Kampioenetrofee 2009
 Kenteken van die Kampioenetrofee 2009 | |
| Datums | 22 September – 5 Oktober |
|---|---|
| Bestuurder | Internasionale Krieketraad (IKR) |
| Krieketformaat | Internasionale eendagkrieket (EDI) |
| Toernooiformaat | Groep- en uitklopfase |
| Gashere |  Suid-Afrika |
| Kampioen |  Australië (2de titel) |
| Naaswenner |  Nieu-Seeland |
| Deelnemers | 8 |
| Wedstryde gespeel | 15 |
| Speler van die reeks | Ricky Ponting |
| Meeste lopies | Ricky Ponting (288)[1] |
| Meeste paaltjies |  Wayne Parnell (11)[2] |
← 2006 2013 → | |
Die Kampioenetrofee 2009 (Engels: 2009 ICC Champions Trophy) is van 22 September tot 5 Oktober 2009 in Suid-Afrika beslis. Dit was die sesde Kampioenetrofee in EDI-krieket wat deur die Internasionale Krieketraad (IKR) aangebied is. Anders as die gewone interval van twee jaar is dit by uitsondering drie jaar ná die vorige Kampioenetrofee 2006 aangebied. Oorspronklik sou die toernooi in Oktober 2008 in Pakistan plaasvind, maar weens veiligheidskwessies is dit met een jaar uitgestel en na Suid-Afrika verskuif.[3] Daarbenewens was dit ná die Krieketwêreldbeker 2003 en die T20I-wêreldbeker 2007 die derde groot kriekettoernooi in Suid-Afrika.
Die destydse agt beste nasionale spanne op die EDI-ranglys het aan die Kampioenetrofee 2009 deelgeneem: Australië, Engeland, Indië, Nieu-Seeland, Pakistan, Sri Lanka, Suid-Afrika en Wes-Indië. Die spanne is in twee groepe van vier elk verdeel, waarvan elke span een keer teen al die ander spanne van die groep gespeel het. Die twee beste spanne van elke groep het hierna vir die halfeindrondte gekwalifiseer en die wenners het mekaar in die eindstryd ontmoet.
Australië, Engeland, Nieu-Seeland en Pakistan het vir die halfeindrondte gekwalifiseer. Australië het Engeland geklop en Nieu-Seeland vir Pakistan, waardeur die twee Oseaniese spanne in die eindstryd ontmoet het. In die eindstryd op SuperSport-park in Centurion (suidekant van Pretoria), het die verdedigende kampioen Australië Nieu-Seeland met ses paaltjies verslaan en sodoende sy tweede Kampioenetrofeetitel gewen. Die gasheer Suid-Afrika is reeds in die groepfase uitgeskakel.
Toewysing
[wysig | wysig bron]Die Kampioenetrofee 2009 sou oorspronklik van 11 tot 28 September in die Pakistanse stede Lahore en Karatsji beslis word.[4] Die IKR het die toernooi later weens veiligheidskwessies deur ’n aantal deelnemende lande uitgestel; op 24 Julie 2008 het die IKR aangekondig dat die toernooi wel in Pakistan sou plaasvind, ondanks vrese van spelers uit Australië, Engeland, Suid-Afrika en Nieu-Seeland om na dié land te toer.[5] Op 22 Augustus 2008 het Suid-Afrika aangekondig dat hulle weens veiligheidskwessies nie aan die Kampioenetrofee in Pakistan sou deelneem nie.[6] Twee dae later, op 24 Augustus 2008, ná spekulasie dat die toernooi elders gehou kon word (in Engeland, Sri Lanka of Suid-Afrika), het die IKR aangekondig dat die toernooi tot in Oktober 2009 uitgestel sou word.[7]
Tydens sy vergadering in Februarie 2009 het die IKR se uitvoerende raad besluit om Pakistan van sy gasheerreg vir die Kampioenetrofee 2009 te ontneem. Op daardie stadium was Sri Lanka die gunstelinggasheerland.[8] In Maart 2009 het die IKR se Hoofbestuurskomitee aan die IKR se uitvoerende raad aanbeveel om die toernooi in Suid-Afrika aan te bied aangesien daar bekommernisse was dat weens die weerstoestande in Sri Lanka gedurende September en Oktober te veel wedstryde uitgereën sou kon word.[9] Die IKR se uitvoerende raad het dié aanbeveling goedgekeur en die toernooi is in Suid-Afrika van 22 September tot 5 Oktober 2009 geskeduleer.[10] Wanderers en SuperSport-park, albei in die Johannesburgse gebied, is as plekke vir die toernooi aangekondig.[3] Saam met die Krieketwêreldbeker 2003 en die T20I-wêreldbeker 2007 was dit een van drie groot kriekettoernooie wat in die 2000’s in Suid-Afrika aangebied is.
Deelnemers
[wysig | wysig bron]Vir die eerste keer het slegs die destydse beste agt spanne op die EDI-ranglys soos op 1 Augustus 2009 het vir die Kampioenetrofee 2009 gekwalifiseer: Australië, Engeland, Indië, Nieu-Seeland, Pakistan, Sri Lanka, Suid-Afrika en Wes-Indië. Bangladesj en Zimbabwe kon weens hul lae plekke op die EDI-ranglys nie vir die Kampioenetrofee 2009 kwalifiseer nie. Daar het ook geen assosiaatlid aan die toernooi deelgeneem nie.
Gekwalifiseer deur die IKR se EDI-ranglys
Nie gekwalifiseer nie
Nie deelgeneem nie
| Span | Kwalifiseringmetode | Verskynings by eindstryde | Laaste verskyning | Vorige beste prestasie |
|---|---|---|---|---|
| Australië
|
EDI-ranglys op 1 Augustus 2009 |
Sesde | 2006 | Kampioen (2006) |
 Engeland
|
Sesde | 2006 | Naaswenner (2004) | |
 Indië
|
Sesde | 2006 | Kampioen (2002) | |
| Nieu-Seeland
|
Sesde | 2006 | Kampioen (2000) | |
 Pakistan
|
Sesde | 2006 | 3de plek (2000) | |
 Sri Lanka
|
Sesde | 2006 | Kampioen (2002) | |
| Suid-Afrika
|
Sesde | 2006 | Kampioen (1998) | |
 Wes-Indië
|
Sesde | 2006 | Kampioen (2004) |
Stadions
[wysig | wysig bron]Tydens die toernooi is twee Suid-Afrikaanse stadions gebruik. Altesaam 15 wedstryde is tydens die Kampioenetrofee 2009 gespeel, waaronder twee halfeindstryde en die eindstryd.
| Centurion | Johannesburg |
|---|---|
| SuperSport-park | Wanderers |
| 25°51′35″S 28°11′43″O / 25.85972°S 28.19528°O | 26°7′52.17″S 28°3′26.69″O / 26.1311583°S 28.0574139°O |
| Kapasiteit: 22 000 | Kapasiteit: 34 000 |
|
|
Kampioenetrofee 2009 (Suid-Afrika) | |
Formaat
[wysig | wysig bron]Die Kampioenetrofee 2009 is oor 14 dae tussen agt verskillende spanne oor 15 wedstryde beslis. Dit het op 22 September 2009 op SuperSport-park in Centurion met die openingswedstryd tussen die gasheer Suid-Afrika en Sri Lanka begin. Die toernooi het geëindig op dieselfde stadion op 5 Oktober met die eindstryd tussen Australië en Nieu-Seeland, waartydens Australië die Kampioenetrofee verdedig het.
Kalender
[wysig | wysig bron]Die volgende tabel dui die Kampioenetrofee 2009 se daaglikse program aan. ’n Siaan blokkie dui op wedstryde tydens die groepfase, ’n groen blokkie die uitklopfase en ’n geel blokkie op die eindstryd.
|
| |||||||||||||||||||||||||||||||||||||||||||||||
Groepe
[wysig | wysig bron]| Groep A | Groep B |
|---|---|
Groepfase
[wysig | wysig bron]Die Kampioenetrofee 2009 is deur agt nasionale krieketspanne beslis. Vir die groepfase is die agt deelnemende spanne in twee groepe van vier elk verdeel; elke span het een wedstryd teen elk van die ander spanne in dieselfde groep gespeel, dus het elke span drie wedstryde in die groepfase gespeel. Twee punte is vir ’n oorwinning toegeken, een vir ’n gelykop of onbesliste wedstryd en geen punte vir ’n nederlaag: spanne wat met dieselfde aantal punte geëindig het, is volgens lopietempo, dan boultempo en dan die uitslag van die direkte ontmoeting gerangskik. Die twee beste spanne van albei groepe het na die uitklopfase deurgedring.
Uitklopfase
[wysig | wysig bron]Van die begin van dié fase af het die toernooi ’n uitklopformaat aangeneem wat uit drie wedstryde bestaan het: twee halfeindstryde en die eindstryd. Die twee beste spanne van elke groep het na die uitklopfase deurgedring. Die groepwenner van albei groepe het teen die naaswenner van die ander groep in die halfeindstryde gespeel. Elke wedstryd in die uitklopstadium moes met ’n oorwinning vir een van die spanne eindig. As daar ná albei kolfbeurte ’n gelykopuitslag was, is die wedstryd deur ’n Superboulbeurt beslis.
Betrokkenes
[wysig | wysig bron]Skeidsregters en wedstrydbeamptes
[wysig | wysig bron]’n Paneel van agt skeidsregters en drie wedstrydbeamptes is vir die toernooi gebruik.[11]
Skeidsregters
[wysig | wysig bron]
|
Wedstrydbeamptes
[wysig | wysig bron]
|
|
Wedstryde
[wysig | wysig bron]Die wedstryde is in twee fases opgedeel, naamlik die groep- en die uitklopfase.
Groepfase
[wysig | wysig bron]| Kwalifiseer vir die uitklopfase. |
| Uit die toernooi geskakel. |
Die spanne is in twee groepe van vier elk verdeel, waarvan elke span een keer teen al die ander spanne van die groep gespeel het. Die beste twee spanne van elke groep het hierna vir die halfeindrondte gekwalifiseer en die wenners het mekaar in die eindstryd ontmoet.
Groep A
[wysig | wysig bron]| Span | Wed | Wen | Ver | Onb | Pte | LT |
|---|---|---|---|---|---|---|
| Australië
|
3 | 2 | 0 | 1 | 5 | +0.510 |
| Pakistan
|
3 | 2 | 1 | 0 | 4 | +0.999 |
| Indië
|
3 | 1 | 1 | 1 | 3 | +0.290 |
| Wes-Indië
|
3 | 0 | 3 | 0 | 0 | −1.537 |
t
|
||
- Wes-Indië het die loot gewen en gekies om eerste te kolf.
- Chadwick Walton het sy EDI-debuut gemaak.
t
|
||
- Wes-Indië het die loot gewen en gekies om eerste veldwerk te doen.
- Wes-Indië is hiermee uit die toernooi geskakel.
t
|
||
- Pakistan het die loot gewen en gekies om eerste te kolf.
- Shoaib Malik (Pak) teken ’n kampioenetrofeehonderdtal aan.[12]
- Pakistan vorder hiermee tot die halfeindrondte.
t
|
||
- Australië het die loot gewen en gekies om eerste te kolf.
- Wedstryd afgelas weens reën.
- Indië is hiermee uit die toernooi geskakel.
t
|
||
- Australië het die loot gewen en gekies om eerste veldwerk te doen.
- Australië vorder hiermee tot die halfeindrondte.
t
|
||
- Indië het die loot gewen en gekies om eerste veldwerk te doen.
- Royston Crandon (WI) het sy EDI-debuut gemaak.
- MS Dhoni neem sy eerste EDI-paaltjie.
Groep B
[wysig | wysig bron]| Span | Wed | Wen | Ver | Onb | Pte | LT |
|---|---|---|---|---|---|---|
| Nieu-Seeland
|
3 | 2 | 1 | 0 | 4 | +0.782 |
| Engeland
|
3 | 2 | 1 | 0 | 4 | −0.487 |
| Sri Lanka
|
3 | 1 | 2 | 0 | 2 | −0.085 |
| Suid-Afrika
|
3 | 1 | 2 | 0 | 2 | −0.177 |
t
|
||
- Suid-Afrika het die loot gewen en gekies om eerste veldwerk te doen.
- Duckworth-Lewis-metode hersien teiken om te wen: 262 lopies in 37.4 boulbeurte vir Suid-Afrika.
- Tillakaratne Dilshan (SL) teken ’n kampioenetrofeehonderdtal aan.[12]
t
|
||
- Suid-Afrika het die loot gewen en gekies om eerste veldwerk te doen.
- Wayne Parnell (RSA) neem ’n vyf-paaltjie-oes.[13]
t
|
||
- Engeland het die loot gewen en gekies om eerste veldwerk te doen.
t
|
||
- Sri Lanka het die loot gewen en gekies om eerste veldwerk te doen.
- Sri Lanka is hiermee uit die toernooi geskakel.
t
|
||
- Engeland het die loot gewen en gekies om eerste te kolf.
- Graeme Smith (RSA) teken ’n kampioenetrofeehonderdtal aan.[12]
- Die 624 totale aangetekende lopies is die destyds meeste in ’n Kampioenetrofeewedstryd en oortref die 570 lopies tussen Australië en Indië tydens die 1998-toernooi – later oortref in die wedstryd tussen Indië en Suid-Afrika tydens die 2013-toernooi.[14]
- Engeland vorder hiermee tot die halfeindrondte.
- Suid-Afrika is hiermee uit die toernooi geskakel.
t
|
||
- Nieu-Seeland het die loot gewen en gekies om eerste veldwerk te doen.
- Nieu-Seeland vorder hiermee tot die halfeindrondte.
Uitklopfase
[wysig | wysig bron]Die uitklopfase het bestaan uit twee halfeindstryde, waarvan die twee wenners mekaar in die eindstryd ontmoet het.
| Halfeindrondte | Eindrondte | |||||
| 2 Oktober – Centurion | ||||||
| Engeland
|
257 | |||||
| Australië
|
258/1 | 5 Oktober – Centurion | ||||
| Australië
|
206/4 | |||||
| 3 Oktober – Johannesburg | Nieu-Seeland
|
200/9 | ||||
| Pakistan
|
233/9 | |||||
| Nieu-Seeland
|
234/5 | |||||
Halfeindrondte
[wysig | wysig bron]t
|
||
- Engeland het die loot gewen en gekies om eerste te kolf.
- Steven Davies (Eng) het sy EDI-debuut gemaak.
- Beide Shane Watson en Ricky Ponting (albei Aus) teken ’n kampioenetrofeehonderdtal aan.[12]
t
|
||
- Pakistan het die loot gewen en gekies om eerste te kolf.
- Aaron Redmond (NZ) het sy EDI-debuut gemaak.
Eindstryd
[wysig | wysig bron]t
|
||
- Nieu-Seeland het die loot gewen en gekies om eerste te kolf.
- Shane Watson (Aus) teken sy tweede agtereenvolgende kampioenetrofeehonderdtal aan.[12]
| Kampioenetrofeewenner 2009 |
|---|
| Australië
|
Statistiek
[wysig | wysig bron]Finale puntestand
[wysig | wysig bron]Hierdie tabel toon die finale puntestand van al agt deelnemende nasionale krieketspanne in die Kampioenetrofee 2009.
Kampioen
Naaswenner
Halfeindrondte
Groepfase
Nie deelgeneem nie
| Rang | Span | Groep | S | W | O | V | LV | LT | LD | LT | P |
|---|---|---|---|---|---|---|---|---|---|---|---|
| Finaliste | |||||||||||
| 1 | Australië |
A | 5 | 4 | 1 | 0 | 1179 | 887 | +292 | — | 9 |
| 2 | Nieu-Seeland |
B | 5 | 3 | 0 | 2 | 1110 | 1079 | +31 | — | 6 |
| In die halfeindrondte uitgeskakel | |||||||||||
| 3 | Pakistan |
A | 4 | 2 | 0 | 2 | 874 | 821 | +53 | — | 4 |
| 4 | Engeland |
B | 4 | 2 | 0 | 2 | 939 | 918 | +21 | — | 4 |
| In die groepfase uitgeskakel | |||||||||||
| 5 | Indië |
A | 3 | 1 | 1 | 1 | 378 | 665 | –287 | +0.290 | 3 |
| 6 | Sri Lanka |
B | 3 | 1 | 0 | 2 | 808 | 734 | +74 | −0.085 | 2 |
| 7 | Suid-Afrika |
B | 3 | 1 | 0 | 2 | 724 | 856 | –132 | −0.177 | 2 |
| 8 | Wes-Indië |
A | 3 | 0 | 0 | 3 | 487 | 539 | –52 | −1.537 | 0 |
Meeste lopies en paaltjies
[wysig | wysig bron]Meeste lopies:[1]
|
Meeste paaltjies:[2]
|
Sien ook
[wysig | wysig bron]
Verwysings
[wysig | wysig bron]- ↑ 1,0 1,1 (en) "Records in ICC Champions Trophy, 2009/10 – Most Runs". ESPNcricinfo. Besoek op 14 Maart 2025.
- ↑ 2,0 2,1 (en) "Records in ICC Champions Trophy, 2009/10 – Most Wickets". ESPNcricinfo. Besoek op 14 Maart 2025.
- ↑ 3,0 3,1 (en) "South Africa confirmed as Champions Trophy hosts". ESPNcricinfo. 2 April 2009. Besoek op 14 Maart 2025.
- ↑ (en) "ICC Champions Trophy 2008 schedule". Daily Times. Geargiveer vanaf die oorspronklike op 5 April 2016. Besoek op 5 April 2016.
- ↑ (en) "ICC Decides Pakistan Will Host Champions Trophy". Cricket World. Geargiveer vanaf die oorspronklike op 22 Oktober 2008. Besoek op 22 Oktober 2008.
- ↑ (en) "South Africa boycott cricket's Champions Trophy in Pakistan". Yahoo!. Besoek op 22 Augustus 2008. [dooie skakel]
- ↑ (en) "Champions Trophy postponed until October 2009". ESPNcricinfo. 24 Augustus 2008. Besoek op 14 Maart 2025.
- ↑ (en) "Pakistan not to host 2009 Champions Trophy". ESPNcricinfo. 1 Februarie 2009. Besoek op 14 Maart 2025.
- ↑ (en) "South Africa set to host Champions Trophy". ESPNcricinfo. 11 Maart 2009. Besoek op 14 Maart 2025.
- ↑ (en) "ICC board endorses South Africa to host Champions Trophy". ESPNcricinfo. 16 Maart 2009. Besoek op 14 Maart 2025.
- ↑ (en) "ICC announces umpire and match referee appointments for ICC Champions Trophy". Internasionale Krieketraad. 26 Mei 2009. Besoek op 14 Maart 2025.
- ↑ 12,0 12,1 12,2 12,3 12,4 (en) "List of hundreds for ICC Champions Trophy (ICC KnockOut)". ESPNcricinfo. Besoek op 14 Maart 2025.
- ↑ (en) "Records in ICC Champions Trophy (ICC KnockOut) – List of five-wickets-in-an-innings". ESPNcricinfo. Besoek op 14 Maart 2025.
- ↑ (en) "Highest match aggregates For ICC Champions Trophy (ICC KnockOut)". ESPNcricinfo. Besoek op 14 Maart 2025.
Eksterne skakels
[wysig | wysig bron] |
Wikimedia Commons bevat media in verband met Kampioenetrofee 2009. |
| ||
