Impi

in Wikipedia, die vrye ensiklopedie
Jump to navigation Jump to search
Die impi was 'n militêre formasie wat die gesig van Suider-, Oos- en Sentraal-Afrika verander het. Die hoogste ontwikkeling het onder Shaka, die inisieerder van verskeie belangrike wapens en taktieke, plaasgevind.[1]

Impi is 'n Zoeloewoord vir 'n gewapende groep mans. Die woord impi word partykeer gebruik om 'n regiment van Zoeloe-krygers te beskryf, maar die eintlike Zoeloewoord daarvoor is ibutho.[2] Die begin van die impi's lê in die historiese oorlogvoering van die verskeie stamme in Suidoos-Afrika opgesluit, toe groepe van gewapende mans (wat "impi's" genoem is), teen mekaar baklei het.

Hulle is radikaal deur Shaka geherorganiseer, wat toe nog net die buite-egtelike seun van koning Senzangakona was. Teen hierdie tyd het Shaka homself reeds as 'n briljante militêre leier bewys. Hy het onder andere in die Mthethwa-Ndwandwe-oorlog in die vroeë 1800's as 'n generaal onder die Mthethwa-koning, Dingiswayo gedien.[3]

Die "buffelhoringformasie" van die Zoeloeleër. (1) Die vyand (2) die horings (3) die borskas (4) die lende

Verwysings[wysig | wysig bron]

  1. Donald Morris, 'The Washing of the Spears,' Touchstone, 1965.
  2. Donald Morris, 'The Washing of the Spears,' Touchstone, 1965.
  3. Brookes, Edgar H; Webb, Colin de B. (1965). A History of Natal. Brooklyn: University of Natal Press. ISBN 0-86980-579-7.