Itamar Golan
Itamar Golan (Hebreeus: איתמר גולן), gebore op 3 Augustus 1970 in Vilnius, Litoue, is 'n Israeliese pianis.
Golan het op die ouderdom van een jaar na Israel geëmigreer saam met sy ouers.[1] Hy het klavier studeer saam met Lara Vodovoz en Emmanuel Krazovsky en sy eerste uitvoering op die ouderdom van sewe jaar gegee.
'n Beurs van die Amerikaans-Israeliese Kulturele Stigting[1] het hom van 1985 tot 1989 in staat gestel om sy opleiding in die Verenigde State by die New England Konservatoria in Boston saam met Leonard Shure en Patricia Zander voort te sit. Hy het later saam met Chaim Taub kamermusiek studeer.
Hy het sy loopbaan as solis en kamermusiek musikant in die Verenigde State en Israel begin. Hy het lewendige opvoerings gegee of opnames saam met verskeie musikante gemaak, insluitende Janine Jansen,[2] Barbara Hendricks, Maxim Vengerov, Shlomo Mintz, Mischa Maisky, Matt Haimovitz, Tabea Zimmermann, Ida Haendel en Julian Rachlin. Hy het in konsertsale en feeste in of by Ravinia, Chicago, Tanglewood, Salzburg, Edinburgh, Verbier en Lucerne opgetree.[3] Hy het ook as solis opgetree saam met die Israel Filharmoniese Orkes en met die Berliner Philharmoniker onder leiding van Zubin Mehta. Hy het van 1991 tot 1994 klasgegee by die Manhattan School of Music in New York Stad en is tans professor van kamermusiek by die Paryse Konservatoria.[4]
Verwysings[wysig | wysig bron]
- ↑ 1,0 1,1 "Itamar Golan" (in Engels). America-Israel Cultural Foundation. Geargiveer vanaf die oorspronklike op 17 Augustus 2019. Besoek op 24 Februarie 2017.
- ↑ da Fonseca-Wollheim, Corinna (11 Februarie 2015). "Review: Janine Jansen and Itamar Golan Balance Power and Nuance at Zankel Hall" (in Engels). New York Times. Geargiveer vanaf die oorspronklike op 17 Augustus 2019. Besoek op 24 Februarie 2017.
- ↑ "Itamar Golan - Biography" (in Engels). Belén Alonso Management. Geargiveer vanaf die oorspronklike op 17 Augustus 2019. Besoek op 24 Februarie 2017.
- ↑ "Itamar Golan - Biographie" (in Frans). Conservatoire National Supérieur de Musique et de Danse de Paris. Geargiveer vanaf die oorspronklike op 17 Augustus 2019. Besoek op 24 Februarie 2017.
