Justice (musiekgroep)

in Wikipedia, die vrye ensiklopedie
(Aangestuur vanaf Justice)
Justice
Gaspard Augé en Xavier de Rosnay
Agtergrondinligting
OorsprongParys (Frankryk)
GenresElektroniese musiek, electronic rock
Jare aktief2003 — hede
EtiketteEd Banger
LedeGaspard Augé
Xavier de Rosnay

Justice is 'n Franse elektroniese musiekduo wat uit Gaspard Augé (* 21 Mei 1979) en Xavier de Rosnay (* 2 Julie 1982) bestaan.[1] Hierdie duo is die suksesvolste groep in kontrak met Ed Banger Records, en word deur die hoof van die uitgewer, Pedro Winter, bestuur. Justice staan bekend vir hul kenmerkende sameflansing van rockelemente met hul elektroniese musiek.[2][3]

Justice tydens 'n opvoering (2007).

Justice se styl is al beskryf as hebbend van rockelemente en selfs heavy metal-elemente.[4] Hulle kombineer opgekerfde baslyne met 'n saamgepersde en verwronge sintetiese klank. Hul musiek bevat gereeld die basslaptegniek wat aan die musiek 'n electro house-klank gee. Justice gebruik ook dele uit ander snitte om tot hierdie effek by te dra, soos met die snit "Tthhhee Ppaarrttyy" saam met Uffie.

Die instrumente wat Justice gebruik om hul musiek te produseer, sluit in: 'n Apogee Ensemble Recording Interface, 'n Power Mac G5-rekenaar, hul Korg RADIAS, MicroKORG en Cubase, en ander samestellingsagteware.[5] Tydens regstreekse optredes is daar gewoonlik 'n Korg RADIAS, drie JazzMutant Lemur Input Devices, twee MacBook Pro's wat Ableton Live aandryf, 'n Korg MicroKorg, 'n AKAI MPD24, 'n Korg ZERO8, en 'n Pioneer DJM800 op die verhoog. Aan beide kante van "Valentine" ('n gebreekte modulêre sintetiseerder-verhoogrekwisiet) staan nege gestapelde Marshall-kabinetfronte, wat 'n totaal van agttien meebring.[6] Die kabinetstapels is bykomende nie-funksionerende verhoogrekwisiete wat vir versiering daar geplaas word.[7] Hul platejoggie-opstelling sluit twee Pioneer CDJ-1000MK3's en 'n Pioneer DJM800 in.[8]

Diskografie[wysig | wysig bron]

  • (2007)
  • A Cross the Universe (2008)
  • Woman (2016)

Eksterne skakels[wysig | wysig bron]

Verwysings[wysig | wysig bron]

  1. Eric Dahan: Que justice soit fête. In: Libération, 7 June 2007, and Julian Shovlin online Geargiveer 3 Oktober 2008 op Wayback Machine
  2. "French Electronic Dance Music - New York Times" (in Engels). Geargiveer vanaf die oorspronklike op 27 September 2018.
  3. "RA: Ed Banger: Teaching the rock kids to dance again - Feature / Interview" (in Engels). Geargiveer vanaf die oorspronklike op 30 September 2007.
  4. New York Times review [1]
  5. Sterling, Scott T. (1 Augustus 2007). "Cross Examinations" (in Engels). Remix. Geargiveer vanaf die oorspronklike op 26 November 2009. Besoek op 13 Mei 2008.
  6. Behind the Scenes with Justice in Rio [2]
  7. Electronica That Rocks, à la Française
  8. "Justice - Electro Music With Punk Attitude" (in Engels). Geargiveer vanaf die oorspronklike op 27 Julie 2017.