Kabinette van Louis Botha

Generaal Louis Botha

Suid-Afrika is tydens die periode 31 Mei 1910 tot 3 September 1919 deur twee opeenvolgende kabinette van Louis Botha regeer.

Oud-generaal Louis Botha (1862-1919) en premier van die kolonie Transvaal is in Mei 1910 deur die Britse kroon benoem as die eerste premier van die Unie van Suid-Afrika. Botha was gewild onder Afrikaners sowel as Engelssprekende blankes en word deur die Britte as 'n bindende faktor beskou. Op 15 September 1910 word die eerste parlementsverkiesing vir die Unie gehou. Dié verkiesings geword gemaklik gewen deur Botha se party "Het Volk", gesteun deur kleiner Afrikanerpartye en verloor deur die Engelsgedomineerde Unionisteparty van Leander Starr Jameson. Kort na die verkiesing smelt "Het Volk" en ander Afrikanerpartye saam om die Suid-Afrikaanse Party te vorm, waarby ook vele Engelssprekendes aansluit.

In 1915 word die parlementsverkiesing weer deur Botha se party gewen, maar daar ontstaan nou 'n kragtiger opposisie van Afrikanernasionaliste (Nasionale Party). Hulle kritiseer veral Botha se pro-Britse beleid omdat die Unie van Suid-Afrika in 1914 tydens die Eerste Wêreldoorlog die Verenigde Koninkryk se kant gekies het in die stryd teen die Duitsers.

Genl. Botha se kabinette I en II (1910-1919)

Minister	Naam	Foto	Party	Tydperk
Eerste Minister	Genl. Louis Botha		SAP	1910 - 1919
Minister van Binnelandse Sake	Genl. Jan Smuts Abraham Fischer Genl. Jan Smuts Hendrik Schalk Theron Thomas Watt		SAP	1910 - 1912 1912 - 1913 1913 - 1915 1915 1916 - 1919
Minister van Finansies	Henry Charles Hull Genl. Jan Smuts David Pieter de Villiers Graaff Henry Burton Thomas Orr		SAP	1910 - 1912 1912 - 1915 1915 - 1916 1916 - 1917 1917 - 1919
Minister van Handel en Nywerheid	Frederick Robert Moore George Leuchars		SAP	1910 - 1911 1911 - 1912
Minister van Justisie	Genl. J.B.M. Hertzog Jacobus Wilhelmus Sauer Nicolaas Jacobus de Wet		SAP	1910 - 1912 1913 1913 - 1919
Minister van Lande	Abraham Fischer H.S. Theron Kol. Hendrik Mentz		SAP	1910 - 1913 1913 - 1916 1916 - 1919
Minister van Landbou	Generaal Louis Botha Jacobus Wilhelmus Sauer Genl. Louis Botha Hercules Christiaan van Heerden		SAP	1910 - 1912 1912 1912 - 1913 1913 - 1919
Minister van Mynbou	Generaal Jan Smuts François Stephanus Malan		SAP	1910 - 1912 1912
Minister van Naturellesake	Henry Burton Genl. J.B.M. Hertzog Jacobus Wilhelmus Sauer Genl. Louis Botha		SAP	1910 - 1912 1912 1912 - 1913 1913 - 1919
Minister van Onderwys	François Stephanus Malan Patrick Duncan		SAP	1910 - 1919
Minister van Openbare Werke	David Pieter de Villiers Graaff Thomas Watt		SAP	1910 - 1912 1912 - 1919
Minister sonder Portefeulje	Charles O'Grady Gubbins David Pieter de Villiers Graaff Jacobus Arnoldus Graaff		SAP	1910 - 1911 1912 1913 - 1919
Minister van Poswese	David Pieter de Villiers Graaff George Leuchars Thomas Watt J.H.M. Beck		SAP	1910 - 1912 1912 1912 - 1915 1916 - 1919
Minister van Spoorweë en Hawens	Jacobus Wilhelmus Sauer Henry Burton		SAP	1910 - 1912 1912 - 1919
Minister van Verdediging	Genl. Jan Smuts		SAP	1910 - 1919

Agter: J.B.M. Hertzog, Henry Burton, F.R. Moor, C. O'Grady Gubbins, Jan Smuts, H.C. Hull, F.S. Malan, David Graaff
Voor: J.W. Sauer, Louis Botha, Abraham Fischer

Sien ook

• Jan Smuts
• Suid-Afrikaanse Party
• Verenigde Party