James Prescott Joule

in Wikipedia, die vrye ensiklopedie
Spring na: navigasie, soek
James Prescott Joule
Joule James sitting.jpg
Gebore 24 Desember 1818
Salford, Lancashire, Engeland
Oorlede 11 Oktober 1889 (op 70)
Sale, Cheshire, Engeland
Blyplek Vlag van Verenigde Koninkryk Verenigde Koninkryk
Vakgebied Fisika
Bekend vir Eerste wet van Termodinamika
Weerlegging van die Kalorie-teorie
Invloed op John Dalton
John Davies
Toekennings Koninklike Medalje (1852)
Copley-medalje (1870)
Albert-medalje (1880)

James Prescott Joule FRS (24 Desember 181811 Oktober 1889) was 'n Engelse fisikus en is gebore in Salford, naby Manchester. Hy het die eerste wet van Termodinamika geformuleer. Alhoewel hy 'n groot brouery van sy vader geërf het, het Joule hom toegewy aan die wetenskap. Hy is privaat by sy huis geskool en studeer later fisika onder John Dalton. Hy ontdek en bou 'n elektromagnetiese enjin wat hy beskryf in sy publikasie Annals of Electricity in 1838. In 1840 formuleer hy 'n wet wat bepaal dat die hoeveelheid hitte wat opgewek word in 'n geleier per eenheid of tyd waardeur 'n stroom vloei is die produk van die vierkant van die stroom en die weerstand.

Hy studeer vir jare die meganiese ekwivalent van hitte en bied al die navorsing aan in 'n dokument aan die Royal Society in 1849. Dit het tot gevolg dat energie-eenheid wat gebruik word om alle energie mee te meet, die Joule (J) na hom vernoem is. Hy ondersoek ook die afkoeling verskynsel van saamgeperste gasse wat vrygelaat word of toegelaat word om uit te sit. Hierdie werk word later voortgesit deur Sir William Thomson, beter bekend as Lord Kelvin.

Sien ook[wysig | wysig bron]