Jagersfonteinmyn

in Wikipedia, die vrye ensiklopedie
Jump to navigation Jump to search
Jagersfontein-myn
diamantmyn
LandSuid-AfrikaWysig
Geografiese ligging29°45′55″S 25°25′8″EWysig
Produk of materiaal wat geproduseer worddiamantWysig
Die 972 karaat (194,4 g) Excelsior-diamant, die grootste wat in die Jagersfonteinmyn gevind is.

Die Jagersfonteinmyn is 'n verlate oopgroefmyn in Suid-Afrika geleë naby die dorp Jagersfontein en ongeveer 110 kilometer suidwes van Bloemfontein.[1][2] Sedert dit gestig is in 1870,[3][4] was twee van die tien grootste diamante wat ooit ontdek is, die Excelsior en die Reitz (nou bekend as die Jubilee-diamant), ontgin by Jagersfontein.

Die term "Jagers" is sedertdien geskep om die kenmerkende effense blou skynsel aan te dui van die juwele uit hierdie myne.[5] Onder geoloë, is Jagersfontein bekend as 'n kimberlite pyp,[6] en 'n primaligging vir mantel xenoliete, sommige van die wat glo op dieptes van 300 – 500 kilometer gevind is.

Ongeveer 9,6 miljoen karaat (1 900 kg) van edelsteengehalte diamante is onttrek tydens die myn se eeu van bewerking, slegs onderbreek deur die twee wêreldoorloë en die Groot Depressie. Na nege-en-dertig jaar van oopgroefmynbou, het ondergrondse mynbou begin in 1909, en is daar voortgegaan totdat die myn se uiteindelike sluiting op 28 Mei 1971, minder as 'n jaar na die eeufees van die eerste diamantontdekking in die gebied. Sedertdien is 'n oopgroefmuseum en die Jagers Mynboudorp as toerisme-aantreklikhede op die terrein geopen.

Navorsing in 2005 deur die historikus Steve Lunderstedt het bevestig dat die myn die grootste handuitgegrawe gat in die wêreld was op 19,65 hektaar (48,6 akker), effens groter as die Groot Gat van 17 hektaar (42 akker) in Kimberley, wat tot dan op die titel aanspraak gemaak het. Dit is waarskynlik nie die diepste nie, aangesien die finale diepte van die Groot Gat 220 m of meer bereik. Jagersfontein is teen 1911 met die hand gegrawe tot 'n diepte van 200 m .[7]

Sien ook[wysig | wysig bron]

Eksterne skakels[wysig | wysig bron]

Verwysings[wysig | wysig bron]

  1. "Jagersfontein Mine, Jagersfontein, Free State Province, South Africa", Mindat.org
  2. Jagersfontein, Places.co.za
  3. Jagersfontein entry, Encyclopædia Britannica
  4. "Jagersfontein Mine", Showcaves.com
  5. "The Excelsior Diamond", Famous, Historic and Notable Diamonds, Tripod.com
  6. Photograph showing the circular geometry of the Jagersfontein kimberlite, Department of Terrestrial Magnetism, Carnegie Institution of Washington [en]
    Stressed Pyroxenite Nodules from the Jagersfontein Kimberlite, G. D. Borley and P. Suddaby, Mineralogical Magazine; March 1975 v. 40; no. 309; p. 6-12; doi:10.1180/minmag.1975.040.309.02
    Iron carbide and metallic inclusions in diamonds from Jagersfontein, A. P. Jones, D. Dobson, I. Wood, A. D. Beard, A. Verchovsky, H. J. Milledge, 9th International Kimberlite Conference Extended Abstract No. 9IKC-A-00360, 2008
  7. "Big Hole loses claim to fame", Hannatjie van der Merwe, News24.com, 20 Mei 2005

Koördinate: 29°45′55″S 25°25′8″O / 29.76528°S 25.41889°O / -29.76528; 25.41889