Julie & Julia
| Julie & Julia | |
|---|---|
| Regisseur | Nora Ephron |
| Vervaardiger |
|
| Draaiboek | Nora Ephron |
| Geskoei op |
|
| Met |
|
| Musiek deur | Alexandre Desplat |
| Kinematografie | Stephen Goldblatt |
| Ateljee |
|
| Verspreider | Sony Pictures Releasing |
| Uitgereik | 7 Augustus 2009 |
| Speeltyd | 123 minute |
| Land | VSA |
| Taal | Engels |
.jpg)
.jpg)
Julie & Julia is 'n Amerikaanse biografiese rolprent van 2009 wat deur Nora Ephron geskryf en geregisseer is. Die hoofakteurs is Meryl Streep en Amy Adams in die titelrolle, Stanley Tucci, Chris Messina en Linda Emond.
Die prent gaan oor die kontras tussen die lewe van die sjef Julia Child (Streep) in die vroeë jare van haar kosloopbaan, en die lewe van die New Yorker Julie Powell (Adams), wat probeer om al 524 resepte in Child se resepteboek in 365 dae te maak – 'n uitdaging wat sy beskryf op haar gewilde blog, The Julie/Julia Project.[1]
Ephron se draaiboek is op twee boeke geskoei: My Life in France, Child se outobiografie wat sy saam met Alex Prud'homme geskryf het, en Powell se memoires, Julie & Julia: 365 Days, 524 Recipes, 1 Tiny Apartment Kitchen (wat later hernoem is tot Julie & Julia: My Year of Cooking Dangerously).
Albei boeke is tussen 2004 en 2006 geskryf en gepubliseer. Powell se boek is geskoei op haar blog;[2] daarop dokumenteer sy haar daaglikse ondervindings in haar pogings om al 524 resepte in Child se resepteboek van 1961, Mastering the Art of French Cooking, binne 'n jaar te maak.
Die fliek is die eerste groot rolprent wat op 'n blog geskoei is.[3]
Die première was op 30 Julie 2009 in New York.[4] Die prent is op 7 Augustus in die res van Amerika uitgereik.
Julie & Julia was Ephron se laaste rolprent voor haar dood in 2012.[5][6][7]
Rolverdeling
[wysig | wysig bron]- Meryl Streep as Julia Child
- Amy Adams as Julie Powell
- Stanley Tucci as Paul Child, Julia se man
- Chris Messina as Eric Powell, Julie se man[8]
- Linda Emond as Simone Beck ("Simca"), saam met wie Julia Mastering the Art of French Cooking geskryf het
- Mary Lynn Rajskub as Sarah, Julie se beste vriendin[9]
- Jane Lynch as Dorothy Dean Cousins, Julia se suster[10]
- Frances Sternhagen as Irma Rombauer
- Helen Carey as Louisette Bertholle, medeskrywer van Mastering the Art of French Cooking
- Deborah Rush as Avis DeVoto, Julia se penvriendin
- Joan Juliet Buck as Madame Elisabeth Brassart van Le Cordon Bleu, waar Childs die Franse kookkuns geleer het
Verwysings
[wysig | wysig bron]- ↑ Maçek III, J.C. (4 September 2021). "Bless This Mess: Sweeping the Kitchen with Julia Child". PopMatters.
- ↑ "The Julie/Julia Project". Salon.com. 25 Augustus 2002. Geargiveer vanaf die oorspronklike op 19 Augustus 2011.
- ↑ Prigge, Matt (4 Augustus 2009). "Six Films Inspired By Items on the Internets". Philadelphia Weekly. Geargiveer vanaf die oorspronklike op 29 Mei 2012.
- ↑ ""Julie & Julia"". CBS News. 31 Julie 2009. Besoek op 7 November 2023.
- ↑ THR Staff (26 Junie 2012). "Screenwriter and Director Nora Ephron Dies at 71". The Hollywood Reporter (in American English). Besoek op 7 Desember 2024.
- ↑ Finke, Nikki (26 Junie 2012). "R.I.P. Nora Ephron". Deadline Hollywood (in American English). Besoek op 7 Desember 2024.
- ↑ McGrath, Charles (26 Junie 2012). "Nora Ephron Dies at 71; Writer and Filmmaker With a Genius for Humor". The New York Times. Besoek op 10 Julie 2022.
- ↑ "Chris Messina Joins Julie & Julia". ComingSoon.net. 13 Desember 2007. Geargiveer vanaf die oorspronklike op 12 Februarie 2008. Besoek op 18 Junie 2008.
- ↑ "24's Rajskub Cooks Up Role in Julie and Julia". Geargiveer vanaf die oorspronklike op 5 Julie 2008. Besoek op 19 Junie 2008.
- ↑ Perry, Bryon (5 Maart 2008). "Jane Lynch". Variety. Geargiveer vanaf die oorspronklike op 25 Maart 2008. Besoek op 18 Junie 2008.
Skakels
[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
