Joggie Jansen
Joachim Scholtz Jansen (5 Februarie 1948 – 30 Augustus 2026) was 'n Springbokrugbysenter.[1]
Jansen is op 5 Februarie 1948 in Griekwastad gebore[1] en op 30 Augustus 2026 in die ouderdom van 78 in Otjiwarongo, Namibië aan 'n hartaanval oorlede.[1]
Speelloopbaan
[wysig | wysig bron]In 1964 het Jansen, as 'n sestienjarige, vir Griekwas gespeel by die eerste Cravenweek-toernooi ooit. Na skool het hy aan die Universiteit van die Vrystaat studeer, provinsiale rugby vir die Vrystaat gespeel en was 'n lid van die Vrystaat-span wat die Curriebeker in 1976 gewen het.
Jansen het sy toetsdebuut vir die Springbokke in 1970 teen Nieu-Seeland op Loftus Versfeld in Pretoria gemaak en in al vier toetse tydens die reeks teen die toerende All Blacks gespeel.[2] Jansen het ook in sy eerste toetsroem verwerf vir sy uitstekende duikslag op die All Black-losskakel Wayne Cottrell, wat gehelp het om die momentum van die spel in die Springbokke se guns te swaai.[3] In 1971 het hy in die toetsreeks teen Frankryk en Australië gespeel. Sy laaste toetswedstryd was die verloortoets teen Engeland in 1972.[2] Hy het in 'n verdere vyf toerwedstryde gespeel en vyf drieë gedruk om by sy een toetsdrie vir die Springbokke te voeg.[4]
Verwysings
[wysig | wysig bron]- 1 2 3 Van Heerden, Suné (30 Augustus 2026). "Oud-Springbok Joggie Jansen sterf ná hartaanval in kerk". Maroela Media.
- 1 2 Jooste, Graham K. (1995). South African rugby test players 1949-1995. Johannesburg: Penguin. pp. 79–84. ISBN 0140250174. OCLC 36916860.
- ↑ Greyvenstein, Chris (1992). Springbok saga : from 1891 to the new beginning (4th uitg.). Cape Town: Don Nelson. p. 256. ISBN 1-86806-095-0. OCLC 105375255.
- ↑ Colquhoun, Andy (1999). The South African Rugby Annual 1999. Cape Town: MWP Media Sport. p. 148. ISBN 0958423148.
