Johnny Clegg

in Wikipedia, die vrye ensiklopedie
Johnny Clegg
Clegg tydens 'n vertoning in Frankryk in 2009
Agtergrondinligting
GeboortenaamJonathan Clegg
Ook bekend asDie wit Zoeloe
Gebore7 Junie 1953
Bacup, Lancashire Vlag van Verenigde Koninkryk Verenigde Koninkryk
Sterf16 Julie 2019 (op 66)[1][2]
Johannesburg, Suid-Afrika[2]
GenresMbaqanga, Afro-pop
Beroep(e)Sanger, musikant
InstrumenteKitaar, konsertina
Jare aktief1980 — 2019
EtiketteCapitol Records
Webwerfwww.johnnyclegg.com
Johnny Clegg tydens 'n konsert in Frankryk in 2007.

Johnny Clegg (OIS; 7 Junie 1953 - 16 Julie 2019) was 'n Britsgebore Suid-Afrikaanse mbaqanga- en Afropop-musikant en voormalige anti-apartheidsaktivis.[1][2] Hy was 'n lid van die musiekgroepe Juluka en Savuka. Hy is ook bekend as Le Zoulou Blanc (Die wit Zoeloe). Sy treffers sluit in "Scatterlings of Africa", "Impi" en "Spirit of the Great Heart".[3]

Deur sy musiek, maar ook deur die karakter van Juluka en Suvuka self, versprei hy die boodskap van rasseharmonie. Hiervoor is verskeie eredoktorsgrade en humanitêre pryse aan hom toegeken, onder meer die Chevalier des Arts et Lettres van die Franse regering (1991), die Orde van Ikhamanga van die Suid-Afrikaanse regering (2012) en eredoktorsgrade in musiek van die Universiteit van die Witwatersrand (2007) en die Universiteit van KwaZulu-Natal (2013).

Lewensloop[wysig | wysig bron]

Jonathan Clegg is op 7 Junie 1953 in Bacup, Lancashire in Engeland gebore. Hy was die seun van 'n Engelse pa en Rhodesiese ma. Sy ma se familie was Joodse boere wat van Litoue en Pole na Suid-Rhodesië geïmmigreer het. Clegg groei in Engeland, Israel, Rhodesië (tans Zimbabwe) en Zambië op, voordat hy hom in 1965 in Johannesburg vestig en in Zoeloe-straatmusiek en tradisionele Zoeloe-danse geïnteresseer raak. As jong man kombineer hy sy musikale loopbaan met sy studie in antropologie. Nadat hy afstudeer gee hy 'n tyd lank aan die Universiteit van die Witwatersrand klas, waar hy deur die werk van die Suid-Afrikaanse antropoloog Andrew Webster, wat in 1989 vermoor is, beïnvloed is.

Clegg stig in 1976 die musiekgroep Juluka (Afrikaans: "Sweet") saam met Sipho Mchunu, wat met ’n unieke vermenging van Westerse en Zoeloeklanke vorendag kom. In die apartheidsjare was dié soort samewerking egter moeilik. Om naam te maak het hulle oorsee begin toer. Die groep ontbind in 1985 omdat Mchunu huis toe moes gaan om sy pa by te staan.

Later tree hy saam met die groep Suvuka (Afrikaans: "Ons is ontwaak") op. Hulle eerste album, Third World Child, was 'n reuse internasionale sukses in 1987 (veral in Frankryk) gewees.

Vanaf die middel van die 1990's werk Clegg en Mchunu weer saam en Juluka bring weer 'n album uit. Clegg het daarna gereeld toere na Europa en Noord-Amerika onderneem.

Diskografie van Juluka[wysig | wysig bron]

Studio-albums[wysig | wysig bron]

  • 1977: World Network 9 (Duo Juluka/Ladysmith Black Mambazo,1992)
  • 1979: Universal Men
  • 1981: African Litany
  • 1982: Ubuhle Bemvelo
  • 1982: Scatterlings
  • 1983: Work For All
  • 1984: Stand Your Ground
  • 1984: Musa Ukungilandela
  • 1984: The International Tracks
  • 1991: Best of Juluka
  • 1997: Crocodile Love / Ya Vuka Inkunzi
  • 2005: Heart of the Dancer[4]

Diskografie van Savuka[wysig | wysig bron]

Albums[wysig | wysig bron]

  • 1987: Third World Child
  • 1988: Shadow Man
  • 1989: Cruel, Crazy, Beautiful World
  • 1993: Heat, Dust and Dreams

Ander[wysig | wysig bron]

  • 1991: Scatterlings of Africa (heropgeneem deur Savuka)
  • 1994: Live And Rarities
  • 2002: My African Dream – The Best of Johnny Clegg & Savuka

Diskografie van Johnny Clegg[wysig | wysig bron]

Albums[wysig | wysig bron]

  • 1985: Third World Child
  • 1988: Le Rock Zoulou de Johnny Clegg & Sipho Mchunu
  • 2002: New World Survivor
  • 2006: Heart of the Dancer
  • 2006: One Life
  • 2010: Human
  • 2017: King of Time[5]

Lewendige albums[wysig | wysig bron]

  • 1986: The Good Hope Concerts
  • 2003: A South African Story – Live At The Nelson Mandela Theatre
  • 2003: Best of Live

DVD's[wysig | wysig bron]

  • 2003: Live! and more...
  • 2006: Johnny Clegg Live at the Nelson Mandela Theatre
  • 2010: Johnny Clegg 30th Anniversary Concert at Emmarentia Dam

Klankbane[wysig | wysig bron]

  • 1988: Rain Man
  • 1990: Opportunity Knocks
  • 1991: Career Opportunities
  • 1992: The Power of One
  • 1992: FernGully: The Last Rainforest
  • 1997: George of the Jungle
  • 2004: The Lion King 3: Hakuna Matata
  • 2007: Goodbye Bafana
  • 2009: Invictus
  • 2011: Jock the Hero Dog[6]

Enkelspelers (Johnny Clegg & Savuka)[wysig | wysig bron]

  • 1987: Scatterlings of Africa
  • 1988: Asimbonanga (Mandela)
  • 1988: I Call Your Name
  • 1988: Cruel, Crazy, Beautiful World

Verwysings[wysig | wysig bron]

  1. 1,0 1,1 "Sanger Johnny Clegg oorlede". Maroela Media. 16 Julie 2019. Geargiveer vanaf die oorspronklike op 12 September 2019. Besoek op 16 Julie 2019.
  2. 2,0 2,1 2,2 "Johnny Clegg se gesin versoek privaatheid". Maroela Media. 17 Julie 2019. Geargiveer vanaf die oorspronklike op 19 September 2019. Besoek op 17 Julie 2019.
  3. HAT Taal-en-feitegids, Pearson, Desember 2013, ISBN 978-1-77578-243-8
  4. Johnny Clegg Discography, www.johnnyclegg.com. Besoek op 20 Julie 2019.
  5. Discogs: Johnny Clegg ‎– King Of Times, www.discogs.com. Besoek op 20 Julie 2019.
  6. IMDb: Johnny Clegg (1953–2019) Soundtracks, Internet Movie Database. Besoek op 20 Julie 2019.

Eksterne skakels[wysig | wysig bron]