Jonkheer Gerard Theodoor Beelaerts van Blokland

in Wikipedia, die vrye ensiklopedie
Jump to navigation Jump to search
Gerard Jacob Theodoor Beelaerts van Blokland as regsadviseur aan die Zuid-Afrikaansche Republiek by die London Konvensie in 1883/1884.
Gerard Jacob Theodoor Beelaerts van Blokland as regsadviseur aan die Zuid-Afrikaansche Republiek by die London Konvensie in 1883/1884.

Jonkheer Gerard Jacob Theodoor Beelaerts van Blokland (1843 – 1897) was 'n Transvaalse diplomaat. Hy is in 1843 gebore en stam uit 'n ou Hollandse adelfamilie Beelaerts van Blokland. Sy vader, F.W.A. Beelaerts van Blokland, was een van die vroeë vriende van die Voortrekkers. Van Blokland jr. het 'n prokureur geword en 'n lid van 'n komitee vir die insameling van fondse om die Boere in die Suid-Afrikaanse Republiek te help. In 1883 het hy die afgevaardigdes wat na Londen toe is om die Pretoria Konvensie te hersien, ontmoet en hulle as regsadviseur bygestaan. In ruil is hy in 1884 aangestel as Minister van die Zuid-Afrikaansche Republiek vir Duitsland, Frankryk en Portugal. Hy het die amp sonder vergoeding tot sy dood beklee. In 1887 word hy Regeringskommissaris in Europa op die Raad van die Nederlands-Suid-Afrikaanse Spoorwegmaatskappy. Hy is in 1897 oorlede.

Bron[wysig | wysig bron]