Ilse Andrag

in Wikipedia, die vrye ensiklopedie

Ilse Andrag (néé Bremer)[1] is 'n Suid-Afrikaanse skrywer en is in Pretoria gebore.

Lewe en werk[wysig | wysig bron]

Hier het sy ook groot word en in 1965 matrikuleer aan die Afrikaans Hoër Meisieskool. Vanaf 1966 studeer sy tale aan die Universiteit van Stellenbosch, waar sy in 1968 'n B.A.-graad verwerf en in 1969 kwalifiseer as onderwyseres. Hierna gee sy onderwys aan verskeie hoërskole, onder andere in 1971 Duits by Bloemhof Hoër Meisieskool in Stellenbosch. Na haar troue met Rudolf Andrag spandeer sy tyd in die Sederberge, maak kinders groot, is toerleidster in Kaapstad, doen gesinchroniseerde vertalings vir die Suid-Afrikaanse Uitsaaikorporasie en gee vryskut onderwys in Duits en Afrikaans. Na haar aftrede leer sy Italiaans aan en fokus op fotografie, terwyl sy ook 'n CD uitgee (“Pêreltjies vir die vaak”) met 23 slaapliedjies wat sy self gekomponeer het. Sy en haar man het drie dogters. Sy is 'n sangeres en taalkundige wat ook kursusse gee in uitspraak vir sangers.[2]

Skryfwerk[wysig | wysig bron]

Haar jeugdrama “Vlieg, Sus, vlieg” word geskryf tydens die 1991 ATKV Herfsskool vir Dramaturge en word opgeneem in die versamelbundel “Die magiese kring”,[3] onder redaksie van Temple Hauptfleisch.[4] Sy vertaal ook kinderboeke in Afrikaans, insluitende Jon W. Ivimey se “Drie blinde maats” (“Three blind mice”), Jeanette Winter se “Doedoe my kindjie” (“Hush little baby”) en die liedjies in “Die kleinste den” (“The little fir tree”) van Margaret Wise Brown.

Publikasies[wysig | wysig bron]

  • 1987 Die kleinste den – Margaret Wise Brown
  • 1988 Doedoe my kindjie – Jeanette Winter
  • 1990 Drie blinde maats – John W. Ivimey

Verwysings[wysig | wysig bron]

  1. Facebook: https://www.facebook.com/iandrag
  2. Volksblad: http://152.111.11.6/argief/berigte/volksblad/2000/02/14/6/8.html Geargiveer 9 April 2016 op Wayback Machine
  3. Hauptfleisch, Temple “Die magiese kring” Jutalit Kenwyn Eerste uitgawe Derde druk 1995
  4. Worldcat: http://www.worldcat.org/search?q=au%3AAndrag%2C+Ilse.&qt=hot_author