Iwan Misjoekof
Iwan Misjoekof | |
|---|---|
| Gebore | 6 Mei 1992 Reoetof, Rusland |
| Beroep | Soldaat |
| Bekend vir | 'n lewe tussen honde as wilde kind |
Iwan Misjoekof (Russies: Иван Мишуков, gebore 6 Mei 1992 in Reoetof) is 'n Russiese burger wat daarvoor bekend is dat hy 'n wilde kind was wat sowat twee jaar, tussen die ouderdomme van vier en ses jaar, saam met honde gewoon het.[1]
Vroeë lewe[wysig | wysig bron]
Toe Iwan vier jaar oud was, het hy weggeloop van sy ma en haar alkoholis-kêrel. Hy het in 'n stadium ook by sy alkoholis-oupa gewoon, wat hom vir dae op 'n slag alleen gelos het.[2] Hy het die vertroue van 'n trop honde gewen deur vir hulle kos te gee. In ruil daarvoor het hulle hom beskerm. Eindelik het hulle hom die tropleier gemaak.[1][3]
Iwan is in 1998, toe hy ses jaar oud was, deur die Moskouse polisie gevang. Die polisie het die seun van die trop geskei deur vir die honde kos in 'n restaurant se kombuis te los.[3] Voordat hy gevang is, het Iwan drie keer van die polisie ontsnap deurdat die honde hom verdedig het.[4]
Iwan is daarna deur 'n peetma grootgemaak.[2] Omdat Iwan net twee jaar lank tussen die honde gebly het, kon hy Russies gou weer aanleer. Hy praat nou vlot en intelligent, en het al onderhoude op Russiese en Oekraïense TV toegestaan.[5] Hy het aan 'n militêre instelling studeer en in die Russiese weermag gedien.[5]
Sy verhaal verewig[wysig | wysig bron]
Iwan se storie het die Engelse dramaturg Hattie Naylor in 2009 geïnspireer om 'n pryswennertoneelstuk, Ivan and the Dogs, oor sy tyd as straatkind te skryf.[6][7] Dit is vir die silwerdoek aangepas as Lek and the Dogs (2017).[8]
Die Australiese skrywer Eva Hornung het 'n roman, Dog Boy (2009), geskryf met baie van dieselfde elemente as die toneelstuk en rolprent. Ook die skrywer Bobbie Pyron het 'n boek, The Dogs of Winter, oor Iwan en die honde geskryf.[9]
Verwysings[wysig | wysig bron]
- ↑ 1,0 1,1 Virtually Useless Information. West Side Publishing. 2010. ISBN 978-1-60553-916-4.
- ↑ 2,0 2,1 Will Stewart, "Man raised by a pack of stray DOGS as a child reveals how they saved his life by keeping him warm and sharing their food with him – before Russian officials killed the animals", Daily Mail Online, 23 Mei 2019. Besoek op 10 Augustus 2021.
- ↑ 3,0 3,1 Osborn, Andrew (4 Augustus 2004). "Siberian boy, 7, raised by dogs after parents abandoned him". The Independent. Besoek op 9 Julie 2016.
- ↑ Newton, Michael (17 Maart 2011). Savage Girls And Wild Boys: A History Of Feral Children. Faber & Faber. ISBN 0571266088.
- ↑ 5,0 5,1 Channel Ukraine. ""Raised by Dogs. Ukrainian TV show"".
- ↑ Naylor, Hattie. Ivan and the Dogs. Methuen Drama, 2014.
- ↑ "Previous Tinniswood Award winners". Society of Authors. Geargiveer vanaf die oorspronklike op 26 Julie 2018. Besoek op 26 Julie 2018.
- ↑ "Lek And The Dogs". IMDb. Besoek op 5 Julie 2020.
- ↑ Lynn Neary (10 April 2010). "'Dog Boy': The Complicated Humanity Of A Wild Child". NPR. Besoek op 29 September 2013.
Skakels[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
