Iker Casillas
 Casillas in 2021 | |||
| Persoonlike inligting | |||
|---|---|---|---|
| Geboortedatum | 20 Mei 1981 | ||
| Geboorteplek | Móstoles, Spanje | ||
| Lengte | 1,85m[1][2] | ||
| Speelposisie | Doelwagter | ||
| Jeugloopbaan | |||
| 1990–1998 | Real Madrid | ||
| Seniorloopbaan* | |||
| Jare | Span | Kere† | (Doele)† |
| 1998–1999 | Real Madrid C | 27 | (0) |
| 1999–2000 | Real Madrid B | 4 | (0) |
| 1999–2015 | Real Madrid | 510 | (0) |
| 2015–2020 | Porto | 116 | (0) |
| Totaal | 657 | (0) | |
| Nasionale span | |||
| 1996 | Spanje o/15 | 1 | (0) |
| 1996–1998 | Spanje o/16 | 19 | (0) |
| 1997–1999 | Spanje o/17 | 10 | (0) |
| 1999 | Spanje o/18 | 4 | (0) |
| 1999 | Spanje o/20 | 2 | (0) |
| 1999–2000 | Spanje o/21 | 5 | (0) |
| 2000–2016 | Spanje | 167 | (0) |
| * Kere vir seniorklub uitgedraf en doele is net vir die plaaslike liga.. † Kere uitgedraf (Doele). | |||
Iker Casillas Fernández (Spaanse uitspraak: [ˈikeɾ kaˈsiʎas feɾˈnandeθ]; gebore 20 Mei 1981) is 'n voormalige Spaanse professionele sokkerspeler wat as doelwagter gespeel het en tans as sokkerkommentator werk. Hy staan populêr bekend as "San Iker" ("Heilige Iker") vanweë sy vermoë om wonderreddings te maak, en word beskou as een van die grootste doelwagters van alle tye.[3][4][5] Hy is veral bekend vir sy atletiese vermoë, vinnige reaksies en uitstaande skootreddings. Casillas het die grootste deel van sy loopbaan by Real Madrid deurgebring en is een van min spelers wat meer as 1 000 professionele wedstryde gespeel het. Hy hou ook die rekord vir die meeste skoonvelle vir die Spaanse nasionale span. Tans werk hy vir RTVE, Movistar Plus+ en Azteca Deportes.
Casillas het sy loopbaan in Real Madrid se jeugakademie begin en is in 1999 na die eerste span bevorder. Op net 19 jaar oud het hy geskiedenis gemaak as die jongste doelwagter om in ’n Champions League-eindstryd te speel én te wen.[6][7][8] Hy het gou as eerste keuse-doelwagter gevestig en ’n sleutelrol gespeel in van die klub se belangrikste suksesse. Gedurende sy loopbaan by Real Madrid het hy al die belangrikste trofeë ingepalm, waaronder vyf La Liga-titels, vier Supercopa de España-titels, twee Copa del Rey-titels, drie UEFA Champions League-titels, twee UEFA Superbekers, twee Interkontinentale Bekers en ’n FIFA Klubwêreldbeker.
Met 167 internasionale wedstryde is Casillas die tweede mees vertonings vir Spanje, en die agtiende mees gespeelde internasionale sokkerspeler ooit. Hy was 'n onbenutte reservespeler by die Europese Kampioenskap in 2000, maar het by die Wêreldbeker in 2002 die eerste keuse‑doelwagter geword. Hy het ook aan Europese Kampioenskap in 2004 en die Wêreldbeker in 2006 deelgeneem. In 2008 is hy as kaptein aangewys en het hy die span na hulle eerste Europese Kampioenskap‑titel gelei. Hy het ook Spanje na hul eerste Wêreldbeker‑oorwinning in 2010 gelei, met 'n gedeelde rekord van vyf skoonvelle en is met die Lev Jasjin‑toekenning bekroon as die beste doelwagter van die toernooi.[9][10] In 2012 het hy saam met Spanje die Europese Kampioenskap behou, en hy het die rekord gebreek vir meeste minute sonder om ‘n doel in te kry (509 minute). In 2014 is hy een van slegs sestien spelers wat Spanje by vier Wêreldbekers verteenwoordig het.
Verwysings
[wysig | wysig bron]- ↑ "I. Casillas". Real Madrid C.F. Geargiveer vanaf die oorspronklike op 24 April 2015. Besoek op 19 April 2024.
- ↑ "Iker Casillas: Overview". Premier League. Besoek op 19 April 2024.
- ↑ Lawton, James (29 Junie 2012). "James Lawton: Spanish can always have faith in miracle saves of 'Saint' Iker Casillas". The Independent. Besoek op 21 Oktober 2015.
- ↑ "Football's 20 greatest goalkeepers of all time". Sportskeeda. 22 Julie 2013. Besoek op 19 Februarie 2020.
- ↑ "Ranked! The 101 greatest football players of the last 25 years: full list". FourFourTwo (253 uitg.). 13 Februarie 2018. Geargiveer vanaf die oorspronklike op 28 September 2021. Besoek op 22 Desember 2023.
- ↑ Yokhin, Michael (31 Oktober 2017). "Meet Mile Svilar, the youngest keeper in Champions League history". ESPN FC. Besoek op 31 Oktober 2017.
- ↑ "Iker Casillas Fernández Profile, Statis, News, Game Log". ESPN Soccernet. Geargiveer vanaf die oorspronklike op 13 April 2010. Besoek op 8 Februarie 2011.
- ↑ "The Champions League's greatest ever goalkeepers". UEFA. 20 Maart 2018. Besoek op 20 Maart 2018.
- ↑ "Golden awards for top FIFA World Cup Trio". FIFA. 15 Desember 2010. Geargiveer vanaf die oorspronklike op 18 Desember 2010. Besoek op 8 Februarie 2011.
- ↑ "Spaniards dominate All-Star Team". FIFA. 15 Julie 2010. Geargiveer vanaf die oorspronklike op 18 Julie 2010. Besoek op 15 Julie 2010.
