Johannes Izaac Rhenius

in Wikipedia, die vrye ensiklopedie
Jump to navigation Jump to search
Johannes Isaac Rhenius

Waarnemende Goewerneur van die Nederlandse Kaapkolonie
Ampstermyn
1791 – 1792
Voorafgegaan deur Cornelis Jacob van de Graaff
Opgevolg deur Nederburgh en Frijkenius

Persoonlike besonderhede
Gebore September 1750
Kaapstad, Kaapkolonie
Sterf 1808

Johannes Isaac Rhenius (Kaapstad omstreeks September 1750 - 1808) was 'n amptenaar van die Verenigde Oos-Indiese Kompanjie aan die Kaap en waarnemende goewerneur.

Rhedius is op 4 Oktober 1750 aan die Kaap gedoop en in 1786 aangestel as sekunde. Toe goewerneur Van de Graaff in 1791 die Kaap verlaat, neem Rhenius tydelik waar tot en met die koms van kommissarisse-generaal Nederburgh en Frijkenius. Hy beklee weer die amp van sekunde, ook onder kommissaris-generaal Sluysken, wat veronderstel was om waar te neem tot die VOC 'n nuwe goewerneur kon stuur, maar in 1795 beset Brittanje die Kaap die eerste keer. Onder die Britse bewind bly Rhenius in die regering aan as belastinggaarder en tesourier.

In 1803 neem die Bataafse Republiek die Kaap oor, maar Rhenius bly steeds in die staatsdiens. Drie jaar later, ná die tweede Britse besetting, word hy aangestel as kommissaris-politiek van die kerk. Hy sterf twee jaar later aan die Kaap.

Sien ook[wysig | wysig bron]

Bron[wysig | wysig bron]

  • Albertyn, dr. C.F. (red.), 1972. Afrikaanse Kinderensiklopedie. Kaapstad: Nasionale Boekhandel Beperk.
Voorafgegaan deur
Cornelis Jacob van de Graaff
Goewerneur van die Kaap de Goede Hoop (waarnemend)
17911792
Opgevolg deur
Kommissarisse-generaals Nederburgh en Frijkenius