Jannik Sinner
_(Jannik_Sinner).jpg) | ||
| Jannik Sinner in 2025 | ||
| Volle naam | Jannik Sinner | |
|---|---|---|
| Land | Italië | |
| Woonplek | Monte Carlo, Monaco | |
| Geboortedatum | 16 Augustus 2001 | |
| Geboorteplek | Innichen, Suid-Tirool, Italië | |
Jannik Sinner (gebore 16 Augustus 2001) is 'n Italiaanse professionele tennisspeler.[1] Hy word tans deur die Association of Tennis Professionals (ATP) as wêreldnommer een in mans enkelspel geklassifiseer, en is die eerste Italianer wat die boonste posisie bereik het. Sinner het reeds 19 enkelspeltitels tydens die ATP Toer gewen, waaronder drie groot titels by die Australiese Ope in 2024 en 2025 en die VSA-Ope in 2024, tesame met die 2024 ATP eindrondte en vier Meesters 1000-titels. Hy het ook Italië na Davis Cup oorwinnings in 2023 en 2024 gelei.
Ondanks beperkte sukses as juniorspeler, het Sinner op die ouderdom van 16 begin deelneem aan professionele manlike toernooie en een van die min spelers geword wat op 17-jarige ouderdom verskeie ATP Challenger Toer-titels gewen het. In 2019 het hy onder die top 100 ingeskuif, die Next Generation ATP Finales gewen en die ATP Nuweling van die Jaar-toekenning ontvang. In 2021 het hy die jongste ATP 500-kampioen geword tydens die Washington Open, sowel as die eerste speler wat in die 2000's gebore is om onder die top 10 in die ranglys te eindig. Sinner het sy eerste Meesters 1000-titel tydens die Kanadese Open van 2023 gewen en die seisoen afgesluit met 'n plek in die ATP eindrondtes se finaal en deur Italië na 'n Davis Cup oorwinning te lei.
Tydens die 2024 Australiese Ope het Sinner die destydse wêreldnommer 1 Novak Djokovic verslaan, en daarna Daniil Medvedev verslaan in 'n vyfset-stryd, waartydens hy 'n twee stel agterstand uitgewis het om sy eerste groot titel te wen. Hy het voortgegaan deur drie Meesters 1000-toernooie, die VSA-Ope en die ATP eindrondte te wen, en het die jaar afgesluit as die wêreld se no. 1 speler.
Verwysings
[wysig | wysig bron]- ↑ "Jannik Sinner". ATP Tour. Besoek op 10 Junie 2025.
