Juilliard Strykkwartet

in Wikipedia, die vrye ensiklopedie
Jump to navigation Jump to search
Lede van die Juilliard Strykkwartet in September 2018. Links na regs: Roger Tapping, Areta Zhulla, Astrid Schween, en Ronald Copes

Die Juilliard Strykkwartet is 'n strykkwartet wat klassieke musiek speel. Die kwartet is in 1946 by die Juilliard Skool van Musiek in New York deur William Schuman gestig. Die oorspronklike lede was die violiste Robert Mann en Robert Koff, die altviolis Raphael Hillyer, en die tjellis Arthur Winograd. Die huidige lede is die violiste Areta Zhulla en Ronald Copes, die altviolis Roger Tapping, en die tjellis Astrid Schween. Areta Zhulla is die mees onlangse lid van die kwartet. Sy het Joseph Lin in September 2018 vervang.[1] Joseph Lin het in 2011 by die kwartet aangesluit nadat Nick Eanet in 2010 as gevolg van swak gesondheid uitgetree het. Die voormalige tweede violis, en later die eerste violis na Mann se uittrede, Joel Smirnoff, het die kwartet na die 2008-2009 seisoen verlaat ten einde president van die Cleveland Instituut van Musiek te word. Die kwartet was sedert sy stigting in 1946 die inwonende kwartet by die Juilliard Skool. Dit het verskeie pryse gewen, insluitende vier Grammy toekennings en lidmaatskap van die Nasionale Akademie vir Opnamekuns en - Wetenskap Saal van Roem (NARAS). Die groep het in Februarie 2011 die NARAS Lewenslange Prestasie Toekenning vir sy bydrae tot opgeneemde klassiek musiek ontvang.

Die kwartet speel 'n wye reeks klassieke musiek, en het reeds werke deur Beethoven, Mendelssohn, Bartók, Debussy en Sjostakowitsj en vele ander opgeneem, terwyl hulle ook die musiek van kontemporêre komponiste soos Elliott Carter, Ralph Shapey, Henri Dutilleux en Milton Babbitt speel. Die kwartet het saam met ander gerekende musikante soos Aaron Copland, Glenn Gould, Benita Valente en ook (in die kwartet se vroeëre jare) saam met die wetenskaplike Albert Einstein gespeel. Die kwartet se spel kan gehoor word op die klankbaan van die rolprent (waarin Gary Oldman die rol van Beethoven speel) Immortal Beloved.[2]

Die kwartet het aanvanklik vir Sony Classical (voorheen Columbia Records en CBS Masterworks) in 1949 opnames gemaak; en die groep se diskografie bestaan tans uit meer as honderd items, insluitende bekende en minder bekende repertoire. In 1950 het die kwartet die eerste van drie verskyninge by die Peabody Messelaarskonsert in Boston gemaak. Tydens die konsert het hulle die wêreldpremiére van Martin Boykan se Strykkwartet van 1949 gespeel.[3] Die kwartet se vroeëre 1950s opnames van die ses Bartok strykkwartette op die Columbia plate-etiket en verskeie werke vir die RCA Living Stereo plate-etiket (c. 1958-1962); insluitende selfs meer kleurvolle en beslissende interpretasies van Bartok se ses kwartette, en 'n volledige Beethoven kwartet-siklus; is van hul mees bekroonde opnames.

In 2015 het die kwartet 'n toep vrygestel vir Apple se iOS getiteld "Juilliard String Quartet – An Exploration of Schubert’s Death and the Maiden". Die opname was apart uitgereik op oudio deur Ulysses Arts. Die Londense toepontwikkelaar Touchpress en die Juilliard Skool was die medeontwerpers daarvan. Die toep bevat 'n insetsel van die Juilliard kwartet wat Franz Schubert se gevierde Strykkwartet No. 14 in D mineur, beter bekend as "Dood en die Meisie", uitvoer. [4]

Lede[wysig | wysig bron]

Eerste viool[wysig | wysig bron]

  • 1946 Robert Mann
  • 1997 Joel Smirnoff
  • 2009 Nick Eanet
  • 2011 Joseph Lin
  • 2018 Areta Zhulla

Tweede viool[wysig | wysig bron]

  • 1946 Robert Koff
  • 1958 Isidore Cohen
  • 1966 Earl Carlyss
  • 1986 Joel Smirnoff
  • 1997 Ronald Copes

Altviool[wysig | wysig bron]

  • 1946 Raphael Hillyer
  • 1969 Samuel Rhodes
  • 2013 Roger Tapping

Tjello[wysig | wysig bron]

  • 1946 Arthur Winograd
  • 1955 Claus Adam
  • 1974 Joel Krosnick
  • 2016 Astrid Schween[5]

Verwysings[wysig | wysig bron]

  1. "Juilliard String Quartet gets new first violin". The Strad. Besoek op 13 September 2018.
  2. Immortal Beloved in die Internet-rolprentdatabasis
  3. Boston Herald, 13-Apr-1950, Rudolph Elie, "Juilliard Quartet"
  4. http://www.juilliard.edu/about/newsroom/2015-16/juilliard-school-releases-juilliard-string-quartet-app
  5. http://www.juilliard.edu/about/newsroom/2014-15/cellist-joel-krosnick-celebrate-his-42nd-and-final-season-juilliard-string

Eksterne skakels[wysig | wysig bron]