Italiaanse Krieketfederasie
| Italiaanse Krieketfederasie | |
|---|---|
 Kenteken van die Italiaanse Krieketfederasie | |
| Italiaanse naam | Federazione Cricket Italiana |
| Afkorting | F.CR.I. |
| Land |  Italië |
| Sportsoort | Krieket |
| Gestig op | 26 November 1980 |
| Gestig in | Rome, Italië |
| Lid van | Internasionale Krieketraad |
| Aangesluit in | 1984 |
| Vastelandse beheerliggaam | Europese Krieketraad |
| Voorsitter | Fabio Marabini |
| Hoof- uitvoerende beampte | Kelum Asanka Perera |
| Setel | Rome, Italië |
| Amptelike taal | Italiaans |
| Amptelike webwerf | cricketitalia.org |
Die Italiaanse Krieketfederasie (Italiaans: Federazione Cricket Italiana, afgekort “F.CR.I.”) is die bestuursliggaam wat krieket in Italië beheer. Die beheerliggaam is in 1980 gestig en in Rome gesetel. Sedert 1995 verteenwoordig dit Italië by die Internasionale Krieketraad (IKR) as ’n assosiaatlid en sedert 1997 ook by die Europese Krieketraad (European Cricket Council, “ECC”).
Geskiedenis
[wysig | wysig bron]Die Italiaanse Krieketfederasie (Italiaans: Federazione Cricket Italiana, F.CR.I.) is op 26 November 1980 in Rome as die Italiaanse Krieketvereniging (Associazione Italiana Cricket) gestig.[1] In 1984 het hulle ’n geaffilieerde lid van die Internasionale Krieketraad (IKR) geword en in 1995 ’n assosiaatlid.[2] Daarbenewens was die Italiaanse beheerliggaam in 1997 ’n stigtingslid van die Europese Krieketraad. In dieselfde jaar het die beheerliggaam by die Italiaanse Nasionale Olimpiese Komitee as ’n assosiaatlid aangesluit en sy huidige naam aangeneem.[3] Ná die opname van krieket in die Olimpiese Somerspele 2028 in Los Angeles se program het die Italiaanse Krieketfederasie op 11 Julie 2024 ’n volle lid van die Italiaanse Nasionale Olimpiese Komitee geword.[4][5]
Taak
[wysig | wysig bron]Die Italiaanse Krieketfederasie organiseer verskeie nasionale spanne, insluitend Italië se nasionale seniormanskrieketspan (Gli Azzurri), vroue (Le Azzurre) en jeug. Hulle is ook verantwoordelik vir die bestuur en organisasie van T20I-reekse teen ander spanne, en vir die reël van internasionale wedstryde tuis. Daarbenewens is die Italiaanse Krieketfederasie verantwoordelik vir inkomsteverkryging deur die verkoop van kaartjies, borgskappe en uitsaairegte, veral in verband met die Italiaanse span.
Kinders en jongmense word reeds op skool aan krieket bekend gestel en na gelang van hul belangstelling en talent begin hulle met hul afrigting.[6]
Kenteken
[wysig | wysig bron]Die embleem van Italië toon ’n paaltjie in die Italiaanse vlagkleure (groen, wit en rooi) en daarvoor ’n kolwer.
Sien ook
[wysig | wysig bron]
Verwysings
[wysig | wysig bron]- ↑ (it) Simone Gambino (2020). Gli anni clandestini. Il cricket italiano dalla nascita fino al riconoscimento da parte del CONI. Monterotondo: Fuorilinea. p. 42. ISBN 978-88-96551-73-8.
- ↑ (en) "Cricket Italia". Internasionale Krieketraad. Besoek op 17 Julie 2025.
- ↑ (it) "Statuto federale" (PDF). Italiaanse Krieketfederasie. 2019. Besoek op 17 Julie 2025.
- ↑ (en) "The FCRI Becomes the National Sports Federation". Italiaanse Krieketfederasie. 11 Julie 2024. Besoek op 17 Julie 2025.
- ↑ (it) "Federazione Cricket Italiana". Italiaanse Nasionale Olimpiese Komitee. Besoek op 17 Julie 2025.
- ↑ (it) "Gioca a cricket". Italiaanse Krieketfederasie. Besoek op 17 Julie 2025.
Bronnelys
[wysig | wysig bron]- (it) Simone Gambino (2020). Gli anni clandestini. Il cricket italiano dalla nascita fino al riconoscimento da parte del CONI. Monterotondo: Fuorilinea. ISBN 978-88-96551-73-8.
- (it) Simone Gambino (2023). Ius sanguinis, ius soli. Il cricket, la fucina dei nuovi italiani. Monterotondo: Fuorilinea. ISBN 979-1-281-11613-9.
Eksterne skakels
[wysig | wysig bron]Nasionale Krieketrade van die Internasionale Krieketraad | ||
|---|---|---|
| Afrika |  | |
| Amerikas | Argentinië • Bahamas • Belize • Bermuda • Brasilië • Chili • Costa Rica • Falkland-eilande • Kaaimanseilande • Kanada • Meksiko • Panama • Peru • Suriname • Turks- en Caicoseilande • Wes-Indië • Verenigde State | |
| Asië | Afghanistan • Bahrein • Bangladesj • Bhoetan • Hongkong • Indië • Iran • Kambodja • Katar • Koeweit • Maleisië • Maledive • Mianmar • Mongolië • Nepal • Oesbekistan • Oman • Pakistan • Saoedi-Arabië • Singapoer • Sri Lanka • Tadjikistan • Thailand • Verenigde Arabiese Emirate • Volksrepubliek China | |
| Europa | België • Bulgarye • Denemarke • Duitsland • Eiland Man • Engeland • Estland • Finland • Frankryk • Gibraltar • Griekeland • Guernsey • Hongarye • Ierland • Israel • Italië • Jersey • Kroasië • Luxemburg • Malta • Nederland • Noorweë • Oostenryk • Portugal • Roemenië • Serwië • Siprus • Skotland • Slowenië • Spanje • Swede • Switserland • Tsjeggië • Turkye | |
| Oos-Asië-Oseanië | Australië • Cookeilande • Fidji • Filippyne • Indonesië • Japan • Nieu-Seeland • Papoea-Nieu-Guinee • Samoa • Suid-Korea • Vanuatu | |
Vetdruk dui op volle lede en skuinsdruk op assosiaatlede met huidige of voormalige EDI-status en/of kriekettoernooi-ervaring | ||