Jan Bantjes

in Wikipedia, die vrye ensiklopedie
Jan Bantjes
Gebore
Jan Gerritze Bantjes

8 Julie 1817
Sterf10 Maart 1887
BeroepOnderwyser, klerk
Bekend virVoortrekker van die Wenkommando

Jan Gerritze Bantjes (Beaufort-Wes, 8 Julie 1817 - Potchefstroom, 10 Maart 1887) was 'n Voortrekker.

Hy sluit hom op Nuwejaarsdag 1837 aan by die Voortrekkerlaer op Thaba Nchu en vergesel Andries Pretorius die volgende jaar op sy Wenkommando en hou die "Journaal" van die ekspedisie. In 1839 vestig hy hom op Pietermaritzburg as prokureur, maar keer in 1840 terug na die Kaapkolonie. In 1848 tree hy op as onderwyser en "Klerk van den Kerkraad" op Fauresmith. Hy word in 1865 onderwyser op Potchefstroom waar hy in 1887 sterf.

Die Bantjes-goudmyn is na sy oudste seun, Jan Gerritze (1843-1914) vernoem, 'n prospekteerder wat beweer het dat hy die hoofrif op die Witwatersrand ontdek het. Die seun het ook 'n mislukte poging aangewend om die Bantjes-miljoene na te spoor.[1]

Bronne[wysig | wysig bron]

  • Albertyn, dr. C.F. (red.) 1962. Die Afrikaanse Kinderensiklopedie. Kaapstad, Bloemfontein, Johannesburg: Nasionale Boekhandel Bpk.
  • Johannes Meintjes, The Voortrekkers: The Story of the Great Trek and the Making of South Africa, 1973
  • Eily Gledhill, In the Steps of Piet Retief, 1980
  • Alf Wannenburgh, Forgotten Frontiersmen, 1980

Verwysings[wysig | wysig bron]