Ierland
- Hierdie artikel handel oor die eiland. Vir die soewereine staat met dieselfde naam, sien Republiek Ierland. Vir die deel van die Verenigde Koninkryk, sien Noord-Ierland. Vir die historiese koninkryk, sien Koninkryk van Ierland.
Ierland Inheemse naam: Éire / Ireland Bynaam: Die Groen Eiland | |
---|---|
Kaart van Ierland | |
Geografie | |
Ligging | Noord- of Wes-Europa |
Koördinate | 53°20′N 08°00′W / 53.333°N 8.000°WKoördinate: 53°20′N 08°00′W / 53.333°N 8.000°W |
Argipel | Britse Eilande
|
Oppervlakte | 84 421 vk km |
Hoogste punt | Carrauntoohil 1 041 m |
Administrasie | |
Republiek van Ierland | |
Land | Ierland
|
Hoofstad | Dublin |
Grootste stad | Dublin (527 612)
|
Verenigde Koninkryk | |
Land | Noord-Ierland |
Hoofstad | Belfast |
Grootste stad | Belfast (267 500)
|
Demografie | |
Bevolking | 6 500 000
|
Bevolkingsgroepe | Iere, Ulster-Skotte |
Die wêreld se 20ste grootste eiland en die derde grootste eiland van Europa |
Ierland (Iers: Éire [ˈeːɾʲə] , Engels: Ireland, Ulster-Skots: Airlann [ˈɑːrlən]) is die derde grootste eiland van Europa en die mees westelike van die Britse Eilande, met 'n lengte van 450 kilometer, 'n breedte van 260 kilometer en 'n totale oppervlak van 84 421 vierkante kilometer. Die eiland, wat dikwels ook die "Groen Eiland" genoem word, lê tussen die Atlantiese Oseaan in die weste en die Ierse See in die ooste.
Die onverwagte uitkoms van Ierland se rewolusionêre periode tussen 1912 en 1925 was die vestiging van twee Ierse state op die eiland.[1] Die onafhanklike Republiek Ierland met 4,7 miljoen oorwegend Rooms-Katolieke inwoners beslaan vyf-sesdes van Ierland se oppervlak, terwyl Noord-Ierland met 'n bevolking van 1,8 miljoen van Ierse, Skotse en Engelse afkoms een van die Verenigde Koninkryk se vier lande is. In Noord-Ierland is ongeveer 41,6% van die bevolking lidmate van Protestantse kerke en 40,7% Rooms-Katoliek.[2]
Geografie
Die laagliggende vlaktes van Sentraal-Ierland met hulle groot aantal mere, waaronder die bekende Lough Neagh in Noord-Ierland, word deur bergreekse langs die kusgebiede omsluit. Carrauntuohill (Iers: Corrán Tuathail) in die Macgillicuddy's Recks van Suidwes-Ierland is die hoogste bergspits met 1 041 meter. Die Shannon is met 'n lengte van 386 kilometer die langste rivier van Ierland. Die matige klimaat en gelykmatige reënval bevorder die plantegroei, en danksy die sappige groen weivelde staan Ierland ook as die "Groen Eiland" bekend. Ierland beskik oor 'n aantal nasionale parke dwarsoor die eiland.
Flora en fauna
Ierland het oor die algemeen 'n kleiner aantal spesies as byvoorbeeld sy oostelike buureiland Groot-Brittanje of die Europese vasteland, aangesien die eiland ná die einde van die Ystydperk deur die stygende waterpeil van die Atlantiese Oseaan baie vinnig geïsoleer is. Daar is net 31 inheemse soogdierspesies, waaronder dasse, vosse en krimpvarkies. Bepaalde spesies soos die edelhert word egter slegs in die nasionale parke aangetref. Ierland is ook een van die min gebiede, wat nie oor inheemse slangspesies beskik nie.
Sien ook
Verwysings
- ↑ (en) History Ireland – Ireland's History Magazine: The emergence of the "Two Irelands", 1912–1925. Besoek op 27 Augustus 2017.
- ↑ (en) "Census 2011; Key Statistics for Northern Ireland; December 2012" (PDF). Northern Ireland Statistics and Research Agency. Besoek op 23 Julie 2014.
{{cite journal}}
: Cite journal requires|journal=
(hulp)
Eksterne skakels
- Wikimedia Commons het meer media in die kategorie Ierland.
- (en) Toerisme-inligting oor Ierland op Wikivoyage
Keltiese gebiede in Europa | ||
---|---|---|