Johnny Neon
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Johnny Neon | |
|---|---|
| Gebore | Kaapstad |
| Oorsprong | Johannesburg (Suid-Afrika) |
| Genres | Elektropop, elektropunk |
| Instrumente | Synthesizer |
| Jare aktief | 2006 — hede |
| Assosiasies | The Hot Lips |
| Lede | Johnny Kotze Ben Rausch |
Johnny Neon is 'n musiekgroep van Suid-Afrika. Die groep is aanvanklik onder die naam The Hot Lips begin as 'n kreatiewe uitlaat vir die Kaapstadse grafiese ontwerper en kunstenaar Johnny Kotze. Tussen 2004 en 2006 het Kotze, wat deur rock, pop en punk beïnvloed word, dosyne snitte opgeneem en geproduseer deur van geprogrammeerde ritmes en verskeie analoogsinteses gebruik te maak.
Johnny het The Hot Lips EP, met 'n speeltyd van vyf-en-twintig minute, vrygestel met sy sewe gunsteling snitte daarop wat 'n mengselklank van sintetiese popmelodieë en estetiese kunstepunk weergee. Kotze het die plaat onafhanklik vrygestel met sy eie albumomslag, en dit is deur One Minute Trolley Dash se Righardt Kapp met die hand gedruk.
In Oktober 2006 het Johnny na Johannesburg geskuif, waar hy die prominente plaaslike danspunk-platejoggie en stiger van die Sovereign Academy-partytjiereeks, Ben Rausch, ontmoet het. Die duo het die groepnaam Johnny Neon aanvaar en aan die Hot Lips EP-snitte begin werk om dit direk uitvoerbaar te maak. Sedertdien het Johnny Neon op talle plaaslike radio en tydskrifte voorgekom asook 'n musiek video geskiet vir 'Heart Attack' wat onder die top tien video's op die musiekkanaal MK beland het. Johnny het sy musiek vrygestel op die internet om gratis af te laai. Die laaste self getitlede album is vrygestel einde 2009 met al die titels van 'Hot Lips' asook talle nuwes om totaal van sowat 11 snitte te vorm. Tans het Johnny Neon terug Kaapstad toe getrek en werk weereens as solo kunstenaar aan die musiek. 'n Remix van 'Hearts' verskyn einde 2010 deur Who Killed JR. Die musiek video vir Hearts (redigeer deur Dave Meinert) maak 2012 wereldwyd opslae en word vertoon op 'MTV Buzzworthy', 'Huffington Post' en 'Good Morning America' onder andere. Die musiek verskyn ook in 2012 in verskeie bekende blogs op die internet, onder andere TheGetdownn, The Burning Ear en Big Green Beats. Die video wen ook beste dans in 2013 by die MK Awards.
