Imvo Zabantsundu

in Wikipedia, die vrye ensiklopedie

Imvo Zabantsundu (Mening van die swart mense) was die eerste onafhanklike swart koerant in Suid-Afrika. Dit is deur Thanda Press in King William's Town uitgegee en het gedien as 'n koerant vir swart lesers in Suid-Afrika. Die koerant wat vir die eerste keer in 1884 uit gegee is, se eerste redakteur was John Tengo Jabavu. Artikels is in Engels en Xhosa gepubliseer. Van 27 Augustus 1901 tot 8 Oktober 1902 tydens die Tweede Vryheidsoorlog is die koerant verbied. Dit het later in die besit van Perskor gekom, maar publikasie is in 1998 gestaak.