James, Graaf van Wessex
| Graaf van Wessex | |
|---|---|
 James by die kroning van Charles III.
| |
| Geboortenaam | James Alexander Philip Theo Mountbatten-Windsor, burggraaf Severn |
| Gebore | 17 Desember 2007 |
| Vader | Prins Edward, Hertog van Edinburg |
| Moeder | Sophie Rhys-Jones |
| Familie | Britse koninklike familie |
James Alexander Philip Theo Mountbatten-Windsor, Graaf van Wessex (gebore 17 Desember 2007; van 2007 tot 2023 bekend as burggraaf Severn) is lid van die Britse koninklike familie. Hy is die jongste kind en enigste seun van prins Edward, Hertog van Edinburg, en Sophie Rhys-Jones. Hy is die jongste kleinseun van koningin Elizabeth II en prins Philip, Hertog van Edinburg, en die jongste broerskind van Charles III. Hy is tydens die bewind van sy ouma aan vaderskant gebore en was toe agtste op die lys van Britse troonopvolgers. Hy is tans 16de.
Kinderdae
[wysig | wysig bron]James is op 17 Desember 2007 in Surrey gebore.[1][2] Sy pa, prins Andrew, Hertog van Edinburg, is die jongste kind van koningin Elizabeth II en prins Philip, Hertog van Edinburg. Sy ma, Sophie, het 'n werk in openbare betrekkinge gehad voordat sy in 1999 in die koninklike familie ingetrou het. Sy volle naam is op 21 Desember aangekondig.[3] Hy het 'n ouer suster, Louise.[4]
Amptelike optredes
[wysig | wysig bron]James het sy eerste amptelike verskyning in 2016 gemaak in die koetsoptog op die Vaandelparade[5] en het ook in 2022 in die Vaandelparade verskyn.[6]
In September 2020 het hy en sy ouers deelgeneem aan die Great British Beach Clean op die Southsea-strand in Hampshire.[7][8]
Ná die gedenkdiens op 29 Maart 2022 vir sy oupa, prins Philip, het James die Platinum Jubilee National Service of Thanksgiving[9][10] bygewoon, en in Junie 2022 die Platinum Party at the Palace.[11]
Op 17 September 2022, gedurende die tyd van rou vir sy ouma, koningin Elizabeth II, het James, sy suster en ses neefs en niggies 'n nagwaak om haar kis gehou terwyl sy in Westminster Hall in staatsie gelê het.[12] Op 19 September het hy en ander familielede haar staatsbegrafnis bygewoon.[13]
Op 6 Mei 2023 het James, wat toe die Graaf van Wessex was, sy oom, Charles III, se kroning in Westminster-abdy saam met die res van die koninklike familie bygewoon. Die volgende dag het hulle die kroningskonsert in Windsor-kasteel bygewoon.[14]
Titels, aanspreekvorme en eerbewyse
[wysig | wysig bron]Titels en aanspreekvorme
[wysig | wysig bron]Die titel burggraaf Severn verwys na die Walliese herkoms van sy moeder se familie.[15] James het dié beleefdheidstitel met sy geboorte gekry as die regmatige erfgenaam van sy pa se graafskap.[16]
James het met sy geboorte outomaties 'n Britse prins (prins James van Wessex, nou prins James van Edinburg) geword danksy die patentbrief van 1917 wat die titel "prins"/"prinses" en die aanspreekvorm "Koninklike Hoogheid" aan alle kleinkinders van 'n monarg in die manlike lyn toegeken het.[17] Toe sy ouers trou, het Buckingham-paleis egter aangekondig hulle kinders sou die titels van 'n graaf se kinders hê, en nie dié van prins en prinses nie. In 2020 het James se ma herbevestig dat hy en sy suster die reg voorbehou om hulle koninklike titels en aanspreekvorme te begin gebruik wanneer hulle 18 word.[18]
Toe sy pa in Maart 2023 die Hertog van Edinburg word, het James die beleefdheidstitel Graaf van Wessex gekry.[19][20] Omdat Hertog van Edinburg 'n nieoorerflike titel is, sal dit by sy pa se dood wegval, maar James bly die regmatige erfgenaam van sy pa se oorerflike adeltitels Graaf van Wessex, Graaf van Forfar en burggraaf Severn.[21]
Eerbewyse
[wysig | wysig bron]In Junie 2008, ter erkenning van prins Edward se besoek aan die Kanadese provinsie Manitoba, is 'n meer in die noorde van die provinsie die Jamesmeer genoem. Sy suster is ook benoem met die Louisemeer in dieselfde provinsie.[22]
Verwysings
[wysig | wysig bron]- ↑ Coke, Hope (6 Mei 2023). "Who is the new Earl of Wessex? James joins Prince Edward and the Duchess of Edinburgh at Westminster Abbey". tatler.com. Besoek op 18 Mei 2023.
- ↑ "Countess gives birth to baby boy". BBC News. 17 Desember 2007.
- ↑ "Edward and Sophie name baby James". BBC News. 21 Desember 2007.
- ↑ Coke, Hope (12 Februarie 2021). "Meet James, Earl of Wessex, son of Prince Edward and Sophie, Duchess of Edinburgh as he towers over the royals on Easter Sunday". Tatler.
- ↑ "Trooping the colour on the Queen's 90th birthday – in pictures". The Guardian. 11 Junie 2016. Besoek op 22 Januarie 2024.
- ↑ "Here's Everyone Who Was on the Buckingham Palace Balcony at Trooping the Colour". BuzzFeed News. 2 Junie 2022.
- ↑ Rice, Francesca (21 September 2020). "The Countess of Wessex looks cool and casual in jeans to litter-pick at the beach with her family". Good Housekeeping. Besoek op 16 November 2020.
- ↑ "Prince Edward and family spend sunny weekend on beach clean". Tatler. 21 September 2020. Besoek op 16 November 2020.
- ↑ Hughes, Seren (2 Junie 2022). "Royal fans can't believe how grown up the Queen's youngest grandson looks". MyLondon.
- ↑ "Who was at the Queen's Jubilee service of thanksgiving? Royal family joined by Harry, Meghan and politicians past and present". Sky News.
- ↑ Coke, Hope (4 Junie 2022). "'You laugh with us and cry with us': Prince Charles pays heartfelt tribute to 'mummy' at historic Platinum Party". Tatler. Besoek op 19 Augustus 2022.
- ↑ McCrum, Kirstie (17 September 2022). "Queen's grandchildren stand solemn vigil in Westminster Hall". WalesOnline. Besoek op 17 September 2022.
- ↑ "Queen's youngest grandchild James Viscount Severn, 14, attends funeral with sister". The Independent. 19 September 2022.
- ↑ "The Coronation of TM The King and Queen Camilla". BBC. Besoek op 8 Mei 2023.
- ↑ "Wessex titles for Edward and Sophie". BBC News. 19 Junie 1999. Besoek op 3 Mei 2011.
- ↑ "Burke's Peerage". burkespeerage.com.
- ↑ "Royal Styles and Titles of Great Britain: Documents". www.heraldica.org. Besoek op 25 April 2023.
- ↑ "Queen Elizabeth's Grandchildren Will 'Work for a Living' and Won't Use HRH, Says Mom Sophie Wessex". People. Besoek op 9 Junie 2020.
- ↑ "Prince Edward given Duke of Edinburgh title previously held by his father Prince Philip". Sky News (in Engels). Besoek op 10 Maart 2023.
- ↑ Davies, Caroline (10 Maart 2023). "King Charles gives Prince Edward 'Duke of Edinburgh' title". The Guardian. ISSN 0261-3077. Besoek op 10 Maart 2023.
- ↑ Tominey, Camilla (10 Maart 2023). "Prince Edward may have the Duke of Edinburgh title – but getting it wasn't easy". The Telegraph. Besoek op 10 Maart 2023.
- ↑ "Prince Edward begins Winnipeg visit". The Vancouver Sun. Kanada. 2 Junie 2008. Geargiveer vanaf die oorspronklike op 15 April 2011. Besoek op 30 Maart 2010.
Skakels
[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
