Ilse de Korte

Ilse de Korte is ’n Afrikaanse skrywer.

Lewe en werk

Ilse Carla de Korte (gebore Groenewald) in 1994 aan Pinelands High School gematrikuleer. Die volgende jaar het sy drama en tale aan die Universiteit van Kaapstad begin studeer, waar sy haar Ph.D.-graad oor mite en ideologie in 2005 verwerf het. Vir hierdie graad het sy ook navorsing in Nederland gedoen. Van Januarie 2007 tot Desember 2010 was sy ’n dosent aan die Universiteit van Suid-Afrika. Sy het Bon Mot-taaldienste in 2010 gestig, waar sy redigeer- en skryfwerk vir kliënte gedoen het en korporatiewe kommunikasie-klasse aangebied het. In Februarie 2012 is sy aangestel as ontwikkelingsredakteur by Oxford University Press. Sy het ook klas gegee aan die Adam Miskiewicz-universiteit in Pole en die AFDA-filmskool. By die Universiteit van Kaapstad was sy sedert Februarie 2014 betrokke as konsultant by die Skryfsentrum.

Skryfwerk

Sy debuteer met die chick lit-roman “Die jaar toe Emma begin kook het”. Ná ’n fiasko met hoenderpasteie by ’n troue word Emma in Hermanus as die hoofsjef van die restaurant Chantilly aangestel. Hier moet sy saam met ’n diverse spannetjie verskeie krisisse die hoof bied, van ’n rioolstelsel wat oorloop tot rotte in die meel, om nie van die moeilike kliënte te praat nie. Die restauranteienaar is Greg, wat van Frankryk opdaag en vir Emma selfs meer gas gee. De Korte verwerk ook die Kama Sutra in Afrikaans as “Afrikamasutra”. Vir hierdie werk ontvang sy die Hiddingh-Currie-toekenning vir akademiese uitnemendheid.

Publikasies

Jaar	Publikasies
2015	Die jaar toe Emma begin kook het
	Vertaling
2013	Afrikamasutra

Bronnelys

Internet

• Bookslive: http://bookslive.co.za/blog/2015/02/05/afrikamasutra-by-ilse-de-korte-receives-the-2014-hiddingh-currie-award-for-academic-excellence/
• LinkedIn: https://www.linkedin.com/in/ilse-de-korte-7421a8a5^{[dooie skakel]}
• NB-Uitgewers: http://www.nb.co.za/Authors/8557^{[dooie skakel]}