Ina Bergh

in Wikipedia, die vrye ensiklopedie
Jump to navigation Jump to search

Ina Bergh is 'n Afrikaanse skrywer.

Lewe en werk[wysig | wysig bron]

Ina Bergh gaan skool in Wolmaransstad en studeer dan verder aan die Potchefstroomse Universiteit vir Christelike Hoër Onderwys. Sy is getroud en bly in Somerset-Wes in die Kaap.

Skryfwerk[wysig | wysig bron]

Sy skryf die romans “Vygiesdal se mense”, “Roos van Athene” en “Eienaars van Lizamore”. Sy skryf ook verskeie e-boeke. Lord Charles Sinclair moet in “Gekoopte bruid” binne een maand trou as hy nie sy titel en fortuin aan sy erfgenaam, die swartskaap in die familie, wil afstaan nie. Sy vriend stel voor dat hy met die eenvoudige Ansela Kelston, dogter van die Markies Kelston, trou. Die Markies het sy fortuin uitgedobbel en gaan tronk toe. Charles vind egter uit sy bruid is nie so eenvoudig as hy gedink het nie en sy minnares is nie ingenome met sy bruid nie. Nou moet hy kophou, want hier is ʼn fortuin op die spel. “Die verkeerde kuiergas” se hoofkarakter is Mitsi Maartens. Sy vlug as haar lewe in Johannesburg te erg raak, maar haar motor gaan staan op pad na Struisbaai. Op ʼn Karooplaas bly Werner Lemmer en oortuig haar om vir ʼn paar dae voor te gee dat hulle verloof is, want sy ouma is baie sieklik en hy wil haar nie teleurstel nie. “Reise in windrigtings” is reisverhale in ons land en ander lande, oor dinge wat self ondervind is of geskiedenis wat met ander gebeur het. “Spens vol Griekse stories” bestaan uit sewe kortverhale oor Afrikaners wat in die romantiese omgewing van die Griekse eilande weer die skerwe van hulle lewens probeer optel.. “Versskerwe” is ʼn digbundel met haikoe-verse.

Publikasies[wysig | wysig bron]

  • 1988 Vygiesdal se mense
  • 2006 Roos van Athene
  • 2007 Eienaars van Lizamore
  • 2012 Gekoopte bruid
  • 2013 Spens vol Griekse stories
  • 2014 Reise in windrigtings, Die verkeerde kuiergas
  • 2015 Versskerwe

Eksterne skakels[wysig | wysig bron]

Ina Bergh op Esaach

Ina Bergh op Facebook

Ina Bergh op Google Books