Gaan na inhoud

Japannese nasionale vrouerugbyspan

in Wikipedia, die vrye ensiklopedie
Japan
Unie Japannese Rugbyvoetbalunie (JRFU)
Bynaam(e) Sakura Vyftiental
Embleem die Sakura
Stadion Chichibunomiya Rugbystadion, Tokio
Kapasiteit 27 188
Afrigter(s) Vlag van Kanada Lesley McKenzie (sedert 2019)
Kaptein(s) Saki Minami
Spankleure
Alt. kleure
Eerste internasionale wedstryd
Vlag van Frankryk Frankryk 62–0 Japan Vlag van Japan
(Aberavon, Wallis; 6 April 1991)
Grootste oorwinning
Vlag van Japan Japan 90–0 Kasakstan Vlag van Kasakstan
(Fukuoka, Japan; 15 Mei 2025)
Grootste nederlaag
Vlag van Japan Japan 0–121 Nieu-Seeland Vlag van Nieu-Seeland
(Melrose, Skotland; 15 April 1994)
Wêreldbeker
Verskynings 6/10 (Eerste in 1991)
Beste uitslag Agtste plek in 1994
Unie webwerf
www.rugby-japan.jp

Die Japannese nasionale vrouerugbyspan (Japannees: ラグビー女子日本代表, Ragubī Joshi Nihon Daihyō; ook bekend as Sakura Vyftiental) is die nasionale vrouerugbyspan wat Japan in internasionale wedstryde (toetswedstryde) verteenwoordig. Hulle word as die beste vrouerugbyspan in Asië beskou. Rugby word in Japan geadministreer deur die Japannese Rugbyvoetbalunie (Engels: Japan Rugby Football Union, JRFU; Japannees: 日本ラグビーフットボール協会, Nihon ragubī futtobōru kyōkai) wat in 1926 gestig is.[1]

Japan het sy eerste toetswedstryd in 1991 teen Frankryk gespeel. Japan se belangrikste internasionale verskyning is tydens die vierjaarlikse vrouerugbywêreldbekertoernooi wat sedert 1991 beslis word. Japan het tot dusver vir ses van die tien toernooie gekwalifiseer; in 1994 het hulle met die agtste plek hul beste prestasie behaal. Sedert 2007 neem Hongkong aan die Asiatiese Vrouekampioenskap deel en kon sedertdien ses titels inpalm. Die Japannese span speel tradisioneel in rooi-wit-gestreepte truie wit broeke en wit sokkies met rooi strepe. Japan is tans (September 2025) twaalfde op Wêreldrugby se wêreldranglys gelys.[2]

Beheerliggaam

[wysig | wysig bron]
Die hoofartikel vir hierdie afdeling is: Japannese Rugbyvoetbalunie.

Die beheerliggaam vir rugby in Japan is die Japannese Rugbyvoetbalunie (JRFU). Die JRFU is op 30 November 1926 gestig[3] en het in 1987 by die Internasionale Rugbyvoetbalraad (IRVR; nou Wêreldrugby) aangesluit.[4] Daarmee het die JRFU gelyktydig ’n setel by die wêreldbeheerligaam se uitvoerende raad ingeneem.[5][6] Daarbenewens was die JRFU in 1968 ’n stigtingslid van die Asiatiese Rugbyvoetbalunie (Engels: Rugby Football Union, ARFU; nou Asië Rugby).[7]

Geskiedenis

[wysig | wysig bron]
Toetswedstryd Japan teen Italië in 2023

Japan het sy debuut gemaak tydens die heel eerste Vrouerugbywêreldbeker 1991.[8] Daarna het die Japanners aan nog drie vrouerugbywêreldbekertoernooie deelgeneem: in 1994, 2002 en 2017.[9] Daarbenewens kon die span die Asiatiese Vrouekampioenskappe in 2015,[10] 2016 en 2017 wen.

Japan het gekwalifiseer vir die Vrouerugbywêreldbeker 2021 in Nieu-Seeland ná ’n hersiening van die Asiatiese kwalifisering vanweë die wêreldwye Covid-19-pandemie. As die beste geplaaste Asiatiese span het hulle regstreeks gekwalifiseer vir die toernooi.[11]

In November 2021 het Japan Europa besoek vir toetswedstryde teen Ierland, Skotland en Wallis.[12][13][14][15] Japan het met 5–23 teen Wallis verloor, nadat die Sakuras hul enigste drie in die 77ste minuut kon druk en die doelskop misluk het.[16] Op die Edinburg Rugbystadion in Edinburg kon die Skotte ses drieë druk, wat aan die Sakuras met 12–36 hul tweede nederlaag besorg het.[17] Ierland kon met een speler minder ’n verrassende 15–12-oorwinning oor Japan aanteken.[18]

In 2022 het die Japanners Australië besoek en hul reeks teen Australië, die Australiese Barbarians en Fidji onoorwonne beklink.[19]

In Mei 2025 kon die Sakuras hul hoogste oorwinning ooit aanteken, toe hulle Kasakstan in die openingswedstryd van die Asiatiese Vrouekampioenskap 2025 in Fukuoka met 90–0 verneder het; hulle het 14 onbeantwoorde drieë gedruk.[20][21] Hulle kon dié toernooi beklink, gelyk aan hul sewende titel.[22][23]

Kleure, embleem en bynaam

[wysig | wysig bron]

Japan speel tradisioneel in wit en rooi gestreepte truie (met ’n wit kraag en boeie) met ’n geborduurde Sakura (’n Japannese kersiebloeisel) op die bors, saam met ’n wit kortbroek en wit sokkies met rooi spatsels. Die Sakura-kenteken van die beheerliggaam en die nasionale span toon drie kersiebloeisels in volle blom. Die nasionale span se bynaam is Sakura Vyftiental.

Tuisstadion

[wysig | wysig bron]
Die hoofartikel vir hierdie afdeling is: Chichibunomiya Rugbystadion.
Die Chichibunomiya Rugbystadion in Tokio, Japan se tradisionele tuisstadion

Japan se tradisionele tuisstadion vir rugby is die Chichibunomiya Rugbystadion in Tokio, waar ook die Japannese Rugbyvoetbalunie se hoofkantoor gesetel is. Dié stadion is in 1947 opgerig en in 1953 na die oorlede Prins Chichibu, die jonger broer van die destydse Tennō Hirohito, genoem om sy groot ondersteuning vir rugby in Japan te herdenk.

Toetswedstryde

[wysig | wysig bron]

Japan het 36 van sy 72 toetswedstryde gewen, ’n wenrekord van 50,00%. Japan se statistieke in toetswedstryde teen alle lande, in alfabetiese volgorde, is soos volg (korrek teen September 2025):

Opponent Gespeel Gewen Verloor Gelykop % Gewen
Vlag van Australië Australië 4 1 3 1 25,00
Vlag van Fidji Fidji 2 2 0 0 100,00
Vlag van Frankryk Frankryk 3 0 3 0 0,00
Vlag van Hongkong Hongkong 17 16 1 0 94,11
Vlag van Ierland Ierland 8 2 6 0 25,00
Vlag van Italië Italië 4 0 3 1 0,00
Vlag van Kanada Kanada 2 0 2 0 0,00
Vlag van Kasakstan Kasakstan 9 2 7 0 22,22
Vlag van Nederland Nederland 2 1 1 0 50,00
Vlag van Nieu-Seeland Nieu-Seeland 2 0 2 0 0,00
Vlag van Samoa Samoa 1 1 0 0 100,00
Vlag van Skotland Skotland 2 1 1 0 50,00
Vlag van Singapoer Singapoer 4 4 0 0 100,00
Vlag van Spanje Spanje 4 2 2 0 50,00
Vlag van Suid-Afrika Suid-Afrika 2 2 0 0 100,00
Vlag van Swede Swede 2 1 1 0 50,00
Vlag van Verenigde State van Amerika Verenigde State 2 0 0 2 0,00
Vlag van Wallis Wallis 2 1 1 0 50,00
Algeheel 72 36 34 1 50,00

Rekords

[wysig | wysig bron]

Wêreldbekerrekord

[wysig | wysig bron]

Japan het tot dusver aan ses vrouerugbywêreldbekertoernooie deelgeneem. Hul beste prestasie was die agtste plek tydens die 1994-toernooi.

Jaar Uitslag
1991 Twaalfde plek
1994 Agtste plek
1998 Nie deelgeneem nie
2002 13de plek
2006 Nie gekwalifiseer nie
2010 Nie gekwalifiseer nie
2014 Nie gekwalifiseer nie
2017 Elfde plek
2021 Groepfase
2025 Groepfase
2029 N.v.t.
2033 N.v.t.

Asiatiese Vrouekampioenskappe

[wysig | wysig bron]

Japan neem sedert 2007 aan die jaarlikse Asiatiese Vrouekampioenskap deel. Hulle het sedertdien sewe titel gewen.

  • Toernooititels (7): 2010, 2015, 2016, 2017, 2023, 2024, 2025

Spelers

[wysig | wysig bron]

Huidige span

[wysig | wysig bron]

Die volgende spelers het die Japannese span gevorm tydens die Vrouerugbywêreldbeker 2025:[24]

Agterspelers (backs)
Speler Posisie Klub Toetswedstryde
Megumi Abe Skrumskakel Arukas Queen Kumagaya 32
Moe Tsukui Skrumskakel Yokogawa Musashino Artemi-Stars 42
Ayasa Otsuka Losskakel Arukas Queen Kumagaya 36
Minori Yamamoto Losskakel Yokohama TKM 38
Nao Ando Senter Brave Louve 12
Mana Furuta Senter Tokyo Sankyu Phoenix 36
Sakurako Hatada Senter Japannese Universiteit van Sport 09
Haruka Hirotsu Senter Nanairo Prism Fukuoka 17
Kanako Kobayashi Senter Yokogawa Musashino Artemi-Stars 20
Komachi Imakugi Vleuel Arukas Queen Kumagaya 30
Mele Yua Havili Kagawa Vleuel Nanairo Prism Fukuoka 05
Misaki Matsumura Vleuel Tokyo Sankyu Phoenix 13
Rinka Matsuda Heelagter Tokyo Sankyu Phoenix 14
Sora Nishimura Heelagter Mie Pearls 21
Voorspelers (forwards)
Speler Posisie Klub Toetswedstryde
Ayumu Kokaji Haker Tokyo Sankyu Phoenix 11
Asuka Kuge Haker Arukas Queen Kumagaya 22
Kotomi Taniguchi Haker Yokogawa Musashino Artemi-Stars 26
Sachiko Kato Stut Yokogawa Musashino Artemi-Stars 30
Wako Kitano Stut Mie Pearls 22
Hinata Komaki Stut Tokyo Sankyu Phoenix 21
Miharu Machida Stut Japannese Universiteit van Ekonomie 04
Manami Mine Stut Japannese Universiteit van Sport 12
Nijiho Nagata Stut Mie Pearls 29
Ayano Sakurai Slot Yokogawa Musashino Artemi-Stars 23
Yuna Sato Slot Tokyo Sankyu Phoenix 24
Otoka Yoshimura Slot Arukas Queen Kumagaya 29
Kyoko Hosokawa Losvoorspeler Mie Pearls 17
Masami Kawamura Losvoorspeler Yokogawa Musashino Artemi-Stars 22
Sakurako Korai Losvoorspeler Japannese Universiteit van Sport 22
Iroha Nagata Kaptein Losvoorspeler Arukas Queen Kumagaya 40
Jennifer Nduka Losvoorspeler Hokkaido Barbarians Diana 15
Seina Saito Losvoorspeler Mie Pearls 50

Bekende spelers

[wysig | wysig bron]

Tot dusver is nog geen Japannese speler in Wêreldrugby se Heldesaal opgeneem nie.

Sien ook

[wysig | wysig bron]
Rugbyportaal

Verwysings

[wysig | wysig bron]
  1. ↑ (en) John R. Jones; Maurice Golesworthy (1976). Encyclopedia of Rugby Union Football. Londen: Robert Hale. p. 69. ISBN 0-7091-5394-5.{{cite book}}: AS1-onderhoud: meer as een naam (link)
  2. ↑ (en) "Women's and Men's Rankings". Wêreldrugby. Besoek op 8 September 2025.
  3. ↑ (en) John R. Jones; Maurice Golesworthy (1976). Encyclopedia of Rugby Union Football. Londen: Robert Hale. p. 69. ISBN 0-7091-5394-5.{{cite book}}: AS1-onderhoud: meer as een naam (link)
  4. ↑ (en) "Japan". Wêreldrugby. Besoek op 8 September 2025.
  5. ↑ (en) Huw Richards (2007). A Game for Hooligans: The History of Rugby Union. Edinburgh: Mainstream. p. 212. ISBN 978-1-84596-255-5.
  6. ↑ (en) Richard Bath (1997). Complete Book of Rugby. Seven Oaks. p. 69. ISBN 1-86200-013-1.
  7. ↑ (en) "Japan Rugby Football Union". Asië Rugby. Besoek op 8 September 2025.
  8. ↑ (ja) "女子ラグビー15年の歴史 - 海外遠征と外国チーム招聘の記録｜日本ラグビーフットボール協会｜RUGBY：FOR ALL「ノーサイドの精神」を、日本へ、世界へ。". Japannese Rugbyvoetbalunie. 8 April 2004. Besoek op 8 September 2025.
  9. ↑ (en) "Japan and Hong Kong qualify for Women's World Cup". Asië Rugby. 13 Desember 2016. Besoek op 8 September 2025.
  10. ↑ (en) "Japan's women crowned Asian champions for first time". Wêreldrugby. 2015. Besoek op 31 Maart 2016.
  11. ↑ (en) "Sakura Fifteen Qualify for Rugby World Cup 2021 in New Zealand". Japannese Rugbyvoetbalunie. 20 Oktober 2021. Besoek op 8 September 2025.
  12. ↑ (en) "Sakura Fifteen Set to Take on Wales". Japannese Rugbyvoetbalunie. 21 September 2021. Besoek op 8 September 2025.
  13. ↑ (en) "Sakura Fifteen Confirmed to Play Ireland on European Tour". Japannese Rugbyvoetbalunie. 15 Oktober 2021. Besoek op 8 September 2025.
  14. ↑ (en) "Japan Team Announced to Take on Scotland". Japannese Rugbyvoetbalunie. 13 November 2021. Besoek op 8 September 2025.
  15. ↑ (en) "Japan Team Announced to Take on Ireland". Japannese Rugbyvoetbalunie. 18 November 2021. Besoek op 8 September 2025.
  16. ↑ (en) Katie Sands (19 Januarie 2023). "Wales Women 23-5 Japan: Double try-scorer Jasmine Joyce shines in hosts' first win in 32 months". Wales Online. Besoek op 8 September 2025.
  17. ↑ (en) "Scotland Women 36 Japan Women 12". Skotse Rugbyunie. 14 November 2021. Geargiveer vanaf die oorspronklike op 21 November 2021. Besoek op 21 November 2021.
  18. ↑ (en) Eamon Doggett (20 November 2021). "Ireland v Japan score recap: Ireland did deep with 14 players to pull off unlikely win". Daily Mirror. Besoek op 8 September 2025.
  19. ↑ (en) "Japan women finish tour of Australia unbeaten". rugbyworldcup.com. 11 Mei 2022. Besoek op 12 Mei 2022.
  20. ↑ (en) "Japan Sakura XVs Thrash Kazakhstan in Asia Rugby Women's Championship 2025 Opener". RugbyAsia247. 25 Mei 2025. Besoek op 8 September 2025.
  21. ↑ (en) Vladimir Maltsev (21 Mei 2025). "Kazakhstan women's rugby team secures top-three finish in Asia". Kursiv Media Kazakhstan. Besoek op 12 Junie 2025.
  22. ↑ (en) "Match Report – Hong Kong China 5–63 Japan". Hongkongse Rugbyunie. 25 Mei 2025. Besoek op 8 September 2025.
  23. ↑ (en) "2025 Asia Rugby Emirates Women's Championship". Asië Rugby. 27 Mei 2025. Besoek op 8 September 2025.
  24. ↑ (en) "Sakura Fifteen Rugby World Cup Squad Announced". Japannese Rugbyvoetbalunie. 28 Julie 2025. Besoek op 8 September 2025.

Eksterne skakels

[wysig | wysig bron]
Ontsluit van "https://af.wikipedia.org/w/index.php?title=Japannese_nasionale_vrouerugbyspan&oldid=2836419"