Irvette van Zyl
Irvette van Zyl (neé van Blerk; 5 Julie 1987) is 'n Suid-Afrikaanse langafstandatleet en vrouewêreldrekordhouer oor 50 km.
Sy het Suid-Afrika verteenwoordig in die maraton tydens die Olimpiese Somerspele 2012 maar kon nie die wedloop voltooi nie. Sy het reeds twee keer die Londen-maraton voltooi en haar beste tyd van 2:31:26 in 2013 opgestel. In 2021 het sy die tyd verbeter na 2:28:40 tydens die Xiamen Marathon in Siena, Italië.
Op 23 Mei 2021 het sy die wêreldrekord vir die 50 km in Port Elizabeth verbeter tydens Nedbank se Runified:Breaking Barriers-wedloop met 'n tyd van 3:07:20.
