Kaká
 Kaká in 2018 | |||
| Persoonlike inligting | |||
|---|---|---|---|
| Geboortedatum | 22 April 1982[1] | ||
| Geboorteplek | Gama, Federale Distrik, Brasilië | ||
| Lengte | 1,86 m[2] | ||
| Speelposisie | Aanvallende middelveldspeler | ||
| Jeugloopbaan | |||
| 1994–2000 | São Paulo FC | ||
| Seniorloopbaan* | |||
| Jare | Span | Kere† | (Doele)† |
| 2000–2003 | São Paulo FC | 59 | (23) |
| 2003–2009 | AC Milan | 193 | (70) |
| 2009–2013 | Real Madrid | 85 | (23) |
| 2013–2014 | AC Milan | 30 | (7) |
| 2014–2017 | Orlando City SC | 75 | (24) |
| 2014 | → São Paulo FC (leen) | 19 | (2) |
| Totaal | 461 | (149) | |
| Nasionale span | |||
| 2001 | Brasilië o/20 | 5 | (1) |
| 2002–2016 | Brasilië | 92 | (29) |
| * Kere vir seniorklub uitgedraf en doele is net vir die plaaslike liga.. † Kere uitgedraf (Doele). | |||
Ricardo Izecson dos Santos Leite (Brasiliaanse Portugees: [ʁiˈkaʁdu iˈzɛksõ duˈsɐ̃tuz ˈlejtʃi]; gebore 22 April 1982), algemeen bekend as Kaká (Brasiliaanse Portugees: [kaˈka]) is ’n Brasiliaanse voormalige professionele sokkerspeler wat as ’n aanvallende middelveldspeler gespeel het. Gedurende sy beste jare by AC Milan, waar hy bekend was vir sy hulpaflewerings, doelskiette en dribbel, is Kaká wyd beskou as een van die grootste spelers van sy generasie. Hy word ook beskou as een van die grootste middelveldspelers in die geskiedenis van die sport. Met sukses op klub- en internasionale vlak, is hy een van net nege spelers wat die FIFA Wêreldbeker, die UEFA Kampioeneliga en die Ballon d'Or gewen het.[3][4][5][6][7][8][9][10][11]
Kaká het in 2001 op 18-jarige ouderdom sy professionele debuut gemaak by die Brasiliaanse klub São Paulo. Hy het later in 2003 by die Italiaanse klub AC Milan aangesluit. Kaká het Milaan gehelp om die Serie A-titel in sy eerste seisoen in te palm. Milaan het tweede in die 2004–05 UEFA Kampioeneliga geëindig, met Kaká as die toernooi se beste hulpafleweraar. Hy is benoem tot UEFA se klub-middelveldspeler van die Jaar. Hy het Milaan gelei tot die 2006–07 UEFA Kampioeneliga-titel en was die toernooi se top doelskieter. Sy uitstekende vertonings het aan hom die FIFA Wêreldspeler van die Jaar-titel, die 2007 Ballon d'Or-toekenning en die UEFA Klubvoetballer van die Jaar-toekenning besorg. Na ses jaar by Milaan het Kaká in 2009 by Real Madrid aangesluit vir ’n oordragfooi van €67 miljoen, wat destyds die tweede hoogste oordragfooi was. Sy vier seisoene by Madrid is egter deur beserings gekenmerk, wat sy spoed laat afneem het. Hy het in 2013 vir ’n enkele seisoen na AC Milan teruggekeer, voordat hy by die MLS-uitbreidingsklub Orlando City SC aangesluit het. Hy is aanvanklik op lening teruggestuur na sy voormalige klub São Paulo voordat hy in 2015 na Orlando teruggekeer en in 2017 van professionele sokker afgetree het.
Kaká het sy debuut vir die Brasiliaanse nasionale span in 2002 gemaak en is vir die 2002 FIFA Wêreldbekerspan gekies, wat daardie jaar die toernooi gewen het. Hy het ook deelgeneem aan die 2006 Wêreldbeker, saam met sterspelers soos Ronaldo, Adriano en Ronaldinho. Sy laaste deelname aan Wêreldbekersokker het in 2010 gekom in Suid-Afrika. Hy was ook ’n lid van Brasilië se FIFA Konfederasiebekertoernooi-wenspanne van 2005 en 2009, en het in 2009 die Goue Bal as die toernooi se beste speler gewen.
Tussen 2006 en 2009 is hy drie keer in beide die FIFA Wêreld XI en die UEFA-span van die Jaar ingesluit.[12] In 2010 is hy in die AC Milan Eregalery opgeneem. Gedurende sy loopbaan was Kaká een van die wêreld se bekendste atlete en die eerste sportpersoon om 10 miljoen volgelinge op X te bereik.[13][14] Buiten sokker is Kaká bekend vir sy humanitêre werk. Hy het in 2004 die jongste ambassadeur van die VN se Wêreldvoedselprogram geword.[15] Vir sy bydraes op en van die veld af is Kaká in 2008 en 2009 deur Time as een van die wêreld se 100 mees invloedryke mense aangewys.
Verwysings
[wysig | wysig bron]- ↑ "Biografia de Kaká". Quadro de Medalhas. Desember 2010. Geargiveer vanaf die oorspronklike op 13 Mei 2021. Besoek op 5 Maart 2012.
- ↑ "Kaká". A.C. Milan. Geargiveer vanaf die oorspronklike op 25 April 2007. Besoek op 5 Julie 2022.
- ↑ "Andriy Shevchenko's Perfect XI: 'Creative maestro' Kaka and 'exceptionally dangerous' John Terry". Fourfourtwo.com. 29 September 2016. Geargiveer vanaf die oorspronklike op 25 Mei 2022. Besoek op 6 Augustus 2017.
- ↑ "Best Brazilian Players of All Time - Kaká". ESPN.com. Geargiveer vanaf die oorspronklike op 25 Mei 2022. Besoek op 6 Augustus 2017.
- ↑ "Pele: Kaka is best and better than Ronaldo". ESPNFC.com. 18 Junie 2007. Geargiveer vanaf die oorspronklike op 25 Mei 2022. Besoek op 6 Augustus 2017.
- ↑ "The 50 greatest footballers of all time". 90min. 13 Mei 2019. Geargiveer vanaf die oorspronklike op 26 April 2023. Besoek op 26 April 2023.
- ↑ "Ranked! The 101 greatest football players of the last 25 years: full list". FourFourTwo (253 uitg.). 13 Februarie 2018. Besoek op 22 Desember 2023.
- ↑ Mackenzie, Alasdair (27 November 2023). "Ranked! The 100 best players of the 21st Century". FourFourTwo. Besoek op 28 November 2024.
- ↑ Bishop, Callum (8 Oktober 2024). "The 20 greatest midfielders in football history have been ranked - Iniesta 6th". GiveMeSport (in Engels). Besoek op 30 November 2024.
- ↑ Die ander is Bobby Charlton, Franz Beckenbauer, Gerd Müller, Paolo Rossi, Zinedine Zidane, Rivaldo, Ronaldinho en Lionel Messi.
- ↑ "Kaka: Former Brazil, AC Milan and Real Madrid midfielder announces retirement". BBC. 17 Desember 2017. Geargiveer vanaf die oorspronklike op 25 Mei 2022. Besoek op 12 Februarie 2018.
- ↑ "A.C. Milan Hall of Fame: Ricardo Izecson dos Santos Leite (Kakà)". acmilan.com. A.C. Milan. Geargiveer vanaf die oorspronklike op 30 September 2016. Besoek op 3 April 2015.
- ↑ "Kaka tops 10M Twitter followers". ESPN. 26 April 2012. Geargiveer vanaf die oorspronklike op 27 April 2012. Besoek op 26 April 2012.
- ↑ "World Fame 100". ESPN. Geargiveer vanaf die oorspronklike op 31 Mei 2017. Besoek op 6 Augustus 2017.
- ↑ Wêreldvoedselprogram (30 November 2004). "Soccer star Kaká puts the floodlights on global hunger". Persberig. http://www.wfp.org/news/news-release/soccer-star-kak%C3%A1-puts-floodlights-global-hunger. Besoek op 15 Junie 2010.
