wen eerste Dusi
Huweliksmaat Ann Player
Kind(ers) Kenneth, Amyas, Jessica
Webblad http://ianplayer.com/

Dr. Ian Player (15 Maart 1927 - 30 November 2014) was 'n Suid-Afrikaanse natuurbewaarder en die broer van die gholflegende Gary Player. Hy is bekend as die persoon wat die witrenosters in die 1950’s in KwaZulu-Natal van uitsterwing gered het. Player het op verskeie parkerade, insluitend SANParke, gedien. Hy het ook 'n aantal bewaringsorganisasies op die been gebring en 'n paar boeke geskryf.[1]

Player was die eerste wenner van die Dusi-kanowedvaart in 1951. Agt deelnemers het hieraan deelgeneem. Slegs Player kon die Dusi binne 6 dae voltooi. Dit was ten spyte daarvan dat ‘n nagadder hom vroeër gebyt het. Die kano wat hy gebruik het was van hout en borduurgaas gemaak en het 30 kilogram geweeg. Dit het natuurlik al sy voorraad vir die tog ingesluit.

Beknopte biografie[wysig | wysig bron]

Ian Cedric Audley Player is op 15 Maart 1927 in Johannesburg gebore. Hy is by die St. John's College opgevoed, waarna hy in die SAW se 6de Suid-Afrikaanse Pantserdivisie gedien het, wat van 1944 tot 1946 aan die Amerikaanse 5de Leër in Italië verbonde was.

Player het sy loopbaan as wildbewaarder in 1952 by die Natalse Parkeraad begin. Hier het hy hom op die bewaring van laaste suidelike witrenosters toegespits.

Hy het twee eredoktorsgrade ontvang:

Hy is op 30 November 2014 na 'n kort siekbed in die Karkloof-vallei, KwaZulu-Natal oorlede. Hy laat sy vrou, Ann Player, twee seuns, Kenneth en Amyas, en een dogter, Jessica, agter.[3]

Werke[wysig | wysig bron]

Van die boeke wat hy geskryf het:

Verwysings[wysig | wysig bron]

  1. Natuurbewaarder Ian Player oorlede, Maroela Media, 30 November 2014
  2. Walters, Paul (2003). “CITATION by the Rhodes University Public Orator, Professor Paul Walters”. (doc) Rhodes University. URL besoek op 2007-06-30.
  3. RIP Ian Player, besoek op 30 November 2014