Justus Tshungu
Justus Tshungu | |
|---|---|
| Gebore | 18 Oktober 1925 |
| Sterf | 29 April 2019 (op 93) |
| Nasionaliteit |  Suid-Afrika |
| Beroep | Radio-omroeper |
| Bekend vir | die eerste swart Suid-Afrikaner wat Afrikaans oor die radio gepraat het |
Justus Tshungu (18 Oktober 1925 – 29 April 2019) was 'n omroeper en die eerste swart Suid-Afrikaner wat Afrikaans oor die radio gepraat het. Hy is in Kranskop, Modimolle, gebore. Hy is in 1960 as omroeper by die SAUK se Noord-Sotho-diens aangestel. Later is hy tot senior openbare skakelbeampte van die Sotho- en Ngunidiens van die SAUK bevorder. Hy was in die beginjare by televisie betrokke en het 'n Artes-toekenning vir sy televisiereeks Kamera II ontvang. Hy kon Afrikaans, Engels, Sepedi, Tsonga en Suid-Sotho vlot praat.
Hy sterf op 29 April 2019 aan natuurlike oorsake.
| Hierdie artikel omtrent ’n Suid-Afrikaanse persoon is slegs ’n saadjie. Jy kan Wikipedia help deur dit uit te brei. |