Kalsium-48

in Wikipedia, die vrye ensiklopedie
Jump to navigation Jump to search
Eienskappe

Algemeen

Naam Kalsium-48 
Calcium-48.svg
 
Protone 20 
Neutrone 28 
Kernspin 0+ 

Status

Status kwasi-stabiele oerisotoop 
Halfleeftyd 4,4+0,5-0,4±0,4 x 10+19 jaar 
Vervalvorm dubbelbeta  

Navigasie

4820Ca
Lys van isotope

Kalsium-48 (chemiese notasie 4820Ca) is 'n kwasi-stabiele isotoop van kalsium.

Dubbelbetaverval[wysig | wysig bron]

Hierdie nukleid is uitsonderlik omdat dit 'n dubbelmagiese kern het wat ryk aan neutrone is. Die kern is nie heeltemal stabiel nie, maar die enigste vervalproses wat dit kan ondergaan is 'n dubbelbetaverval. Daar is twee sulke vervalpaaie. Een wat twee antineutrinos vrystel en (moontlik) een wat neutrinoloos is:

Beide prosesse het uitsonderlik lang halfleeftye. Die tweeneutrino s'n is gemeet en bedra 4,4+0,5-0,4±0,4 x 10+19 jaar. Dit is meer as 'n miljard keer die ouderdom van die heelal. Dit maak hierdie isotoop kwasi-stabiel.[1]

Die neutrinolose proses se halfleeftyd is nog langer en word beraam op >13 x 10+21 jaar. Hierdie aktiwiteit is so gering dat dit amper onmoontlik is om te meet en dit is nog nie aangetoon nie. Vir fisici is dit juis 'n uiters interessante saak om dit te meet omdat hierdie proses inligting sou verskaf oor die aard en die massa van die neutrino.[2] Dit kan groot betekenis vir die kosmologie hê en help om die probleem van die donker materie op te los.

Nuwe elemente[wysig | wysig bron]

Calcium-48 het baie neutrone en dit maak dit moontlik om nuwe elemente te vervaardig deur 'n teiken-materiaal soos kalifornium met hierdie isotoop te bombardeer. Dit is hoe die element oganesson ontdek is:[3]

Neutronaktivering[wysig | wysig bron]

Blootstelling van kalsium-48 aan neutrone (van 'n siklotron, 'n reaktor of 'n draagbare bron soos plutonium-berillium) lei tot die vorming van kalsium-49 wat 'n kort halfleeftyd (8,8 minute) het en 'n kenmerkende gamma-straling vrystel. Hierdie metode kan gebruik word om die konsentrasie van kalsium-48 in die menslike liggaam te bepaal.[4]

Verwysings[wysig | wysig bron]

  1. J. Beringer et al. (Particle Data Group), PR D86, 010001 (2012) (URL: http://pdg.lbl.gov)
  2. Search for ββ-decay of 48Ca in NEMO-3 and commissioning of the tracker for the SuperNEMO experiment Cristóvão Fernandes Vilela
  3. it's elemental
  4. The Climacteric in Perspective: Proceedings of the Fourth International Congress on the Menopause, held at Lake Buena Vista, Florida, October 28–November 2, 1984 M. Notelovitz, P.A. van Keep Springer Science & Business Media, 2012, ISBN 9400941455, ISBN 9789400941458 bls 98