Jakub Hrůša

in Wikipedia, die vrye ensiklopedie
Jump to navigation Jump to search

Jakub Hrůša (gebore op 23 Julie 1981 in Brno), is 'n Tsjeggiese dirigent. Hy is die seun van die argitek Petr Hrůša.

Biografie[wysig | wysig bron]

Hrůša het klavier en tromboon gestudeer, en 'n belangstelling in dirigeer ontwikkel gedurende sy gimnasium jare in Brno. Later het hy gestudeer om 'n dirigent te word by die Akademie van Uitvoerende Kunste in Praag, waar sy onderwysers Jiří Bělohlávek,[1] Radomil Eliška en Leoš Svárovský ingesluit het. [2]

In die jaar 2000 het hy deelgeneem aan die Praagse Internasionale Lente Musiekfees dirigente kompetisie. In 2003 was hy 'n pryswenner tydens die Internasionale Kompetisie van Jong Dirigente Lovro von Matačić in Zagreb, Kroasië. [2] Tydens sy 2004 graduerings konsert in die Rudolfinum, het hy Josef Suk se Asrael simfonie gedirigeer saam met die Praag Radio Simfonieorkes. Hy het ook navorsing vir 'n verhandeling gedoen oor die werk van Hedendaagse Tsjeggiese komponiste.

Vanaf 2002 tot 2005, was Hrůša Assosiaat Dirigent saam met die Tsjeggiese Filharmoniese Orkes. Gedurende 2005-2006 was hy Assosiaat Dirigent met die Orchestre Philharmonique de Radio France. In April 2006 het hy 'n ses-CD opnamekontrak geteken met die Supraphon Plate-etiket, en die eerste drie CD's was opgeneem saam met die Praag Filharmoniese Orkes.[3][4]

Van 2005 tot 2008 was Hrůša hoof-gasdirigent van die Praag Filharmoniese orkes. Hy was vanaf 2008 tot 2015 die orkes se hoof-dirigent. Van 2005 tot 2006 was hy die Hoof-dirigent van die Bohuslav Martinů Filharmoniese orkes in Zlín. [2] Hy het vanaf die 2015-2016 seisoen die hoof gas-dirigent geword van die Tsjeggiese Filharmoniese orkes.

In Februarie 2009 was Hrůša benoem as die musikale direkteur van die Glyndebourne Opera (Glyndebourne op Toer), effektief Januarie 2010.[5]

In September 2011 was hy genoem as die volgende musikale direkteur van die Koninklike Deense Opera en van die Koninklike Deense Orkes, effektief September 2013.[6]

In Januarie 2012, in die nasleep van die bedanking van Keith Warner van die artistiese direkteurskap van die Koninklike Deense Opera, na aanleiding van voorgestelde begrotingbesnydings, het Hrůša egter aangekondig dat hy nie die musikale direkteurskap van die Koninklike Deense Opera sou opneem nie, in solidariteit met Warner se aksies.[7]

In September 2015, na vyf verskynings as 'n gasdirigent, was Hrůša genoem as die volgende hoofdirigent van die Bamberg Simfonieorkes, effektief van die 2016-2017 seisoen, met 'n aanvanklike kontrak van vier seisoene.[8][9]

In Maart 2017 het die Philharmonia Orkes die aanstelling van Hrůša aangekondig as een van sy twee nuwe hoof -gasdirigente, effektief met die 2017-2018 seisoen.[10] In Junie 2018 het die Bamberg Simfonieorkes die verlenging van Hrůša se kontrak as hoof dirigent tot die 2025-2026 seisoen aangekondig.[11]

Persoonlike lewe[wysig | wysig bron]

Hrůša en sy vrou Klára Hrůšová het twee kinders.

Geselekteerde platelys[wysig | wysig bron]

  • Dvořák - Tsjeggiese Suite, Valčíky, Polonéza. Praag Filharmoniese Orkes. Supraphon SU 3867-2 (2006).
  • Dvořák - Suite in A, op 98b; Josef Suk - Serenade vir Strykinstrumente, Fantastiese Scherzo. Praag Filharmoniese Orkes Supraphon SU 3882-2 (2006).
  • Dvořák - Serenade vir Strykinstrumente, Serenade vir Blaasinstrumente, Meditasies op die Sint Wenceslas Koorstuk. Praag Filharmoniese Orkes. Supraphon SU 3932-2 (2008).
  • Leoš Janáček - Lachiaanse Danse, Die Geslepe Klein Vos Suite (František Jílek weergawe), Taras Bulba. Brno Filharmoniese Orkes. Supraphon SU 3923-2 (2009).
  • Bohuslav Martinů, Josef Bohuslav Foerster, Viteszlav Novak - Tjellokonserte. Jiří Bárta. Praag Filharmoniese Orkes. Supraphon SU 3989-2 (2009).
  • Bedřich Smetana - Ma Vlast. Praag Filharmoniese Orkes. Supraphon SU 4032-2 (2010).
  • Dvořák & Lalo - Tjellokonserte. Johannes Moser, Praag Filharmoniese Orkes. Pentatone PTC 5186488 (2015)
  • Dvořák - Slawoniese Rapsodieë en Simfoniese Variasies. Praag Filharmoniese Orkes. Pentatone PTC 5186554 (2016)
  • Dvořák - Ouvertures. Praag Filharmoniese Orkes. Pentatone PTC 5186532 (2016).
  • Bartok & Kodaly - Konserte vir Orkes. Rundfunk-Sinfonieorchester Berlyn. Pentatone PTC 5186626 (2018).

Verwysings[wysig | wysig bron]

  1. Vladimír Čech (2008-07-03). "Nový šéfdirigent Pražské komorní filharmonie: Nejsem revolucionář". Kultura.iHNed.cz. Besoek op 2008-09-05. 
  2. 2,0 2,1 2,2 Sjabloon:Cite AV media notes
  3. Matthew Rye (2006-04-29). "Classical CDs of the week: Beethoven, Gossec and more". Telegraph. Besoek op 2008-09-13. 
  4. Andrew Clements (2008-02-29). "Dvořák: Serenade for Strings; Serenade for Wind, etc, Prague Philharmonia/ Hrusa". The Guardian. Besoek op 2008-09-13. 
  5. Glyndebourne on Tour (20 February 2009). "Jakub Hrůša Appointed as Music Director for Glyndebourne on Tour". Persberig. Archived from the original on 7 October 2009. https://web.archive.org/web/20091007103535/http://www.glyndebourne.com/press/news_new/press_releases/jakub_hrusacc/. Besoek op 2009-04-18. 
  6. Mia Kjeldset (2011-09-30). "Stjernefrø skal svinge kongelig dirigentstok". Danish Radio (DR), PR 4 København. Besoek op 2011-10-16. 
  7. Torben Benner (2012-01-24). "Medarbejdere på Operaen er i chok efter chefs smækken med døren". Politiken. Geargiveer vanaf die oorspronklike op 2012-01-26. Besoek op 2012-02-26. 
  8. "Neuer Chefdirigent der Bamberger Symphoniker: Jakub Hrusa". Nordbayerische Nachrichten. 2015-09-07. Besoek op 2015-09-07. 
  9. "Jakub Hrusa wird neuer Chef der Bamberger Symphoniker". Schweriner Volkszeitung. 2015-09-07. Geargiveer vanaf die oorspronklike op 2015-12-24. Besoek op 2015-09-08. 
  10. Philharmonia Orchestra (30 March 2017). "The Philharmonia announces two Principal Guest Conductors: Jakub Hrůša and Santtu-Matias Rouvali". Persberig. http://www.philharmonia.co.uk/news/article/31/the_philharmonia_announces_two_principal_guest_conductors_jakub_hrusa_and_santtu-matias_rouvali. Besoek op 2017-03-31. 
  11. Bayerisches Staatsministerium für Wissenschaft und Kunst (19 June 2018). "Kunstministerin Prof. Dr. med. Marion Kiechle: "Bamberger Symphoniker unter Hrůšas Leitung auch in Zukunft Ton angebend" - Jakub Hrůša wird Bamberger Symphoniker bis 2026 kontinuierlich dirigieren". Persberig. http://www.stmwk.bayern.de/pressemitteilung/11328/nr-053-vom-19-06-2018.html. Besoek op 2018-06-20. 

Eksterne skakels[wysig | wysig bron]

Kulturele poste
Voorafgegaan deur
Tomáš Koutník
Hoofdirigent, Bohuslav Martinů Filharmoniese Orkes
2005-2008
Opgevolg deur
Stanislav Vavřínek
Voorafgegaan deur
Kaspar Zehnder
Hoofdirigent, Praag Filharmoniese Orkes
2008-2015
Opgevolg deur
Emmanuel Villaume
Voorafgegaan deur
Robin Ticciati
Musikale Direkteur, Glyndebourne on Tour
2010-2012
Opgevolg deur
Ben Glassberg (hoofdirigent)
Voorafgegaan deur
Jonathan Nott
Hoofdirigent, Bamberg Simfonieorkes
2016-present
Opgevolg deur
huidige bekleër