Jurgens Lambrechts
Jurgens Lambrechts (17 September 1932 - 29 Augustus 2005) was bekend vir sy deelname aan radio-vasvraprogramme en in 1979 was hy die wenner van die Flinkdink TV-vasvrareeks.[1]
Wat minder bekend is, is dat hy in die laat 1950's vir 'n predikant van die Afrikaanse Baptistekerk studeer het. Rondom 1960 was hy dan ook in die bediening in die Afrikaanse Baptistekerk se gemeente te Cornelia in die Vrystaat. Na sowat 'n jaar in die bediening daar, het daar onenigheid tussen hom en die kerkraad ontstaan. Wat die rede vir hierdie onenigheid was, het nooit bekend geword nie, en hy het hierna die gemeente verlaat. Dis onbekend of hy self bedank het, en of deur die gemeente gevra is om te gaan. Hy het daarna die bediening en die Afrikaanse Baptistekerk verlaat.
Sien ook
[wysig | wysig bron]- Daantjie Badenhorst, ook 'n TV-vasvrakampioen.
