Johannes Steenkamp
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Johannes Jurgens Antonie Steenkamp (Burgersdorp, Kaapkolonie, 4 Julie 1875 – onbekend) was ’n boer op die plaas Môreson in die distrik Albert, stryder in die Tweede Vryheidsoorlog, kommandant van die Unie-verdedigingsmag asook ’n voorman in die Nasionale Party en Gereformeerde Kerk.
Steenkamp het grootgeword op die plaas Vaalbank in sy geboortedistrik. Tydens die Tweede Vryheidsoorlog het hy onder genl. Jan Smuts deelgeneem, eers as gewone burger en later as veldkornet tot die einde van die gewapende stryd in 1902. Hy het onder meer by Calvinia en Fraserburg geveg. Tydens die Driejarige Oorlog is hy nooit gevang nie en het die wapen afgelê op Hopetown.
Steenkamp het gehelp om die eerste Nasionale Party-tak te stig (die bron vermeld nie waar nie). Van die Gereformeerde kerk Burgersdorp was hy minstens sewe jaar lank ouderling. Later was hy kommandant in die Verdedigingsmag.
Bron[wysig | wysig bron]
- (af) (en) Reitz, Hjalmar en Oost, Harm (reds.), Goodman, I.M. (samesteller). 1931. Die Nasionale Boek. 'n Geskiedenis van die ontstaan en groei van die Nasionale Party van Suid-Afrika en wat dit bereik het, tesaam met belangwekkende Artiekels in verband daarmee. Johannesburg: Nasionale Boek Maatskappy.