KF Tirana
| KF Tirana | |||||||||||||||||||||||||||||||||
 | |||||||||||||||||||||||||||||||||
| Volle naam | Klubi i Futbollit Tirana | ||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Bynaam/me | Bardheblutë (Die Wit en Bloues) Noltmadhnia (Die Hoogheid) | ||||||||||||||||||||||||||||||||
| Stigting | 15 Augustus 1920 as Shoqëria Agimi[1] | ||||||||||||||||||||||||||||||||
| Tuisveld | Selman Stërmasi Stadion | ||||||||||||||||||||||||||||||||
| Kapasiteit | 9 600 | ||||||||||||||||||||||||||||||||
| Eienaar | Refik Halili (66%) Munisipaliteit van Tirana (34%) | ||||||||||||||||||||||||||||||||
| Voorsitter | Refik Halili | ||||||||||||||||||||||||||||||||
| Afrigter | Orges Shehi | ||||||||||||||||||||||||||||||||
| Liga | Kategoria Superiore | ||||||||||||||||||||||||||||||||
| 2025/26 | 6de plek | ||||||||||||||||||||||||||||||||
| |||||||||||||||||||||||||||||||||
KF Tirana (voluit: Klubi i Futbollit Tirana) is ’n Albanese professionele sokkerklub uit die land se hoofstad, Tirana, wat in die Kategoria Superiore, die hoogste vlak van Albanese sokker, meeding. Die mansokkerklub vorm deel van die multidissiplinêre sportklub SK Tirana en is die suksesvolste klub in Albanië, nadat hulle reeds 54 groot binnelandse trofeë gewen het. Hulle is die enigste sokkerklub in Albanië met twee sterre op hul kenteken nadat hulle hul 20ste ligakampioenskap in 2003 gewen het (elke ster verteenwoordig tien kampioenskappe), wat hulle die eerste en enigste Albanese klub maak wat hierdie prestasie tot dusver bereik het. Hulle speel hul tuiswedstryde in die Arena Kombëtare in Tirana.
Die klub is op 15 Augustus 1920 as Sport Klub Tirana gestig, maar is later herdoop tot Shoqata e Futbollit Agimi (Afrikaans: Agimi-sokkervereniging). Gedurende die kommunistiese bewind onder Enver Hoxha was die klub as 17 Nëntori (“17 November”) bekend ter ere van die Bevryding van Tirana, wat op 17 November 1944 plaasgevind het. Die huidige naam is in 1991 weer aangeneem.
Die klub het aan al die nasionale topvlak-kampioenskappe in Albanese sokker tot en met 2017 deelgeneem. Hulle negende plek in die 2016/17-seisoen het egter tot die klub se eerste relegasie ooit na die Albanese Eerste Divisie (tweede vlak) gelei. Die klub het die volgende jaar na die hoogste afdeling teruggekeer.
KF Tirana is die suksesvolste Albanese span in Europese kompetisies en het sedert hul Europese debuut in die 1965/66 Europese Beker 14 keer verder as die eerste rondte deurgedring (een keer regstreeks deur loting, sonder om te speel). Hulle het vier keer die laaste 16 van ’n Europese kompetisie bereik, insluitend drie keer in die Europese Beker (nou die Champions League) gedurende die 1980’s.
Verwysings
[wysig | wysig bron]- ↑ Dizdari, Besnik (7 November 2012). "Kur u themelua Sportklub Tirana". Panorama Sport.