Jetbarak

in Wikipedia, die vrye ensiklopedie
Jump to navigation Jump to search
Jetbarak
Keiser van Ethiopië
Dinastie Zagwe-dinastie
Bewind 13de eeu
Voorganger Na'akueto La'ab
Opvolger Jekoeno Amlak
Vader Gebre Mesqel Lalibela

Jetbarak (Ge'ez: ይትባረክ) was die keiser van Ethiopië en ’n lid van die Zagwe-dinastie. Volgens die Ethiopiese historikus Taddesse Tamrat was hy die seun van Gebre Mesqel Lalibela.[1]

Geskiedenis[wysig | wysig bron]

Volgens tradisie het Jetbarak die troon bestyg nadat sy pa, koning Lalibela, die troon weggeneem het van sy eerste keuse as opvolger, Jetbarak se neef Na'akueto La'ab. Tamrat meen dié tradisie is geskoei op ’n amptelike weergawe van gebeure en teoretiseer dat Na'akueto La'ab teen Jetbarak geveg het vir die troon. Ondanks aanvanklike sukses, het Jetbarak op die ou einde koning geword.[2]

Tamrat stel ook voor Jetbarak was die man wat as Za-Ilmaknoen bekend was – dit was die koning van die Zagwe-dinastie vir wie Jekoeno Amlak in die Slag van Ansata doodgemaak en opgevolg het. Volgens Tamrat word Za-Ilmaknoen vertaal as "die onbekende of verborge een", ’n term wat gebruik is om die nagedagtenis van die koning wat Jekoeno Amlak doodgemaak het, te besoedel.[3]

Verwysings[wysig | wysig bron]

  1. Taddesse Tamrat, Church and State in Ethiopia (Oxford: Clarendon Press, 1972), bl. 56n.
  2. Taddesse Tamrat, ble. 62-4.
  3. Taddesse Tamrat, bl. 68 n. 1.

Skakels[wysig | wysig bron]