Jefim Bronfman

in Wikipedia, die vrye ensiklopedie
Jump to navigation Jump to search
Jefim Bronfman (2008)

Jefim "Fima" Naumowitsj Bronfman (Russies: Ефим Наумович Бронфман; 10 April 1958 – ) is 'n Sowjetgebore Israeli-Amerikaanse pianis.

Biografie[wysig | wysig bron]

Bronfman was in Tasjkent, Uzbek Sowjet-Sosialistiese Republiek gebore. Hy het op die ouderdom van vyftien jaar na Israel geëmigreer. Hy het in 1989 Amerikaanse burgerskap verkry.[1]Hy het in 1975 sy internasionale buiging gemaak saam met Zubin Mehta en die Montreal Simfonieorkes. Bronfman het in 1989 sy buiging by Carnegie Hall gemaak en in 1991 'n reeks uitvoerings saam met Isaac Stern gegee. Hy het in 1997 'n Grammy gewen vir sy opname van die drie Bartók klavierconcertos saam met Esa-Pekka Salonen en die Los Angeles Filharmoniese Orkes. 'n Ander opname met Salonen van die concertos van Sergei Rachmaninoff was onregmatig deur die Concert Artist plate-etiket bekom en heruitgereik met die klavierdeel wat valslik aan Joyce Hatto toegeskryf is. Bronfman is ook 'n toegewyde kamermusiek-speler en het saam met verskeie kamerorkeste en instrumentaliste gespeel. Hy het 'n stel van Sergei Prokofiëf se volledige sonates en concertos gemaak (saam met Zubin Mehta en die Israel Filharmoniese Orkes) vir Sony Records.[2]

Jefim Bronfman (2009)

In 1999 het hy verskyn in Disney se Fantasia 2000 in 'n kort insetsel wat die "Steadfast Tin Soldier" segment inlei. Sy weergawe van Dmitri Sjostakowitsj se Klavierconcerto No. 2 in F majeur (1ste beweging) met die Chicago Simfoneorkes word gebruik vir die segment. In Maart 2006 het Bronfman Sjostakowitsj se Klavierconcerto No. 1 saam met die San Francisco Simfonieorkes onder Mstislav Rostropovich gespeel.

Bronfman het oook verskynings saam met die Milwaukee Simfonieorkes en die Orlando Filharmoniese Orkes gemaak in 'n uitvoering van Beethoven se "Keiser" Concerto. Sy onlangse verskynings het uitvoerings saam met die Orchestre de Paris en die Singapoer Simfonieorkes ingesluit; Bronfman het ook in 2005 verskyn as 'n Pennington Great Performers Reeks Kunstenaar saam met die Baton Rouge Simfonieorkes en weer in 2007. In Januarie 2007 het hy die eerste uitvoering van Esa-Pekka Salonen se Klavierconcerto gegee, wat aan hom gewy is, saam met die New York Filharmoniese Orkes gedirigeer deur die komponis. Dit was gevolg deur 'n Europese premiére by die Britse Promenade ("The Proms") saam met die BBC Simfonieorkes. In Mei 2008 het Bronfman Johannes Brahms se Klavierconcerto No. 1 saam met Michael Tilson Thomas en die San Francisco Simfonieorkes uitgevoer gedurende 'n drie-week-lange Brahms-fees. Op 3 September 2008 het Bronfman Rachmaninoff se Klavierconcerto No. 3 in D mineur uitgevoer onder die leiding van Michael Tilson Thomas tydens die Openingsgala van die San Francisco Simfonieorkes, en op 28 en 29 September saam met die St. Louis Simfonieorkes, onder leiding van David Robertson. Op 25 en 26 Maart 2009 het hy dit weereens uitgevoer, maar hierdie keer onder die dirigeerstaf van Pinchas Zukerman saam met die National Arts Centre Orchestra in Ottawa, Ontario, Kanada. Bronfman het Brahms se Tweede Klavierconcerto saam met die Houston Simfonieorkes op 12 tot 15 Maart 2009 onder leiding van die Maestro Hans Graf, te wete die inwonende Musikale Direkteur, uitgevoer.

Verwysings[wysig | wysig bron]

  1. "The Mary and James G. Wallach Artist-in-Residence, 2013–14". New York Filharmoniese Orkes. Besoek op 2014-06-26.
  2. "Sergei Prokofiev (1891-1953): The Complete Piano Sonatas". MusicWeb International. Besoek op 2014-06-26.

Eksterne skakels[wysig | wysig bron]