Julia-skepper

in Wikipedia, die vrye ensiklopedie
Jump to navigation Jump to search
Julia-skepper
Mannetjie by die Mkhuze-wildreservaat, KwaZulu-Natal, Suid-Afrika
Vroutjie by die Ithala-wildreservaat, KwaZulu-Natal, Suid-Afrika
Bewaringstatus

Status iucn3.1 LC af.svg
Veilig (IUBN 3.1)[1]

Wetenskaplike klassifikasie
Koninkryk: Animalia
Filum: Arthropoda
Klas: Insecta
Orde: Odonata
Familie: Libellulidae
Genus: Orthetrum
Spesie: O. julia
Binomiale naam
Orthetrum julia
Kirby, 1900

'n Julia-skepper (of Julia Skimmer soos dit in Engels bekend staan), is 'n naaldekoker, Orthetrum julia, en behoort tot die familie van Libellulidae.[2]

Verspreiding[wysig | wysig bron]

Orthetrum julia kom wydverspreid regdeur tropiese Afrika voor, tot in die weste by Gambië. Dit is ook in Noord-Jemen en Sokotra aangeteken.[1] Wyfies gaan dikwels huise binne.[2]

Subspesies[wysig | wysig bron]

  • Orthetrum julia falsum, kom in Afrika en in oostelike hoëreënvalgebiede van Suid Afrika voor.[3]
  • Orthetrum julia capicola (ook bekend as die Kaapse Skepper), kom slegs in Suid-Afrika voor, in die Wes-Kaap en in die Oos-Kaap tot by Humansdorp[4]

Habitat[wysig | wysig bron]

Rietbeddens en grasbedekte areas naby poele, damme en stadigvloeiende strome. In die noorde kom dit veral in beboste gebiede voor. In die Kaap kom Orthetrum julia capicola ook in oop gebiede voor.[2]

Voorkoms[wysig | wysig bron]

Liggaamslengte: 45–49 mm. Agtervlerklengte: 31–36 mm.

  • Orthetrum julia falsum – beide geslagte het donker (amper swart) pterostigmas. Die mannetjie het 'n blou-swart toraks en die wyfie 'n geel tot olyfgroen toraks met swart diagonale strepe. Die laaste paar segmente van die wyfie se abdomen is swart met 'n wit cerci.
  • Orthetrum julia capicola – valerige pterostigmas (nie swart). Die mannetjie het 'n blou-swart toraks en die wyfie is roesbruin met valerige diagonale strepe aan die toraks.

Soortgelyke spesies[wysig | wysig bron]

Vlerkdetail van die O. julia falsum (bo) and O. stemmale onder.

Twee ander skeppers, Orthetrum brachiale (Gebande skepper) en Orthetrum stemmale (Koenieskepper) het soortgelyke kenmerke as die Julia-skepper en word dikwels daarmee verwar. Hierdie twee spesies kan van die Julia-skepper onderskei word deur die dubbelry selle in die Rspl-lus op die vlerke, hul sekondêre geslagsorgane wat anders lyk en hul geelerige pterostigmas, alhoewel die pterostigmas van die Koenieskepper soms donkerder kan wees. Die wyfies van die Orthetrum julia capicola word dikwels met diê van Orthetrum rubens (Mistieke skepper) en Orthetrum caffrum (Strepieskepper) verwar. [3]

Fotogalery[wysig | wysig bron]

Verwysings[wysig | wysig bron]

  1. 1,0 1,1 "Orthetrum julia". IUCN Rooilys van Bedreigde Spesies. Weergawe 2016-3. Internasionale Unie vir die Bewaring van die Natuur. 2015. 
  2. 2,0 2,1 2,2 Willis, Christopher K.; Samways, Michael J. (2011). Water Dancers of South Africa’s National Botanical Gardens. SANBI Biodiversity Series 21 (PDF). Pretoria: Struik. p. 89. ISBN 978-1-919976-68-6.  Aanhaling gebruik verouderde parameter |coauthors= (help)
  3. 3,0 3,1 Tarboton, Warwick; Tarboton, Michèle (2015). A Guide to the Dragonflies & Damselflies of South Africa. Kaapstad: Struik. p. 160. ISBN 978-1-77584-184-5.  Aanhaling gebruik verouderde parameter |coauthors= (help)
  4. "Orthetrum julia ssp. falsum ". IUCN Rooilys van Bedreigde Spesies. Weergawe 2013-3. Internasionale Unie vir die Bewaring van die Natuur. 2012.