John Adamson

in Wikipedia, die vrye ensiklopedie
Jump to navigation Jump to search

Sir John Ernest Adamson (Wakefield, 11 Januarie 1867 - Muizenberg, 24 April 1950) was 'n Suid-Afrikaanse opvoedkundige.

Adamson het sy universiteitsopleiding aan die Londense Universiteit ontvang, waar hy die graad D.Litt. verwerf het. Daarna was hy lektor in opvoeding aan die South Wales Training College, Carmarthen, van 1891 tot 1902.

In daardie jaar het hy na Suid-Afrika gegaan en hoof van die Normaalkollege in Pretoria geword. Sy vermoëns is gou raakgesien en in 1905 word hy aangestel aan direkteur van onderwys in die Transvaal. Hy het dié gesiene amp beklee tot en met sy aftrede in 1924 toe hy tot ridder geslaan is. HIerna was hy "master" van die Rhodes-universiteitskollege in Grahamstad van 1925 tot 1930.

Adamson het enkele boeke en talryke artikels oor onderwysaangeleenthede geskryf. In 1915 het hy 'n klein bundel gedigte uitgegee, Songs from the south, waarvan die beste mooi geskrewe beskrywings is van Suid-Afrikaanse tonele in die Georgiaanse styl.

Bronne[wysig | wysig bron]