Jennifer van den Heever

in Wikipedia, die vrye ensiklopedie
Jump to navigation Jump to search
Jennifer van den Heever
Jennifer van den Heever
Van den Heever in 2019

Ampsbekleër
Termynaanvang
20 Maart 2015

Persoonlike besonderhede
Gebore Jennifer Muriel van den Heever
21 Januarie 1962 (1962-01-21) (59 jaar oud)
Windhoek
Politieke party Populêre Demokratiese Beweging

Jennifer Muriel van den Heever (gebore op 21 Januarie 1962 in Windhoek) is 'n Namibiese politikus en lid van die Populêre Demokratiese Beweging (PDM). Sedert Maart 2015 dien sy as 'n lid van die Nasionale Vergadering van Namibië vir die PDM. Sy is die huidige adjunkpresident van die PDM en die party se vorige nasionale voorsitter. Van 2015 tot 2020 was sy die party se hoofsweep in die Nasionale Vergadering.[1]

Vroeë lewe[wysig | wysig bron]

Jennifer Muriel van den Heever is op 21 Januarie 1962 in Windhoek, Suidwes-Afrika gebore. Sy het standerd 10 in 1979 voltooi.[1]

Loopbaan[wysig | wysig bron]

Tussen 1984 en 1992 het sy as 'n immigrasiebeampte van die Ministerie van Binnelandse Sake gewerk. Sy is in 1994 as 'n laerskoolonderwyseres aangestel, maar het slegs vir 'n jaar lank skool gehou voordat sy bedank het.[1]

In 1999 het sy 'n streeksvoorsitter van die Populêre Demokratiese Beweging (toe nog die Demokratiese Turnhalle-alliansie) geword. Sy was 'n pre-primêre onderwyseres vanaf 2005 tot 2012. Sy is in 2012 as 'n permanente deken in die Anglikaanse Diosees van Namibië aangestel. In 2013 is sy as die nasionale voorsitter van die party verkies.[1]

Van den Heever is in die November 2014-verkiesing tot die Nasionale Vergadering van Namibië verkies en op 20 Maart 2015 as lid ingehuldig.[1] Sy is toe as die hoofsweep aangewys. In April 2019 is sy as die adjunkpresident van die PDM verkies,[2] en in die November 2019-verkiesing tot 'n tweede termyn as LP herkies.[1]

Verwysings[wysig | wysig bron]

  1. 1,0 1,1 1,2 1,3 1,4 1,5 "Van den Heever, Jennifer Muriel". www.parliament.na. Besoek op 11 Julie 2020.
  2. "Delegates wanted me to lead PDM – Venaani". Newer Alive. 29 April 2019. Besoek op 11 Julie 2020.

Eksterne skakels[wysig | wysig bron]