Jaroslaf I van Kiëf

in Wikipedia, die vrye ensiklopedie
(Aangestuur vanaf Jaroslaf die Wyse)
Jaroslaf
Grootprins van Kiëf
Seël van Jaroslaf I van Kiëf
Seël van Jaroslaf I van Kiëf
Periode 1019–1054
Voorganger Swjatopolk I
Opvolger Isjaslaf I
Huis Rjoerik
Vrou Irene
Kinders Wladimir van Nowgorod
Isjaslaf I van Kiëf
Swjatoslaf II van Kiëf
Wsewolod I van Kiëf
Igor
Wjatsjeslaf
Elisabeth
Anastasia
Anna
Vader Wladimir I
Gebore 978
Oorlede 1054
Bynaam Jaroslaf die Wyse
Uitbeelding van Jaroslaf die Wyse by die Granowitaja Palata

Jaroslaf I of Jaroslaf die Wyse (Russies: Ярослав Мудрый; 978 – 1054) het as grootprins oor Kiëf-Roes regeer. Hy was die seun van Wladimir die Heilige. Hy is in 978 gebore as die grootprins van Nowgorod.

Nadat sy pa in 1015 dood is en sy halfbroer of neef Swjatopolk I sy broers Boris en Gleb laat vermoor het, het hy teen Swjatopolk opgeruk. Die verslane Swjatopolk het na Pole gevlug. Hy het egter teruggekeer, Jaroslaf met die hulp van sy Poolse skoonpa verslaan en Kiëf in 1017 beleër. Jaroslaf het hom egter weer aangeval en verslaan. In 1019 het Jaroslaf finaal die grootprins van Kiëf geword.

Hy was getroud met Ingegerd, ’n dogter van Olaf II van Swede. Een van hul dogters, Anna, het deur haar huwelik met Hendrik I van Frankryk koningin van Frankryk geword. Nog ’n dogter, Elisabeth het met koning Harald III van Noorweë getrou.

Jaroslaf het ’n einde gebring aan die burgeroorlog in Kiëf-Roes. Hy het sy ryk beter beskerm, Kiëf versier en die kerk meer onafhanklik van Bisantium gemaak. Sonder die medewete van die Bisantynse kerk het hy Russiese priesters belangrike take in die kerk gegee. Hy het ook handelskontrakte met ander lande gesluit.

Verwysings[wysig | wysig bron]

Hierdie artikel is merendeels vertaal vanaf die Nederlandse Wikipedia-artikel nl:Jaroslav de Wijze

Eksterne skakels[wysig | wysig bron]