Johann Parow

in Wikipedia, die vrye ensiklopedie
Jump to navigation Jump to search
Johann Parow
Gebore(1833-03-01)1 Maart 1833
Sterf4 Desember 1910 (op 77)
NasionaliteitFlag of Prussia (1892-1918).svg Koninkryk Pruise
BeroepKaptein
Bekend virStigter van die Kaapse voorstad Parow
EggenootJohanna Wilhelmina Timmerman
Ouer(s)Johann Jochen Friedrich Parow
Hanna Catharina Maria

Johann Heinrich Ferdinand Parow (1 Maart 1833 – 4 Desember 1910) was 'n Duitse kaptein. Parow is in Born auf dem Darß in die provinsie Pommere, Pruise (vandag deel van Duitsland), gebore. Hy is op 9 Maart 1834 aldaar gedoop; sy peetouers was die kapteins Johan Christoph Zecher en Johann Carl Brushagen. Johann Parow het vyf broers en twee susters gehad. Sy verdere loopbaan is nie bekend nie; hy het moontlik die gewone loopbaan van 'n kaptein gevolg.

Johann Parow het in 1865 kaptein van die skip Kehrwieder geword, wat in 1852/1853 deur Richters in Hamburg gebou is. Dié skip se redery was Johann Cesar Godefroy en is bestuur deur die seun Hamburg. Parow moes in 1865 om die Kaap die Goeie Hoop seil, maar tydens 'n groot storm het 19 skepe in Tafelbaai skipbreuk gely, waaronder kaptein Parow se skoener. Nadat hy skipbreuk gely het, het kaptein Parow baie hulp van die Timmerman-gesin ontvang. Hy besluit om hom hier te vestig en hy het oor 'n kusvaarder tussen Tafelbaai en die Weskus bevel gevoer. Hy is kort daarna getroud met Johanna Wilhelmina Timmerman, die dogter van die familie wat hulp aangebied het nadat hy skipbreuk gely het. Kaptein Parow het spoedig besef dat die Tygervallei groot moontlikhede inhou en hy het hom landwaarts gewend en aanvanklik met grootvee handel gedryf. Hy het later met grond begin spekuleer in die omgewing waarop die dorpsgebied van Parow, wat na hom vernoem is, later uitgelê is en het groot welvaart opgebou. Hierdie dorpsgebied is vandag 'n voorstad van Kaapstad.

Kapt. Parow is op 4 Desember 1910 op sy plaas Cassibelle in Maitland oorlede. Sy vrou is tien jaar vantevore reeds oorlede en die huwelik was kinderloos.

Sien ook[wysig | wysig bron]

Bron[wysig | wysig bron]