James Liege Hulett
Sir James Liege Hulett (17 Mei 1838 - 1928) was 'n Natalse nyweraar, pionier en staatsman. Hy is gebore in Engeland en emigreer in 1857 na Natal waar hy by Nonoti begin boer. Hy eksperimenteer met araroet, katoen, koffie en mielies. Hy spits hom toe op die produksie van suikerriet en neem gou die leiding daarmee. Op Kearsney doen hy ook pioneerswerk met die verbouing van tee.
Hy word in 1883 lid van die Wetgewende Raad en later Speaker en onder verantwoordelike bestuur, Minister van Naturellesake. Hy stig J.L. Hulett & Seuns in 1882 wat vandag as Tongaat Hulett Sugar bekend staan. Die maatskappy is op die JSE gelys en is vandag etlike miljarde rande werd.
Die eerste suikermeule word in 1903 op Tinley Manor geopen en hierna groei die bedryf geweldig. Een van sy grootste prestasies is om toestemming van die Natalse regering te kry om suiker aan te plant in Zoeloeland in 1905. Die eerste groot raffinadery word in 1911 te Rossburgh geopen en uiteindelik deur 'n afsonderlike onderneming oorgeneem. Hy word sir Liege in 1910 met Uniewording.
Bron[wysig | wysig bron]
- Ensiklopedie van Suidelike Afrika, Eric Rosenthal, 1967
- Russell, Gilbert: Sir Liege Hulett (1838 - 1928). In: Lantern. Tydskrif vir Kennis en Kultuur. Jaargang 35, nr. 1, Januarie 1986
